ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

ଆଇନଜୀବୀଙ୍କ ପାଇଁ ଆସୁଛି ବଡ଼ ନିଷ୍ପତ୍ତି

0

ନୂଆଦିଲ୍ଲୀ: ବିଭିନ୍ନ ତଳ କୋର୍ଟରେ ଖାଲି ପଡିଥିବା ପ୍ରାୟ ୫୦୦୦ ବିଚାରପତି ପଦବି ପୂରଣ ପାଇଁ କେନ୍ଦ୍ର ସରକାର ଏକ ବଡ଼ ପଦକ୍ଷେପ ନେବାକୁ ଯାଉଛନ୍ତି। ସମୟ ଅନୁସାରେ ଦକ୍ଷ ବିଚାରପତି ନିଯୁକ୍ତି ଲାଗି କେନ୍ଦ୍ର ସରକାର ଆସନ୍ତା ମୌସୁମୀ ଅଧିବେଶନରେ ଏକ ବିଲ୍ ଆଣିବାକୁ ଯାଉଛନ୍ତି। ସର୍ବଭାରତୀୟ ବିଚାର ବିଭାଗୀୟ ସେବା ଚିଠା ବିଲ୍ ପ୍ରସ୍ତୁତି ଚାଲିଛି।

ଏକଥା ନୁହେଁ ଯେ ଏଭଳି ବିଲ୍ ଆଜି ଆସୁଛି। ୧୯୫୮ ମସିହାର ଏ ପ୍ରସଙ୍ଗରେ ତତ୍କାଳୀନ ସରକାର ଚିନ୍ତା କରିଥିଲେ ଓ ୧୯୭୬ ମସିହାରେ ୪୨ ତମ ସମ୍ବିଧାନ ସଂଶୋଧନ ପ୍ରସ୍ତାବ ଜରିଆରେ ଏହାକୁ ସଂଲଗ୍ନ କରାଯାଇଥିଲା। ମାତ୍ର ବିଭିନ୍ନ ହାଇକୋର୍ଟ ଏହାକୁ ବିରୋଧ କରିବାକୁ ଏଭଳି ପ୍ରସ୍ତାବ ଉପରେ ସରକାର ପଦକ୍ଷେପ ନେଇନଥିବା ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟରୁ ପ୍ରକାଶ।

ବର୍ତମାନ ସରକାର ଯେଉଁ ଚିଠା ବିଲ୍ ପ୍ରସ୍ତୁତ କରୁଛନ୍ତି, ତାହା ସ୍ବରୂପ ବେଶ୍ ଆକର୍ଷଣୀୟ ଜଣାପଡୁଛି। ଏଥିରେ ୟୁପିଏସସି ପରୀକ୍ଷା କରିବେ ଓ ହାଇକୋର୍ଟ ଏବଂ ସୁପ୍ରିମକୋର୍ଟ ବିଚାରପତି ନିଯୁକ୍ତି ଦେବେ। ଏକଥା ସ୍ଥିର ହୋଇଛି ଯେ ଯଦି ଜଣେ ଆଇନଜୀବୀ ୭ବର୍ଷ ଧରି କୋର୍ଟରେ ପ୍ରାକ୍ଟିସ୍ କରିଥିବେ, ତେବେ ଏହି ପରୀକ୍ଷା ଦେବା ପାଇଁ ଯୋଗ୍ୟ ବିବେଚିତ ହେବେ। ଯଦି କୌଣସି ବ୍ୟକ୍ତି ପ୍ରତିଷ୍ଠିତ ଆଇନ ବିଶ୍ବବିଦ୍ୟାଳୟ ବା ମହାବିଦ୍ୟାଳୟରେ ସମାନ ସମୟ ପାଇଁ ଅଧ୍ୟାପନା ଦାୟିତ୍ବରେ ଥାନ୍ତି, ତେବେ ସେମାନେ ଏହି ପରୀକ୍ଷାରେ ଭାଗ ନେଇପାରିବେ। ତେବେ ଏହି ନିଯୁକ୍ତି ପାଇଁ ବୟସସୀମା ୨୮ରୁ ୩୫ ବର୍ଷ ରଖାଯାଇଛି। ଏସଂକ୍ରାନ୍ତ ପ୍ରବେଶିକା ପରୀକ୍ଷା ଜୋନ୍ ସ୍ତରରେ ହେବ ବୋଲି ବିଚାର କରାଯାଉଛି। ସେହିଭଳି ପଛୁଆ ବର୍ଗଙ୍କ ପାଇଁ ବୟସରେ କୋହଳ ବ୍ୟବସ୍ଥା ରଖିବା ନେଇ ବିଚାର ଚାଲିଛି।

ତେବେ ଗୁରୁତ୍ବପୂର୍ଣ୍ଣ କଥା ହେଉଛି, ଏଭଳି ପ୍ରସ୍ତାବକୁ ଏବେ ସୁଦ୍ଧା କେବଳ ସିକିମ୍ ଓ ତ୍ରିପୁରା ହାଇକୋର୍ଟ ମୋହର ଦେଇଛନ୍ତି। ଅନ୍ୟପକ୍ଷରେ ଆନ୍ଧ୍ରପ୍ରଦେଶ, ବମ୍ବେ, ଦିଲ୍ଲୀ, ଗୁଜରାଟ, କର୍ଣ୍ଣାଟକ, ମଧ୍ୟପ୍ରଦେଶ, ପାଟନା, ପଞ୍ଜାମ ଓ ହରିଆନା ହାଇକୋର୍ଟ ବିରୋଧ କରୁଛନ୍ତି।

ଉଲ୍ଲେଖଯୋଗ୍ୟ, ବିହାରରେ ତଳ କୋର୍ଟରେ ମୋଟ ମଞ୍ଜୁରି ପ୍ରାପ୍ତ ପଦବି ସଂଖ୍ୟା ୧୮୪୭ ଥିବା ବେଳେ ସେଠାରେ ୩୬୧ ଜଣ କାର୍ଯ୍ୟ କରୁଛନ୍ତି। ଉତ୍ତରପ୍ରଦେଶରେ ୩୪୧୬ ପଦବି ମଧ୍ୟରୁ ୨୦୧୨ରେ ବିଚାରପତି ଅଛନ୍ତି। ଅନ୍ୟସବୁ ପଦବି ଖାଲିପଡିଛି। ମଧ୍ୟପ୍ରଦେଶରେ ୨୦୨୧ଟି ପଦବି ମଧ୍ୟରୁ ୫୧୬ ଖାଲି ପଡିଥିବା ବେଳେ ଗୁଜରାଟରେ ୧୫୦୬ରୁ ୧୧୯୩ରେ ବିଚାରପତି ଅଛନ୍ତି।ସେହିଭଳି ରାଜସ୍ଥାନରେ ୧୪୨୫ ପଦବି ମଧ୍ୟରୁ ୩୦୩, ହରିଆନାରେ ୭୭୨ ପଦବି ମଧ୍ୟରୁ ୨୯୩, କର୍ଣ୍ଣାଟକରେ ୧୩୪୫ ମଧ୍ୟରୁ ୨୪୧, ମହାରାଷ୍ଟ୍ରରେ ୨୧୭୩ରୁ ୨୩୬, ଝାଡଖଣ୍ଡରେ ୬୭୬ରୁ ୨୧୩ଟି ପଦବିରେ ବିଚାରପତି ନାହାନ୍ତି। ଓଡ଼ିଶା ସ୍ଥିତି ବି ସଙ୍ଗିନ୍। ଏଠାରେ ୯୧୭ଟି ମଞ୍ଜୁରି ପ୍ରାପ୍ତ ବିଚାରପତି ଥିବା ବେଳେ ସେ ମଧ୍ୟରୁ ୧୪୪ଟି ଖାଲି ପଡିଛି। ତାମିଲନାଡୁରେ ୧୨୧୬ରୁ ୧୨୯ ଓ ଦିଲ୍ଲୀରେ ୭୯୯ରୁ ୧୧୯ ପଦବି ଖାଲି ରହିଛି।

Leave A Reply

Your email address will not be published.