ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

ବିଜେଡିରେ ଇଏ କଣ ଚାଲିଛି?

0

ଭୁବନେଶ୍ୱର: କିଛି କମ୍‍ ନୁହେଁ । ୧୧୧ ଜଣ ଜିତିଛନ୍ତି । ବିଧାନସଭାରେ ବିଜେଡି ମ୍ୟାଜିକ୍‍ ସଂଖ୍ୟା ଠାରୁ ଢେର୍‍ ଉପରେ ଅଛି । ହେଲେ ୨ମାସ ବିତିନି, ସରକାର ବିରୋଧରେ ଆନ୍ଦୋଳନ ଦାନା ବାନ୍ଧିଲେଣି । ବିଧାନସଭାର ପ୍ରଥମ ଅଧିବେଶନରୁ ଅକଳରେ ପଡିଲେଣି ସରକାର । ନାବାଳିକା ନିଖୋଜ, ଦୁଷ୍କର୍ମ ପ୍ରସଙ୍ଗକୁ ଆୟୁଧ କରି ବିରୋଧୀ ବିଧାନସଭାକୁ ଏମିତି ସ୍ଥିତିକୁ ଟାଣି ନେଇଛନ୍ତି ଯେ ସରକାର ମୁକୁଳି ପାରୁନାହାନ୍ତି । କେବଳ ସେତିକି ନୁହେଁ, ଆସନ୍ତାକାଲି ବିଜେପି ଅନୁଗୁଳ ବନ୍ଦ ଡାକରା ଦେଇଛି । କଂଗ୍ରେସ ସମଗ୍ର ରାଜ୍ୟରେ ବିକ୍ଷୋଭ କରିବ । ସବୁ ଜିଲ୍ଲ ମହକୁମାରେ କଂଗ୍ରେସ କର୍ମୀ ଧାରଣା ଓ ବିକ୍ଷୋଭ ସମାବେଶ କରିବେ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କୁଶ ପୁତ୍ତଳିକା ଦାହ କରାଯିବ ବୋଲି ଜଣେ କଂଗ୍ରେସ ନେତା କହିଛନ୍ତି ।

ଗୋଟିଏ ପଟେ ବିରୋଧୀ ମାତିଲେଣି । ଅନ୍ୟପଟେ କିନ୍ତୁ ବିଜେଡି ବିଧାୟକମାନେ ସରକାରକୁ ସୁରକ୍ଷା ଦେଇପାରୁନାହାନ୍ତି । ରାଜନୈତିକ ମହଲ ଏହାକୁ ଭିନ୍ନ ଭାବରେ ଚିତ୍ରଣ କଲେଣି । ଏହି ମହଲର କହିବା କଥା ହେଉଛି, ବିଧାନସଭା ପ୍ରଥମ ଅଧିବେଶନରୁ ବିଜେଡିର ରଣନୀତି କିଛି ଭିନ୍ନ ସଙ୍କେତ ଦେଉଛି । ରାଜ୍ୟସଭା ପ୍ରାର୍ଥୀ ମନୋନୟନ ପ୍ରସଙ୍ଗରେ ପ୍ରଥମେ ତିନି ଚାରିଦିନ କଂଗ୍ରେସ ବିଧାୟକ ସରକାରଙ୍କୁ ଯଥେଷ୍ଟ ସମାଲୋଚନା କଲେ । ଜଣେ ହେଲେ ବି ବିଧାୟକ କେହି ଏହାର ପ୍ରତିବାଦ କଲେନି ଗୃହରେ ।

ଏବେ ନାବାଳିକା ନିଖୋଜ ପ୍ରସଙ୍ଗରେ ସରକାରଙ୍କୁ ଯେଭଳି ସୁରକ୍ଷା ଯୋଗାଇ ଦିଆଯିବା କଥା ତାହା ଦିଶୁନାହିଁ । ପରିସ୍ଥିତିର ଫାଇଦା ନେଇ ଉଭୟ ବିଜେପି ଓ କଂଗ୍ରେସ ଏବେ ପ୍ରସଙ୍ଗକୁ ବିଧାନସଭାରୁ ନେଇ ରାଜରାସ୍ତାରେ ପହଞ୍ଚିଲେଣି । ଯେହେତୁ ନାବାଳିକା ନିଖୋଜ ଓ ଦୁଷ୍କର୍ମ ଏକ ସମ୍ୱେଦନଶୀଳ ପ୍ରସଙ୍ଗ,ଏହା ପ୍ରତି ଘରକୁ ଭେଦୁଛି । କୌଣସି ଲୋକ ଏହି ଘଟଣାକୁ ଗ୍ରହଣ କରିପାରୁନାହାନ୍ତି କି ପୁଲିସ କାର୍ଯ୍ୟାନୁଷ୍ଠାନ ପର୍ଯ୍ୟାପ୍ତ ବା ସନ୍ତୋଷଜନକ ବୋଲି କହୁନାହାନ୍ତି । ବରଂ ବ୍ୟବସ୍ଥାକୁ ନେଇ ପ୍ରଶ୍ନ ଉଠିଲାଣି ।

ଏଠାରେ ଉଲ୍ଲେଖଥାଉକି, ସରକାର ଗଠନ ପରେ ପରେ ଯଦି ଏପରି ପରିସ୍ଥିତି ଲାଗି ରହେ, ତେବେ ସରକାରଙ୍କ ସଫଳତା ଲୋକଙ୍କ ମନକୁ ଧରିବା ପୂର୍ବରୁ ବିଫଳତା ଜାଲ ବାନ୍ଧି ସାରିଥିବ ଓ ଆଗକୁ ପୌର ନିର୍ବାଚନରେ ଏହାର ପ୍ରଭାବ ନ ପଡିିବ ଏକଥା କିଏ କହିବ ।

Leave A Reply

Your email address will not be published.