ପ୍ରମୁଖ ଖବର

୧୮ ତାରିଖ ଦିନ ଖୋଲିବ ଭିତର ରତ୍ନଭଣ୍ଡାର, ସକାଳ ୯.୫୧ରୁ ୧୨.୧୫ ରହିଛି ଶୁଭ ମୂହୁର୍ତ୍ତ
ଶ୍ରୀମନ୍ଦିର ଭିତର ଭଣ୍ଡାରରେ ଥିବା ଅଳଙ୍କାର ଆଦିକୁ ସ୍ଥାନାନ୍ତର କରାଯିବ: ଶ୍ରୀମନ୍ଦିର ମୁଖ୍ୟ ପ୍ରଶାସକ
ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ, ଆର୍ମି ଅଫିସର ସମେତ ୪ ସହିଦ
ୟୁପି ଶିକ୍ଷକଙ୍କୁ ଆଶ୍ବସ୍ତି, ୨ ମାସ ପାଇଁ ସ୍ଥଗିତ ରହିଲା ଡିଜିଟାଲ ଉପସ୍ଥାନ
ସମ୍ବଲପୁର ଚିଡ଼ିଆଖାନାକୁ ଆସିବେ ୪ ମହାବଳ ବାଘ
ଓଡିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା: ଆସନ୍ତା ୧୯ ଓ ୨୦ ତାରିଖରେ ରାଜ୍ୟ ବିଜେପିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଯୋଗ ଦେବେ
କଟକ ଏସସିବି ମେଡିକାଲରେ ଉତ୍ତେଜନା ; ହାଉସ ସର୍ଜନ ଏବଂ ନର୍ସିଂ ଅଫିସର ମୁହାଁମୁହିଁ

ଭିଡ଼ିଓରେ ଆଶା ଦେଖାଇଲେ ନବୀନ, …ବାସ୍ ଆଉ କିଛି ଦିନ

0
  • ଭିଡ଼ିଓ ଜାରି କରି ନୂଆ ସମ୍ଭାବନାର ସ୍ବପ୍ନ ଦେଖାଇଲେ ସରକାର
  • ରାଜ୍ୟର ପ୍ରମୁଖ ବ୍ୟକ୍ତିଙ୍କୁ ନେଇ ଗୀତ ମାଧ୍ୟମରେ ସାହସ ଦେଲେ

ଭୁବନେଶ୍ବର: କରୋନା ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ ବୃଦ୍ଧି ପାଉଛି। ତା’ ଭିତରେ ରାଜ୍ୟ ସରକାର ଏହାର ମୁକାବିଲା ଲାଗି ଏକ ବଡ଼ ରଣନୀତି ପ୍ରସ୍ତୁତ କରିଛନ୍ତି। ଲକଡାଉନ୍ ଅବଧି ଶେଷ ହେବ ନା ବଢିବ ତାହାକୁ ନେଇ ସମସ୍ତେ ଦୋଛକିରେ। ବିଦ୍ୟାଳୟରେ ପାଠପଢା କେବେ ଆରମ୍ଭ ହେବ, ତାହା କହିବା ମୁସ୍କିଲ୍। ଶିଳ୍ପାୟନ ପ୍ରକ୍ରିୟାକୁ ଜବରଦସ୍ତ ମାଡ଼ ବସିଛି। ଏସବୁ ଭିତରେ ଲୋକମାନେ ସନ୍ତୁଳି ହେଉଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକ ବଡ଼ ଆଶା ଦେଖାଇଛନ୍ତି। ସରକାର ବାର୍ତା ରଖିଛନ୍ତି, ବାସ୍ ଆଉ କିଛି ଦିନ…

ରାଜ୍ୟର ଆଗଧାଡିର କଳାକାରମାନଙ୍କୁ ନେଇ ଏକ ଭିଡ଼ିଓ ପ୍ରସ୍ତୁତ ହୋଇଛି, ଯାହା ଲୋକଙ୍କ ଭିତରେ ପୁଣି ଥରେ ନୂଆ ସ୍ବପ୍ନ ସୃଷ୍ଟି ଲାଗି ସାହସ ଯୋଗାଇବ। ଖୁବ୍ ଶୀଘ୍ର ପରିସ୍ଥିତି ସ୍ବାଭାବିକ ହେବ, ସେ ନେଇ ମନରେ ବିଶ୍ବାସ ଫେରାଇ ଆଣିବ। ବିଦ୍ୟାଳୟକୁ ଛାତ୍ରଛାତ୍ରୀଙ୍କ କୋଳାହଳ ଫେରିବ, ଗାଁ, ଦାଣ୍ଡ ସହର ବଜାର ପୁଣି ହସିଉଠିବ। ଲୋକେ ପୁଣି ଥରେ ନୂଆକରି ନିଜ ଜୀବନ ଜିଇଁବେ।

ଗୀତରେ ଗୀତରେ ସରକାର ବାର୍ତା ରଖିଛନ୍ତି ଯେ ନୂଆ ସକାଳ ନୂଆ ବାର୍ତା ଦେବା ବେଳେ ଆମେ ପଛରେ ରହିବାନି, ବରଂ ପୁଣି ଥରେ ଓଡ଼ିଶା ଆଗେଇବ। ଚଳଚ୍ଚିତ୍ର ତାରକା ଅପରାଜିତା ମହାନ୍ତି, ଏଲିନା ସାମନ୍ତରାୟ, ବାବୁସାନଙ୍କ ଠାରୁ ଆରମ୍ଭକରି ସାଂସଦ ଅନୁଭବ ମହାନ୍ତି ,ପଦ୍ମଶ୍ରୀ ନୀଳମାଧବ ପଣ୍ଡା, ଦିଲ୍ଲୀପ ତିର୍କି, ସୁଦର୍ଶନ ପଟ୍ଟନାୟକ ପ୍ରମୁଖଙ୍କୁ ନେଇ ପ୍ରସ୍ତୁତ ଏହି ଭିଡ଼ିଓରେ ଆହୁରି କୁହାଯାଇଛି ଯେ ଫାଇଲିନ୍, ହୁଡହୁଡ୍, ଫନି ଯେତେ ଆସିଲେ ବି ଓଡ଼ିଶା ହାରିନି। ଓଡ଼ିଶାକୁ ସେମାନେ ହରାଇପାରିନାହାନ୍ତି। ଏଥର ବି କରୋନା ଯନ୍ତ୍ରଣାକୁ ଦୂରରେ ରଖି ବହୁତ ପଛରେ ପକାଇ ଓଡ଼ିଶାକୁ ଆଗକୁ ବଢିବ। ଆଉ ଜଗନ୍ନାଥଙ୍କ ଆଶୀର୍ବାଦରେ ଓଡ଼ିଶା କରୋନା ମୁକାବିଲାରେ ସଫଳ ହେବ, ପୁରୀ ବଡ଼ଦାଣ୍ଡରୁ ଜଗନ୍ନାଥ ସ୍ବାମୀ ନୟନପଥ ଗାମୀ ସ୍ବର ପୁଣି ଶୁଭିବ।

ଶେଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିବେଦନ କରିଛନ୍ତି, ଘରେ ରହନ୍ତୁ ଆଉ ସୁସ୍ଥ ରହନ୍ତୁ।

Leave A Reply

Your email address will not be published.