ପ୍ରମୁଖ ଖବର

ଆକାଶ ମାର୍ଗରୁ ବନ୍ୟାଞ୍ଚଳ ପରିଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ମାଝୀ
ଶିମିଳିପାଳରକୁ ଆସିଲା ମହାରାଷ୍ଟ୍ରରୁ ମହାବଳ
୨୯ରେ ଓଡ଼ିଶାରେ ଆରମ୍ଭ ହେବ ଆୟୁଷ୍ମାନ ଯୋଜନା
ଦିଲ୍ଲୀ-ଏନସିଆରରେ ବାୟୁ ପ୍ରଦୂଷଣ ବୃଦ୍ଧି
ପୋଲିସ ପିନ୍ଧିବେ ବଡି କ୍ୟାମେରା
ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକଙ୍କ ବଡ ଘୋଷଣା,୬ ମାସ ଭିତରେ ମିଳିବ ୨୦ ଲକ୍ଷ ଲୋକଙ୍କୁ ଘର
ବୃନ୍ଦାବତୀ ନିବାସରେ ରହୁଥିବା ରତ୍ନମଣୀ ମଙ୍ଗରାଜ ପ୍ରାୟ ୬୯ ବର୍ଷ ବୟସରେ ମୃତ୍ୟୁ
ଅର୍ଥ ମନ୍ତ୍ରାଳୟର ପରାମର୍ଶଦାତା କମିଟିରେ ବୈଜୟନ୍ତ

ନାବାଳିକାଙ୍କୁ ଘରୁ ବାହାରିବା ମନା!

0

-ଅସୁରକ୍ଷିତ ହୋଇପଡିଲେଣି ନାବାଳିକା
-ଅନୁଗୁଳରେ ୮ ବର୍ଷର ନାବାଳିକାକୁ ଦୁଷ୍କର୍ମ
-ଗୁରୁତର ଅବସ୍ଥାରେ ଡ୍ରେନରୁ ଉଦ୍ଧାର

ଭୁବନେଶ୍ୱର: ନାବାଳିକା ଦୁଷ୍କର୍ମ ଘଟଣାରେ ଅପରାଧୀଙ୍କୁ ଫାଶୀ ଦଣ୍ଡ ମିଳିବ ବୋଲି କେନ୍ଦ୍ର ସରକାର ନିଷ୍ପତ୍ତି ଶୁଣାଇବା ପରେ ବି ଏହାର ବିଶେଷ ପ୍ରଭାବ ପଡୁନାହିଁ । ଆଜି
ଅନୁଗୁଳ ଜିଲ୍ଲାରେ ପୁଣି ଏକ ଅଭାବନୀୟ ଘଟଣା ଘଟିଛି । ଗୋଟିଏ ୮ ବର୍ଷର ନାବାଳିକାକୁ ଜଣେ ଦୁର୍ବୃତ୍ତ ଦୁଷ୍କର୍ମ କରି ସ୍ଥାନୀୟ ବସଷ୍ଟାଣ୍ଡ ନିକଟସ୍ଥ ଏକ ପରିତ୍ୟକ୍ତ ଡ୍ରେନରେ ଫିଙ୍ଗିଦେଇଛି । ନାବାଳିକାକୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତି କରାଯାଇଛି ।
ମିଳିଥିବା ସୂଚନା ଅନୁସାରେ, ଯାଯାବର ଭାବେ ରାସ୍ତା କଡରେ ରହୁଥିବା ଗୋଟିଏ ପରିବାର ଗତକାଲି ବର୍ଷା କାରଣରୁ ନିକଟସ୍ଥ ଏକ ବାରାଣ୍ଡାରେ ଶୋଇଥିଲେ । ସେମାନଙ୍କ ସହିତ ଏହି ୮ ବର୍ଷର ବାଳିକା ମଧ୍ୟ ଶୋଇଥିଲା । ଦୁର୍ବୃତ୍ତ ରାତିରେ ଏହି ବାଳିକାକୁ ଉଠାଇ ନେଇ ଅନୁଗୁଳ ବସଷ୍ଟାଣ୍ଡ ନିକଟସ୍ଥ ଆହାର କେନ୍ଦ୍ର ପାଖରେ ଦୁଷ୍କର୍ମ କରିଥିଲା । ନାବାଳିକାଟି ପ୍ରତିବାଦ କରିବାକୁ ତାର ମୁଣ୍ଡକୁ ମଧ୍ୟ ଜୋରରେ ଆଘାତ ଦେଇଛି । ପରେ ତାକୁ ଡ୍ରେନରେ ଫିଙ୍ଗି ଚାଲି ଯାଇଥିଲା ।
ସକାଳେ ପରିବାର ଲୋକ ନାବାଳିକାକୁ ନ ପାଇ ଖୋଜାଖୋଜି କରିଥିଲେ ଓ ପାଖାପାଖି ୭ଟା ବେଳକୁ ତାକୁ ଠାବ କରାଯାଇଥିଲା । ପୁଲିସ ଏହି ଘଟଣାରେ ତନାଘନା କରୁଛି ।
ଏହି ଘଟଣା କେଉଁଠି ନା କେଉଁଠି ସୂଚାଉଛି ଯେ ରାଜ୍ୟରେ ନାବାଳିକା ଧୀରେ ଧୀରେ ଅସୁରକ୍ଷିତ ହୋଇପଡିଲେଣି । ଗତ ୧୫ ଦିନ ମଧ୍ୟରେ ଚାରି ଚାରିଟି ଘଟଣା ଏମିତି ଘଟିସାରିଲେଣି । ରାଜ୍ୟ ସରକାର ଏ ଦିଗରେ ଯେଭଳି ତନାଘନା କରିବା କଥା, ତାହା ଏଯାଏ ଦେଖାଯାଇନାହିଁ ।

Leave A Reply

Your email address will not be published.