ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ନିଶାଡି ମାତିଛନ୍ତି ୭ଜିଲ୍ଲାରେ

0

ଭୁବନେଶ୍ବର: ଶହେ କି ଦୁଇଶହ ଗ୍ରାମ ନୁହେଁ, ୨ମାସ ଭିତରେ କ୍ରାଇମ୍ ବ୍ରାଞ୍ଚ ଏସଟିଏଫ୍ ଶାଖା ୧କେଜି ୩୪୯ ଗ୍ରାମ୍ ବ୍ରାଉନ୍ ସୁଗାର ଜବତ କଲାଣି। ଯାହାର ବଜାର ଦର ପାଖାପାଖି ଦେଢ କୋଟି ଟଙ୍କା ହେବ। କେବଳ ସେତିକି ନୁହେଁ, ୩୨୬ ଗ୍ରାମ୍ ଅଫିମ, ୧୩ ହଜାର ୨୧ ହଜାର ଟଙ୍କା ସହିତ ୨୭ ଜଣ ବ୍ୟକ୍ତିଙ୍କୁ ଗିରଫ କରାଯାଇଛି। ସେମାନଙ୍କ ଠାରୁ ଗୋଟିଏ ଅଟୋମେଟିକ୍ ପିସ୍ତଲ, ମାରୁତି କାର, ଗୋଟିଏ ଏଟ୍ରିଗା ମାରୁତି କାର, ୮ଟି ବାଇକ୍ ଓ ବ୍ୟାଙ୍କ ଆକାଉଣ୍ଟ ଜବତ କରାଯାଇଛି।

ସ୍ପେସାଲ୍ ଟାସ୍କଫୋର୍ସ ଦାୟିତ୍ବରେ ଥିବା ଡିଆଇଜି ଜୟନାରାୟଣ ପଙ୍କଜଙ୍କ ନେତୃତ୍ବରେ ସ୍ବତନ୍ତ୍ର ଟିମ୍ ୨୦୨୦ ଜାନୁଆରି ପହିଲାରୁ ଆଜି ମଧ୍ୟରେ ଏତେ ପରିମାଣର ନିଶା ସାମଗ୍ରୀ ଜବତ କରିବାରେ ସକ୍ଷମ ହୋଇଛନ୍ତି। କଟକ, ପୁରୀ, ବାଲେଶ୍ବର, ଖୋର୍ଧା, ଅନୁଗୁଳ ଓ ଢେଙ୍କାନାଳ, ଭଦ୍ରକରୁ ଏସବୁ ଚଢାଉ ବେଳେ ଜବତ ହୋଇଛି। କେଉଁଠି ନା କେଉଁଠି ଏହା ସୂଚାଇ ଦେଉଛି, ସମସ୍ତଙ୍କ ନଜର ଆଢୁଆଳରେ ଓଡ଼ିଶା ନିଶା କବଳରେ ଫସିଗଲାଣି। ଅପରାଧ ବୃଦ୍ଧି ପଛର ଏହା ଏକ ବଡ କାରଣ ବୋଲି ବରିଷ୍ଠ ପୁଲିସ ଅଧିକାରୀମାନେ ସ୍ବୀକାର କରୁଛନ୍ତି।

ଭୁବନେଶ୍ବର ଏବେ ନିଶାଡିଙ୍କ ଆଡ୍ଡା ସ୍ଥଳୀ ପାଲଟିଛି। ବିଶେଷକରି ଯୁବ ବର୍ଗ ଏହା ପ୍ରତି ଅଧିକ ଆକର୍ଷିକ ହୋଇପଡିଛନ୍ତି। ବାରମ୍ବାର ଚଢଉ ପରେ ସେମାନେ ବେଫିକର ଭାବେ ଏହି କାରବାର କରୁଛନ୍ତି। ଏକଥା ସୂଚାଉଛି, ଏମାନଙ୍କ ପଛରେ ଜଣେ କିଏ ଗଡ୍ ଫାଦର ଅଛନ୍ତି। କୁଖ୍ୟାତ ବ୍ରାଉନସୁଗାର ମାଫିଆ ଟକ୍‌ଲୁ ରାଜା ଶ୍ବଶୁର ଘରେ କ୍ରାଇମବ୍ରାଞ୍ଚ୍‌ ଆଜି ଚଢଉ କରିଥିବା ସୂୁଚନା ମିଳିଛି। ଏହି ଘଟଣାରେ ତିନିଜଣ ବାଲେଶ୍ବରରୁ ଗିରଫ ହୋଇଛନ୍ତି। ହେଲେ କେବଳ ଏହି ଗୋଟିଏ ଲିଙ୍କ୍ ଯେ ସକ୍ରିୟ ଅଛି ତା ନୁହେଁ, ରାଜ୍ୟ ବାହାରୁ ଏକାଧିକ ମାଫିଆ ନିଶା ବେପାର ସହିତ ଯୋଡି ହୋଇଥାଇପାରନ୍ତି ବୋଲି ତଦନ୍ତକାରୀ ଅଧିକାରୀ ସନ୍ଦେହ କରୁଛନ୍ତି।

ଏଠାରେ ଉଲ୍ଲେଖଥାଉକି, ନିକଟରେ ପୂର୍ବାଞ୍ଚଳ ପରିଷଦ ବୈଠକରେ ଓଡ଼ିଶା ଡିଜିପି ଅଭୟ ଏ ପ୍ରସଙ୍ଗ କେନ୍ଦ୍ର ଗୃହ ମନ୍ତ୍ରୀଙ୍କ ଦୃଷ୍ଟିକୁ ଆଣିଥିଲେ। ନାର୍କୋଟିକ୍ସ ଆଇନକୁ ଅଧିକ କଡାକଡି କରିବାର ସମୟ ଆସିଛି ବୋଲି ଅଭୟ ତାଙ୍କ ପୂର୍ବ ଅଭିଜ୍ଞତାରୁ କହିଥିଲେ। କାରଣ ପଶ୍ଚିମବଙ୍ଗ ଓ ବିହାର ମଧ୍ୟରେ ବଢିଥିବା ନିଶା କାରବାର ଏବେ ଉଭୟ ସରକାରଙ୍କ ମୁଣ୍ଡ ବିନ୍ଧାର କାରଣ ହୋଇଛି।

Leave A Reply

Your email address will not be published.