ସାଲିଆ ସାହିରେ ଉତ୍ତେଜନା ଧସ୍ତାଧସ୍ତି
ଡ୍ରେନ-ରାସ୍ତା ମିଶିଯାଇଥିଲା, ଗଳିପଡିଲେ
ଭୁବନେଶ୍ବର: ମୁକୁଳା ଡ୍ରେନ ପାଣିରେ ଆଜି ଜଣେ ବୃଦ୍ଧା ଭାସିଯାଇଛନ୍ତି। ସ୍ଥାନୀୟ ସାଲିଆସାହିରେ ଏଭଳି ଅଘଟଣ ଘଟିଛି। ମୃତ ବୃଦ୍ଧାଜଣଙ୍କ ହଲେେ, ଆନ୍ଧ୍ରପ୍ରଦେଶ ମଣ୍ଡରେଶ୍ବରର ପି. ଅପଲାମା ଓ ତାଙ୍କ ବୟସ ୬୦ ର୍ବଷ ବୟସ ବୋଲି କୁହାଯାଉଛି। ସେମାନେ ସାଲିଆସାହିରେ ଦୀର୍ଘ ଦିନ ଧରି ରହି ଆସୁଛନ୍ତି। ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଲୋକେ ରାସ୍ତା ଅବରୋଧ କରିଥିଲେ ଓ ପୁଲିସ ସହ ଧସ୍ତାଧସ୍ତି ହୋଇଥିଲା।
ଗୋଟିଏ ପଟେ ଭୁବନେଶ୍ବରକୁ ସ୍ମାର୍ଟ ସିଟିର ମାନ୍ୟତା ଦିଆଯାଇ ଶହ ଶହ କୋଟି ଖର୍ଚ୍ଚ ହେଉଥିବା ବେଳେ ଅନ୍ୟପଟରେ ଗତ କିଛି ର୍ବଷ ଧରି ଏଭଳି ଅଭାବନୀୟ ଘଟଣା ସାମ୍ନାକୁ ଆସୁଛି। ବିଏମସି କର୍ତୃପକ୍ଷଙ୍କ ବେଫିକର ମନୋଭାବକୁ ସମସ୍ତେ ଦାୟୀ କରୁଛନ୍ତି।
ଆଜି ସନ୍ଧ୍ୟାରେ ପ୍ରବଳ ର୍ବଷା ହେଉଥିବା ବେଳେ ଏକାମ୍ର ଭିଲ୍ଲା ଛକରେ ଥିବା କଣ୍ଟ୍ରୋଲ ଦୋକାନକୁ ବୃଦ୍ଧା ଆସିଥିଲେ। ଡ୍ରେନ ଓ ରାସ୍ତା ଏକାକାର ହୋଇଥିଲା। ଡ୍ରେନ ଜାଣିନପାରି ତଳକୁ ଖସିପଡିଥିଲେ ଓ ଭାସିଯାଇଥିଲେ। ସେ ଘରକୁ ନ ଫେରିବାରୁ ଖୋଜାଖୋଜି ହେବାରେ ତାଙ୍କ ଶବ ଅଳ୍ପ କିଛି ଦୂରରୁ ଶବ ଜବତ କରାଯାଇଥିଲା।