ପ୍ରମୁଖ ଖବର

୧୮ ତାରିଖ ଦିନ ଖୋଲିବ ଭିତର ରତ୍ନଭଣ୍ଡାର, ସକାଳ ୯.୫୧ରୁ ୧୨.୧୫ ରହିଛି ଶୁଭ ମୂହୁର୍ତ୍ତ
ଶ୍ରୀମନ୍ଦିର ଭିତର ଭଣ୍ଡାରରେ ଥିବା ଅଳଙ୍କାର ଆଦିକୁ ସ୍ଥାନାନ୍ତର କରାଯିବ: ଶ୍ରୀମନ୍ଦିର ମୁଖ୍ୟ ପ୍ରଶାସକ
ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ, ଆର୍ମି ଅଫିସର ସମେତ ୪ ସହିଦ
ୟୁପି ଶିକ୍ଷକଙ୍କୁ ଆଶ୍ବସ୍ତି, ୨ ମାସ ପାଇଁ ସ୍ଥଗିତ ରହିଲା ଡିଜିଟାଲ ଉପସ୍ଥାନ
ସମ୍ବଲପୁର ଚିଡ଼ିଆଖାନାକୁ ଆସିବେ ୪ ମହାବଳ ବାଘ
ଓଡିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା: ଆସନ୍ତା ୧୯ ଓ ୨୦ ତାରିଖରେ ରାଜ୍ୟ ବିଜେପିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଯୋଗ ଦେବେ
କଟକ ଏସସିବି ମେଡିକାଲରେ ଉତ୍ତେଜନା ; ହାଉସ ସର୍ଜନ ଏବଂ ନର୍ସିଂ ଅଫିସର ମୁହାଁମୁହିଁ

କାହିଁକି ବିଧାୟକଙ୍କ ସହ ଏମିତି ଘଟୁଛି?

0

ଭୁବନେଶ୍ବର: ତାଳଚେର ବିଧାୟକ ବ୍ରଜ କିଶୋର ପ୍ରଧାନଙ୍କୁ ଘରେ ତାଲା ପକାଇ ଦୁର୍ବୃତ୍ତ ତାଙ୍କ ଗାଡିରେ ନିଆଁ ଲଗାଇ ଜାଳିଦେଇଛନ୍ତି। ବିକ୍ରମପୁର ଗାଁର ଭରତପୁର ନନ୍ଦିରା ଅଞ୍ଚଳରେ ଥିବା ତାଙ୍କର ଏକ ଫାର୍ମ ହାଉସରେ ଦୁର୍ବୃତ୍ତମାନେ ଶନିବାର ରାତି ପାଖାପାଖି ୨ଟା ବେଳେ ଏଭଳି ଅଭାବନୀୟ କାଣ୍ଡ ଘଟାଇଛନ୍ତି। ତାଙ୍କ କର୍ମୀମାନେ ତାଲା ଖୋଲି ତାଙ୍କୁ ବାହାରକୁ ବାହାର କରିଥିଲେ ହେଁ, ଫରଚ୍ୟୁନର ଗାଡିଟି ଜଳି ଯାଇଛି।

କିଛି ଦିନ ବ୍ୟବଧାନରେ ତାଳଚେର ବିଧାୟକଙ୍କ ସହିତ ତୃତୀୟ ଥର ପାଇଁ ଏଭଳି କାଣ୍ଡ ଘଟାଇବାରେ ଦୁର୍ବୃତ୍ତ ସକ୍ଷମ ହୋଇଛନ୍ତି। ଅଗଷ୍ଟ ୧୯ ତାରିଖରେ ବିଧାୟକଙ୍କ ଭୁବନେଶ୍ବରସ୍ଥିତ ସରକାରୀ କ୍ବାର୍ଟର୍ସ ସାମ୍ନାରେ ଏମିତି ଢଙ୍ଗରେ ଗାଡିରେ ନିଆଁ ଲାଗିିଥିଲା। ସେତେବେଳେ ୨ଟି କାର୍ ଓ ଗୋଟିଏ ବାଇକ୍ ପୋଡିଯାଇଥିଲା। ପରେ ତାଙ୍କ ହାଣ୍ଡିଧୁଆଁ ସହିତ ବାସଭବନରେ କେହି ନିଆଁ ଲଗାଇବାକୁ ଉଦ୍ୟମ ହୋଇଥିଲା।

ପୁଲିସ ଯଦିଓ ଏହି ଘଟଣାରେ ତନାଘନା ଆରମ୍ଭ କରିଛି,ତେବେ ଏଯାଏ ଠୋସ୍ କିଛି ତଥ୍ୟ ପାଇନାହାନ୍ତି। ସେପଟେ କୌତୂହଳର କଥା ହେଉଛି, ପୂର୍ବରୁ ଜଣେ ମହିଳା ବିଧାୟକଙ୍କ ବିରୋଧରେ ସଙ୍ଗିନ ଅଭିଯୋଗ ଆଣିଥିଲେ। ଏବେ ତାଙ୍କୁ କିଏ ତାଲା ପକାଇଦେଲେଣି ତ ଗାଡି ପୋଡି ଦେଉଛି। ଏମିତି କାହିଁକି ବିଧାୟକଙ୍କ ସହିତ ଘଟୁଛି। ବ୍ରଜ ପ୍ରଧାନ ବିଜେଡି ଦଳରୁ ପ୍ରାର୍ଥୀ ହୋଇଥିଲେ। ଶାସକ ଦଳର ବିଧାୟକଙ୍କ ବିରୋଧରେ ଏହା ଏକ ଯୋଜନାବଦ୍ଧ ଷଡ଼ଯନ୍ତ୍ର ନା ଏହା ପଛରେ ଆଉ କିଛି ରହସ୍ୟ ରହିଛି। ଏସବୁ ଉପରେ ଅଧିକ ତଦନ୍ତ ଆବଶ୍ୟକ ହେଲାଣି।

Leave A Reply

Your email address will not be published.