ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ବେଗୁନିଆରେ ବୁଲିଲେ ପୃଥ୍ୱୀ, କଂଗ୍ରେସ ପ୍ରାର୍ଥୀ

0

ଭୁବନେଶ୍ୱର: ୨୦୧୯ ନିର୍ବାଚନ ଗଣିତ ଦିନକୁ ଦିନ ଅଧିକ ରହସ୍ୟମୟ ହେବାରେ ଲାଗିଲାଣି । ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ଅବର୍ତମାନରେ ତାଙ୍କ ପୁଅ ପୃଥ୍ୱୀବଲ୍ଲଭ ପଟ୍ଟନାୟକ ରାଜନୀତିକୁ ଓହ୍ଲାଇଛନ୍ତି । ଜାନକୀଙ୍କ ପୁରୁଣା ନିର୍ବାଚନମଣ୍ଡଳୀ ବେଗୁନିଆକୁ ସେ ତାଙ୍କର କର୍ମକ୍ଷେତ୍ର ଭାବେ ଚୟନ କରିବା ସହିତ ଆସନ୍ତା ନିର୍ବାଚନରେ ସେ ଲଢୁଥିବା ସୂଚନା ମିଳିଛି ।
କୌତୂହଳର କଥା ହେଲା, ଜାନକୀଙ୍କ ଜ୍ୱାଇଁ ସୌମ୍ୟରଂଜନ ପଟ୍ଟନାୟକ ଏବେ ବିଜେଡିରେ ଅଛନ୍ତି । ତାଙ୍କ ସଂପର୍କୀୟ ନିରଞ୍ଜନ ପଟ୍ଟନାୟକ ପିସିସି ସଭାପତି । ହେଲେ ନିିଜ ଭିଣୋଇ ରାସ୍ତାରେ ନ ଯାଇ ପୃଥ୍ୱୀବଲ୍ଲଭ କଂଗ୍ରେସ ରାଜନୀତିରେ ପାଦ ଥାପିବାକୁ ନିଷ୍ପତ୍ତି ନେଇଛନ୍ତି । ଆସନ୍ତା ନିର୍ବାଚନରେ ସେ କଂଗ୍ରେସରୁ ହିଁ ପ୍ରାର୍ଥୀ ହେବେ ବୋଲି ବିଶ୍ୱସ୍ତ ସୂତ୍ରରୁ ସୂଚନା ମିଳିଛି ।
ସବୁଠାରୁ ବଡ କଥା ହେଲା, ପୃଥ୍ୱୀବଲ୍ଲଭଙ୍କୁ ଦେଖିବା ପାଇଁ ବେଗୁନିଆ ନିର୍ବାଚନମଣ୍ଡଳୀରେ ଲୋକଙ୍କ ଭିତରେ ଉତ୍କଣ୍ଠା ପରିଲକ୍ଷିତ ହେଉଛି । ଶହ ଶହ କଂଗ୍ରେସ କର୍ମୀ ପୁଣି ଥରେ ଏକାଠି ହେବା ଆରମ୍ଭ କରିଛନ୍ତି । ଅସନ୍ତୁଷ୍ଟ କଂଗ୍ରେସ, ଯେଉଁମାନେ ବିଜେଡି ରାସ୍ତାରେ ଯିବାକୁ ଚାହୁଁଥିଲେ, ସେମାନେ ପୁଣି ମନ ବଦଳାଇଲେଣି । ଫଳରେ ଏହି ନିର୍ବାଚନମଣ୍ଡଳୀ ରାଜନୀତିକୁ ନେଇ ଭିନ୍ନ ଅଙ୍କକଷା ଆରମ୍ଭ ହୋଇଛି ।
ବିଜେଡି ବିଧାୟକ ପ୍ରଶାନ୍ତ ଜଗଦେବଙ୍କ ବିରୋଧରେ କିଛି ଜନମତ ରହିଛି । ଏହାକୁ ଆୟୁଧ କରି ରାଜ୍ୟସଭା ସାଂସଦ ପ୍ରଶାନ୍ତ ନନ୍ଦ ତାଙ୍କ ପୁଅ ଋଷଭ ସପକ୍ଷରେ ପ୍ରଚାର ଆରମ୍ଭ କରିଛନ୍ତି । ସେ ବୁଲୁଛନ୍ତି । ଆମ ଓଡ଼ିଶା ପ୍ରାର୍ଥୀ ପ୍ରଦୀପ ସାହୁ ବିଜେଡିରୁ ଟିକେଟ ନେବା ପାଇଁ ଆଶାୟୀ ଥିଲେ ହେଁ, ବିଜେପି ଶିବିର ସହିତ ମଧ୍ୟ ସଂପର୍କ ରଖିଛନ୍ତି । ହେଲେ ଜାନକୀଙ୍କ ପୁଅ ପୃଥ୍ୱୀବଲ୍ଲଭ ପ୍ରାର୍ଥୀ ହେଲେ, ପ୍ରଦୀପ ସାହୁଙ୍କ ଅସ୍ତିତ୍ୱ ଲୋପ ପାଇଯିବ ବୋଲି ରାଜନୈତିକ ମହଲରେ ମତ ପ୍ରକାଶ ପାଇଛି ।
ବୋଲଗଡରେ କଂଗ୍ରେସ ସଂଗଠନ ବ୍ୟତୀତ ଜାନକୀଙ୍କ ନିଜସ୍ୱ ଭୋଟ ରହିଛି । ଏଣୁ ବେଗୁନିଆରୁ ଯଦି ପୃଥ୍ୱୀଙ୍କୁ ସମର୍ଥନ ମିଳିଲା, ତେବେ ଏହି ଆସନରେ ସେ ବିଜେଡିକୁ ମାତ ଦେବା କଷ୍ଟ ନୁହେଁ ବୋଲି କୁହାଯାଉଛି । ସବୁଠାରୁ ବଡ କଥା ହେଲା, ଏହି ନିର୍ବାଚନମଣ୍ଡଳୀରେ ଗୁଣ୍ଡାରାଜ ଶୀର୍ଷ ଛୁଇଁଛି । ପ୍ରଶାନ୍ତ ଜଗଦେବଙ୍କ ନାଁରେ ଏହି ବଦନାମ ରହିଛି । ନିକଟରେ ଥାନା ଗଣ୍ଡଗୋଳରେ ପ୍ରଦୀପ ସାହୁଙ୍କ ଗୋଷ୍ଠୀର ହାତ ଥିବା କୁହାଯାଉଛି । ଏପରିସ୍ଥଳେ ପୃଥ୍ୱୀଙ୍କ ଭଳି ଜଣେ ଶାନ୍ତ ଓ ସରଳ ବ୍ୟକ୍ତିତ୍ୱଙ୍କ ଆବିର୍ଭାବ ରାଜନୀତି ଗଣିତ ବିଗାଡିଦେବା ଅସମ୍ଭବ ନୁହେଁ ବୋଲି କୁହାଯାଉଛି ।

Leave A Reply

Your email address will not be published.