ପ୍ରମୁଖ ଖବର

ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଗୁଳିମାଡ଼ । ଏକ ନିର୍ବାଚନୀ ସଭାରେ ତାଙ୍କ ଗୁଳି ମାଡ଼ ହୋଇଛି, କାନକୁ ଛୁଇଁ ଚାଲିଗଲା ଗୁଳି
ଜୁଲାଇ ୧୯ରେ ହେବ ସିୟୁଇଟି-ୟୁଜି ପୁନଃ ପରୀକ୍ଷା, ଏନଟିଏ କଲା ଘୋଷଣା
ଦିଗପହଣ୍ଡିରେ ବଡ ଅଘଟଣ, ବିଦ୍ୟୁତ୍ ସଂସ୍ପର୍ଶରେ ଆସି ୧୦ ଶିଶୁ ଗୁରୁତର
କଟକ ତ୍ରିସା ମେଡିକାଲ ଅଗ୍ନିକାଣ୍ଡ ଘଟଣାରେ ଜଣେ ଶିଶୁ ମୃତ
ରତ୍ନଭଣ୍ଡାର ନିକଟ‌ରେ ଅସୁସ୍ଥ ହୋଇପଡିଲେ ପୁରୀ ଏସପି ପିନାକ ମିଶ୍ର, ଚିକିତ୍ସା କରୁଛନ୍ତି ଡାକ୍ତର ସିବିକେ ମହାନ୍ତି
ଶ୍ରୀମନ୍ଦିର ବାହାରକୁ ଆସି ଅସୁସ୍ଥ ଥିବା କଥାକୁ ଖଣ୍ଡନ କଲେ ଏସପି ପିନାକ ମିଶ୍ର
ଦିନ ୧ଟା ୨୮ ମିନିଟ୍ ସମୟରେ ଖୋଲାଯିବ ରତ୍ନଭଣ୍ଡାର, ୧୧ ଜଣ ଭିତରକୁ ଯିବେ: ଜଷ୍ଟିସ ବିଶ୍ବନାଥ ରଥ
ଯାଞ୍ଚ କମିଟିରୁ ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ ଓ ଡାକ୍ତର ସିବିକେ ମହାନ୍ତି ଭିତରକୁ ଯିବେ
ଆଜି ଆଡ଼ପ ମଣ୍ଡପରେ ଶ୍ରୀଜିଉଙ୍କ ଶେଷ ଦର୍ଶନ
ନୀଳାଦ୍ରି ବିଜେ ପର୍ଯ୍ୟନ୍ତ ପୁରୀରେ ରହିବେ ଉପମୁଖ୍ୟମନ୍ତ୍ରୀ ଓ ଦୁଇମନ୍ତ୍ରୀ

କରୋନା ବଦଳାଇଦେଲା କୁନିପିଲାଙ୍କ ପାଠପଢା ତରିକା

0
  • ଅନଲାଇନ୍ ପାଠ ପଛରେ ଅଭିଭାବକ
  • ଅଙ୍କୁର ସ୍କୁଲ ପଢାଉଛନ୍ତି ଏଭଳି ଢଙ୍ଗରେ ଛୁଆଙ୍କୁ
  • ଅଭିଭାବକଙ୍କ ପାଇଁ ବି ଆରମ୍ଭ ହେବ କ୍ଲାସ୍

ଭୁବନେଶ୍ବର: କରୋନା ବିଗାଡ଼ିଦେଲା ଶିକ୍ଷାବର୍ଷ। ସରକାର ଜୁନ୍ ୧୭ ଯାଏ ସ୍କୁଲ ବନ୍ଦ କରିଥିଲେ ହେଁ, କେବେ ବାସ୍ତବରେ ଶିକ୍ଷାବର୍ଷ ଆରମ୍ଭ ହେବ, ତାହା ଏବେଠାରୁ ଆକଳନ କରିବା ମୁସ୍କିଲ୍। ଏଭଳି ପରିସ୍ଥିତିରେ କିନ୍ତୁ ବାପା ମାଆ ଚାପଗ୍ରସ୍ତ ହୋଇପଡିଲେଣି। କିଛି ବିଦ୍ଯାଳୟରେ ଉଚ୍ଚ ଶ୍ରେଣୀମାନଙ୍କରେ ଅନ୍ ଲାଇନ୍ ପାଠପଢା ଆରମ୍ଭ ହୋଇଗଲେଣି। ସରକାରୀ ସ୍କୁଲରେ ମଧ୍ୟ ଏହି ଧାରାରେ ପାଠପଢା ଆରମ୍ଭ ହୋଇଛି।

ଅସଲ ଚ୍ଯାଲେଞ୍ଜ କିନ୍ତୁ ସୃଷ୍ଟି ହେଲାଣି କୁନି କୁନି ପିଲାଙ୍କ ପାଇଁ। ଏବର୍ଷ ସେମାନଙ୍କ ପାଇଁ ସମର କୋର୍ସ ନାହିଁ। ବାହାରକୁ ଯାଇ ଦି’ ଚାରିଟା କଥା ଶିଖିବା, ବୁଲିବା, ଖେଳକୁଦ କରିବା ମୁସ୍କିଲ୍। ମାମୁ ଘର, ଅଜା ଘର ବୁଲିବା ବି ଦୁଃସ୍ବପ୍ନ। ଘର ବାହାରକୁ ଯିବାକୁ କଟକଣା। ଏମିତି ପରିବେଶରେ ସେମାନଙ୍କୁ ଅଧିକରୁ ଅଧିକ ଦିନ ବାନ୍ଧିରଖିଲେ, ସେମାନେ ମାନସିକ ଭାବେ ଚାପଗ୍ରସ୍ତ ହେବା ସ୍ବାଭାବିକ। ଘରେ ଥିବା କିଛି ଖେଳ ଉପରେ ସେମାନଙ୍କର ମୋହ ତୁଟିବା ଆରମ୍ଭ କଲେଣି।

କିଛି ଶିକ୍ଷକଙ୍କ କହିବା କଥା, ଛୋଟ ପିଲାମାନଙ୍କ ପାଇଁ ବି ଅନ୍ ଲାଇନ୍ କ୍ଲାସ୍ ଆରମ୍ଭ କରାଯାଇପାରିବ। ଏଥିରେ ପାଠପଢା ଯେତେ ବଡ଼ କଥା ନୁହେଁ, ସେମାନଙ୍କୁ ଏକ ନୂଆ ବ୍ୟବସ୍ଥା ସହିତ ଯୋଡ଼ି ହେବ ଓ କିଛି ସମୟ ପାଇଁ ଛୋଟ ଛୋଟ ରାଇମ୍ସ,ଗପ ଭିତରେ ତାଙ୍କୁ ଛନ୍ଦି ଦେଇ ହେବ। ନୂଆ ନୂଆ ଟିପ୍ସ ଦେଲେ, ସେମାନେ ନିଜକୁ ସେଥିରେ ସଜାଡିବେ। ଛୋଟ ଛୋଟ ଟାସ୍କ ଦେଲେ, ସେମାନେ ତାହାକୁ କରିବାରେ ଦିନସାରା ବ୍ୟସ୍ତ ରହିପାରନ୍ତି। ଏହା ତାଙ୍କର ଏକୁଟିଆପଣକୁ ଦୂର କରାଯାଇପାରିବ। ଯେଉଁମାନେ ଗୋଟିଏ ଗୋଟିଏ ଛୁଆ,ସେ କ୍ଷେତ୍ରରେ ଏଭଳି ଉଦ୍ୟମ ବେଶୀ ସହାୟକ ହେବ।

କେବଳ ସେତିକି ନୁହେଁ, ଯେଉଁମାନେ ନିଜ ନିଜ ପିଲାଙ୍କୁ ଇଂରାଜିମାଧ୍ୟମ ବିଦ୍ୟାଳୟମାନଙ୍କରେ ପଢାଇବାକୁ ବିଚାର କରୁଛନ୍ତି, ଯେଉଁମାନେ ସେମାନଙ୍କର ପିଲା ଦି ପଦ ଇଂରାଜି ଭଲ କହୁ ବୋଲି ଚିନ୍ତା କରୁଛନ୍ତି, ସେଭଳି ଅଭିଭାବକ ମଧ୍ୟ ଅନ୍ ଲାଇନରେ ଇଂରାଜିର ମାସିକିଆ, ଦୁଇମାସିକିଆ କୋର୍ସ କରିପାରିବେ। ଏହାଦ୍ବାରା ସେମାନେ ପିଲାମାନଙ୍କୁ ପାଠପଢାଇବା ସହଜ ହେବ। ନୂଆ ପାଠପଢା ଶୈଳୀ ସହିତ ଯୋଡି ହୋଇପାରିଲେ, ସେମାନେ ତାଙ୍କ ପିଲାଙ୍କୁ ଭବିଷ୍ୟତରେ ଗାଇଡ୍ କରିବାରେ ସମସ୍ୟା ହେବନାହିଁ।

ରାଜଧାନୀରେ ଅଙ୍କୁର ଭଳି କିଛି ବିଦ୍ୟାଳୟ ଏବେ ଅନ୍ ଲାଇନ୍ କ୍ଲାସ୍ ଆରମ୍ଭ କରିସାରିଲେଣି। ଅଙ୍କୁର ଅଧ୍ୟକ୍ଷା ଚିନ୍ମୟୀ ପଣ୍ଡାଙ୍କର କହିବା କଥା ହେଉଛି,ଏହାଦ୍ବାରା ପିଲାମାନଙ୍କୁ ବୌଦ୍ଧିକ ଜଗତ ସହିତ କିଛି ସମୟ ପାଇଁ ଯୋଡି ଦିଆଯିବା ସମ୍ଭାବ। ଛୋଟ ପିଲାମାନେ ସେମାନଙ୍କ ସମବୟସ୍କ ପିଲାଙ୍କୁ ଦେଖି ବେଶ୍ ଖୁସି ଅନୁଭବ କରିପାରୁଛନ୍ତି। କମ୍ପ୍ୟୁଟର, ମୋବାଇଲ୍ ସ୍କ୍ରିନ ଆଦିରେ ସେମାନେ ଓ ତାଙ୍କ ସହଯୋଗୀଙ୍କୁ ଦେଖି ମଜା ଉଠାଉଛନ୍ତି। ଅଧିକରୁ ଅଧିକ ଅଭିଭାବକ ଏବେ ଏହି ବ୍ୟବସ୍ଥାରେ ଯୋଡିହେବା ଆରମ୍ଭ କଲେଣି। ଏହିଭଳି ଏକାଧିକ କ୍ଲାସ କରିବା ଲାଗି ଏବେ ଅଭିଭାବକ ଚାପ ପକାଉଛନ୍ତି। ଅର୍ଥ ଏଦିଗରେ ବେଶୀ ପ୍ରତିବନ୍ଧକ ନୁହେଁ। କିନ୍ତୁ ଗୋଟିଏ ନୂଆ କଥା ସହିତ ତାଙ୍କ ପିଲାମାନେ ସାମିଲ ହେଉଛନ୍ତି, ତାହା ଅଭିଭାବାକଙ୍କୁ ବି ଖୁସି ଦେଉଛି। ସେମାନେ ନିଜ ଆଖିରେ ଦେଖିପାରୁଛନ୍ତି ଯେ ତାଙ୍କ ପିଲା କେତେ ଉଲ୍ଲସିତ ହେଉଛି ଅନ୍ୟମାନଙ୍କୁ ଦେଖି, ଆପେ ଆପେ ରାଇମ୍ସ ଗାଇବା ବି ଆରମ୍ଭ କରୁଛି। ଆଗକୁ ଅଭିଭାବକଙ୍କ ପାଇଁ ମଧ୍ଯ ଏଭଳି ସ୍ବତନ୍ତ୍ର ପ୍ରଶିକ୍ଷଣ ଅଙ୍କୁର ସ୍କୁଲ ଆରମ୍ଭ କରିବାକୁ ଯାଉଛି। ଏହାଦ୍ବାରା ପିଲାଙ୍କ ଭିତରେ ଏକାକିପଣକୁ ହଟାଯାଇପାରିବ ଓ ସେମାନଙ୍କୁ କିଛି ସମୟ ପାଇଁ ଅନ୍ୟ ପିିଲାଙ୍କ ସହିତ ଯୋଡି ଦିଆଗଲେ, ସେମାନେ ଏହି କଷ୍ଟକର ସମୟକୁ ସହଜ ଭାବେ ମୁକାବିଲା କରିପାରିବେ।

Leave A Reply

Your email address will not be published.