ପୁଣି ଉଦାହରଣ ସୃଷ୍ଟି କଲେ ନବୀନ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ପୁଣି ଗୋଟେ ବଡ଼ ନିଷ୍ପତ୍ତି ନେଇଛନ୍ତି। ସ୍ୱାଧୀନତା ଦିବସ ପୂର୍ବରୁ ସ୍ବାଧୀନତା ସଂଗ୍ରାମୀଙ୍କୁ ଶ୍ରେଷ୍ଠ ସମ୍ମାନ ଦେବା ଲାଗି ଉଦ୍ୟମ ହୋଇଛି। ସାମ୍ବିଧାନିକ ପଦବୀରେ ଥିବା ବ୍ୟକ୍ତିଙ୍କ ଭଳି ଏଣିକି ସ୍ବାଧୀନତା ସଂଗ୍ରାମୀଙ୍କୁ ମାନ୍ୟବର ସମ୍ବୋଧନ କରାଯିବ। ସେହିଭଳି ମୁଖ୍ୟମନ୍ତ୍ରୀ ଆଜି ଅନ୍ୟ ଏକ ବଡ଼ ନିଷ୍ପତ୍ତି କ୍ରମରେ ଗାର୍ଡ ଅଫ ଅନର ଦିଆଯିବା ଵ୍ୟଵସ୍ଥା ଉଛେଦ କରିଛନ୍ତି। ଏହା ସହ ହାଉସ ଗାର୍ଡ ବ୍ୟବସ୍ଥା ବି। କେବଳ ସ୍ୱାଧୀନତା ଦିବସ, ସାଧାରଣତନ୍ତ୍ର ଦିବସ ଭଳି ଦିନରେ ଏହା ଦିଆଯିବ। ତେବେ ରାଷ୍ଟ୍ରପତି, ପ୍ରଧାନମନ୍ତ୍ରୀ ପ୍ରମୁଖଙ୍କ ଲାଗି ଏ ବ୍ୟବସ୍ଥା ପୂର୍ବଭଳି ରହିବ। ଉଲ୍ଲେଖଯୋଗ୍ୟ, ମୁଖ୍ୟମନ୍ତ୍ରୀ ନାଲିବତୀ କାଢ଼ିବା ବେଳେ ବ ପ୍ରଥମେ ଏଭଳି ନିଷ୍ପତ୍ତି ନେଇଥିଲେ।