ଭୁବନେଶ୍ୱର: କଟକର ପୁରୀଘାଟ ଥାନା ଆଇଆଇସି ଦୁର୍ବ୍ୟବହାର କରିଥିବା ଅଭିଯୋଗ ଆଣି ଏବେ କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଅଡୁଆରେ ପଡିଛନ୍ତି । ଏହି ମାମଲାଟି ଏବେ ନୂଆ ମୋଡ଼ ନେଇଛି । କେବଳ ସେତିକି ନୁହେଁ, ପ୍ରସଙ୍ଗଟି ପରୋକ୍ଷରେ ଆଭ୍ୟନ୍ତରୀଣ ବିଜେଡି କନ୍ଦଳ ଆଡକୁ ମୁହାଁଇଲାଣି । ଯେଉଁ ବ୍ୟକ୍ତିଙ୍କ ନାମରେ ଅନୁଭବ ଥାନାକୁ ଯାଇଛନ୍ତି, ସେ ଆଜି ଗଣମାଧ୍ୟମରେ ରଖିଥିବା ବୟାନ ଏମିତି ସଙ୍କେତ ଦେଉଛି ।
ପୁଲିସ ଡାକରା ପାଇ ଥାନାରେ ହାଜର ହେବା ପରେ ମଞ୍ଜିତ କହିଛନ୍ତି, ଅନୁଭବଙ୍କୁ ରାଜନୀତିରେ ଅନେକ କିଛି ଶିଖିବାକୁ ପଡିବ । ଅନୁଭବ ପୂର୍ବରୁ ରାଜ୍ୟସଭା ସାଂସଦ ଥିଲେ । ଏବେ ଲୋକସଭାକୁ ନିର୍ବାଚିତ ହୋଇଛନ୍ତି । ସେ ସୁପରଷ୍ଟାରକିନ୍ତୁ ଦଳ ପିଲାଙ୍କୁ ନେଇ କେମିତି ଚାଲିବାକୁ ପଡିବ, ସେ ଶିଖିବା କଥା । ସେ କ୍ଷମତାର ଦୁରୁପଯୋଗ କରୁଛନ୍ତି ଓ ତାଙ୍କର ପଲଟିକାଲ କ୍ୟାରିଅର ଖତମ୍ କରିଦେବେ ବୋଲି ଧମକ ଦେଇଛନ୍ତି । ପୁଲିସ ଉପରେ ମୋର ବିଶ୍ୱାସ ଅଛି । ମୁଁ ଥାନାରେ ଏତଲା ଦେଇ ବିଜେଡିର ମାନ ସମ୍ମାନ ହାନି କରିବାକୁ ଚାହୁଁନାହିଁ ବୋଲି ମଞ୍ଜିତ ଆଜି କହିଛନ୍ତି ।
ମଞ୍ଜିତଙ୍କର ଏହି ବୟାନ ରାଜ୍ୟ ରାଜନୀତିରେ ଚର୍ଚ୍ଚାର ବିଷୟ ହେଲାଣି । ଅନୁଭବ ଆଜି ମଞ୍ଜିତ ଦେଇଥିବା ମନ୍ତବ୍ୟ ଉପରେ କୌଣସି ପ୍ରତିକ୍ରିୟା ଦେଇନାହାନ୍ତି ।
୩୦ ତାରିଖ ଦିନ ଅନୁଭବଙ୍କ ଟ୍ୱିଟ୍କୁ ନେଇ ଚର୍ଚ୍ଚା ଆରମ୍ଭ ହୋଇଥିଲା । ଜଣାପଡିଥିଲା ଯେ ନନ୍ଦୀ ସାହିର ମଦନ କୁମାର ଆସଙ୍କୁ ୨୯ ତାରିଖ ରାତିରେ କେତେ ଜଣ ଯୁବକ ମାଡ଼ ମାରିଥିଲେ । ସାଂସଦଙ୍କ ଘର ସାମ୍ନାରେ ଏଭଳି ଘଟଣା ଘଟିଥିଲା । ପାଟିତୁଣ୍ଡ ଶୁଣି ସାଂସଦ ଘର ବାହାରକୁ ଆସିଥିଲେ । ହେଲେ ଦୁର୍ବୃତ୍ତମାନେ ତାଙ୍କୁ ମଧ୍ୟ ଗାଳିଗୁଲଜ କରିଥିଲେ । ସେ ଏ ସଂପର୍କରେ ପୁରୀ ଘାଟ ଥାନା ଆଇଆଇସି ରଶ୍ମୀରଂଜନ ସାହୁଙ୍କୁ ଖବର ଦେଇଥିଲେ । ପୁଲିସ ପହଞ୍ଚିବା ପରେ ସାଂସଦ ସମସ୍ତଙ୍କୁ ଗିରଫ କରିବାକୁ କହିଥିଲେ । ହେଲେ ତାଙ୍କୁ ଲିଖିତ ଅଭିଯୋଗ କରିବାକୁ କୁହାଯାଇଥିଲା ବୋଲି ପୁଲିସ ଗଣମାଧ୍ୟମକୁ କହିଛି । ଆଉ ଏହାର କିଛି ଘଣ୍ଟା ପରେ ସାଂସଦଙ୍କ ଟ୍ୱିଟ୍କୁ ନେଇ ଚର୍ଚ୍ଚା ହୋଇଥିଲା ।
ସେପଟେ ମଦନ କରିଥିବା ଅଭିଯୋଗ ଅନୁଯାୟୀ, ମଞ୍ଜିତ, ମାନସ ଦତ୍ତ, ଚନ୍ଦନ ବେହେରା, ଦୀପଙ୍କର ସେନ ପ୍ରମୁଖ ତାଙ୍କୁ ଗାଳିଗୁଲଜ କରିଥିଲେ ଓ ତାଙ୍କ ସୁନା ଚେନ୍ ଛଡାଇ ନେଇଥିଲେ ।
ପ୍ରମୁଖ ଖବର
ହିଞ୍ଜିଳିରେ ପ୍ରଚାର କରିଛନ୍ତି ଅଭିନେତା ବାବୁସାନ ମହାନ୍ତି ,ଗୀତ ଗାଇ ବାବୁସାନଙ୍କ ପ୍ରଚାର
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓଡ଼ିଶା ଗସ୍ତରେ ଆସି, ଓଡ଼ିଶାରେ ବିଜେପି ପାଇଁ ପ୍ରଚାର ଆରମ୍ଭ କରିଛନ୍ତି
ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କଲେ ବ୍ୟାଡମିଣ୍ଟନ ଷ୍ଟାର ସାଇନା ନେହ୍ୱାଲ
ପାଟନା ଜଙ୍କସନ ରେଳଷ୍ଟେସନ ନିକଟରେ ଥିବା ହୋଟେଲରେ ଭୟାନକ ଅଗ୍ନିକାଣ୍ଡ: ୬ ମୃତ, ୧୮ ଗୁରୁତର