ନୂଆଦିଲ୍ଲୀ: ବିଦ୍ୟାଳୟରେ ଆମେ ସମସ୍ତେ ଅଳ୍ପ ବହୁତ ସୁଏଜ କେନାଲ ସମ୍ପର୍କରେ ପଢ଼ିଛନ୍ତି। ଜାଣିଛନ୍ତି, ଦେଶର ନୌବାଣିଜ୍ୟ କ୍ଷେତ୍ରରେ ପ୍ରମୁଖ କେନାଲ ଭାବେ ଗଣତି ହେଉଥିବା ସୁଏଜର ବୟସ ଇତିମଧ୍ୟରେ ୧୫୦ ଛୁଇଁଲେଣି। ମଣିଷକୃତ ଏହି କେନାଲ ୧୮୫୯ ମସିହାରେ ୟୁରୋପରୁ ଏସିଆକୁ ନୌବାଣିଜ୍ୟ ପାଇଁ ଖନନ କରାଯାଇଥିଲା। ଦୀର୍ଘ ଦଶ ବର୍ଷ କାଳ ଅର୍ଥାତ ୧୮୬୯ ଯାଏ ଏହି କାର୍ଯ୍ୟ ଜାରି ରହିଥିଲା। ଗୋଟିଏ ସମୟରେ ଇଜିପ୍ଟ ମାନେ ଏଭଳି କେନାଲ ପାଇଁ ସ୍ୱପ୍ନ ଦେଖିଥିଲେ। କିନ୍ତୁ ଫରାସୀ କୂଟନୀତିଜ୍ଞ ଫର୍ଡିନାଣ୍ଡ ଡ଼ି ଲେସେପ ଏହାକୁ ସାକାର ରୂପ ଦେବାକୁ ଚିନ୍ତା କରିଥିଲେ। ୧୯୩.3 କିଲୋମିଟର ଦୀର୍ଘ ଏହି କେନାଲରୁ ଏବର୍ଷ ୫.୯ବିଲିଅନ ଡଲାର ଅର୍ଥ ଉପାର୍ଜନ ହୋଇଛି।
୧୮୬୯ ମସିହା ନଭେମ୍ବର ୧୭ ତାରିଖରେ ଏହି କେନାଲରେ ପ୍ରଥମ ଜାହାଜ ଚଳାଚଳ ଆରମ୍ଭ ହୋଇଥିଲା। ଏବର୍ଷ ଅଗଷ୍ଟ ମାସରେ ସର୍ବାଧିକ ୮୧ଟି ଜାହାଜ୬.୧ ମିଲିଅନ ଲୋକଙ୍କୁ ନେଇ ଚଳାଚଳ କରିଛି।
ଆଜି ପବିତ୍ର କାର୍ତିକ ପୂର୍ଣ୍ଣିମା ଅବସରରେ ଓଡ଼ିଶାର ନୌବାଣିଜ୍ୟ ପରମ୍ପରା କଥା ମନେ ପକାଯାଉଛି। ଏତିକି ସଙ୍କେତ ଅନ୍ତତଃ ମିଳୁଛି ଯେ ଆମର ଓଡ଼ିଆ ପୁଅ କେତେ ଆଗୁଆ ଥିଲେ।