ଭୁବନେଶ୍ବର: ଦକ୍ଷିଣ ପୂର୍ବ ବଙ୍ଗୋପସାଗର ଓ ଆଖପାଖ ଅଞ୍ଚଳରେ ଏକ ଲଘୁଚାପ କ୍ଷେତ୍ର ସୃଷ୍ଟି ହୋଇଛି।ଏହି ଲଘୁଚାପ ଆସନ୍ତା ୪୮ ଘଣ୍ଟା ମଧ୍ୟରେ ଶକ୍ତିଶାଳୀ ହୋଇ ଅବପାତ ର ରୂପ ନେବ ଓ ଏହାର ପରବର୍ତ୍ତୀ ସମୟ ରେ ଅଧିକ ଘନୀଭୂତ ହେବାର ସମ୍ଭବାନା ରହିଛି। ଏହି କ୍ଷେତ୍ର ଉତ୍ତର- ଉତ୍ତର ପଶ୍ଚିମ ଦିଗରେ ଆଗାମୀ ୬ ତାରିଖ ଯାଏଁ ଗତି କରିବ ବୋଲି ପୂର୍ବାନୁମାନ କରାଯାଉଛି।
ତେବେ ଏହା ବାତ୍ୟା ରୂପ ନେବ କି ନାହିଁ ତାକୁ ନେଇ ଅନିଶ୍ଚତତା ଦେଖାଦେଇଛି। ବିଭିନ୍ନ ପାଣିପାଗ ମଡେଲ ମାନେ ଭିନ୍ନ ଭିନ୍ନ ପୂର୍ବାନୁମାନ କରୁଛନ୍ତି। ଏକ ୟୁରୋପିିଆନ୍ ପାଣିପାଗ ସଂସ୍ଥା (ECMWF) ମଡେଲ ଦର୍ଶାଇଛି କି ଏହି ଲଘୁଚାପ କ୍ଷେତ୍ର ଅଧିକ ଘନୀଭୂତ ହୋଇ ଅବପାତ ଓ ପରେ ଆହୁରି ଶକ୍ତିଶାଳୀ ହୋଇ ଉତ୍ତର -ଉତ୍ତର ପଶ୍ଚିମ ଦିଗ ରେ ଗତି କରି ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ପହଞ୍ଚିବ ଓ ବାତ୍ୟାର ରୂପ ନେବ। ମାତ୍ର ଆଉ କିଛି ପାଣିପାଗ ପୂର୍ବାନୁମାନ କରୁଥିବା ସଂସ୍ଥା (GFS, NCEP GFS, NEPS, GEFS, NCUM) ଦର୍ଶାଇଛନ୍ତି କି ବଙ୍ଗୋପସାଗରରେ ବାତ୍ୟା ସମ୍ଭାବନା ନାହିଁ।
ସେହିପରି ଏହି କ୍ଷେତ୍ରର ଗତିପଥକୁ ନେଇ ମଧ୍ୟ ଅନିଶ୍ଚିତତା ଜାରି ରହିଛି । ଏହି କ୍ଷେତ୍ର ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ପହଞ୍ଚିବା ପରେ ଭାରତର ପୂର୍ବତଟ ଆଡକୁ ଆସିବ କିମ୍ବା ବାଂଲାଦେଶ କିମ୍ବା ମିଆମାର୍ ଆଡକୁ ଯିବ ତାହା ଏବେ ବି ଅସ୍ପଷ୍ଟ। ଏହି କ୍ଷେତ୍ର ଉପରେ ପାଣିପାଗ ସଂସ୍ଥା ମାନେ ଅହରହ ପର୍ଯ୍ୟବେକ୍ଷଣ କରୁଛନ୍ତି ଓ ଆଗାମୀ କିଛି ଦିନ ମଧ୍ୟ ରେ ଏ କ୍ଷେତ୍ର ବିଷୟ ରେ ଅଧିକ ସଠିକ୍ ସୂଚନା ମିଳିପାରିବ ବୋଲି ଆଶା ରଖାଯାଇଛି ।
ଭାରତର ପାଣିପାଗ ବିଜ୍ଞାନ କେନ୍ଦ୍ର ଏଯାଏ ଏହା ଉପରେ କୌଣସି ମତ ରଖିନାହାନ୍ତି। ମିଆମାର୍ ଉପକୂଳକୁ ଯିବା ସମ୍ଭାବନା କ୍ଷୀଣ ବୋଲି ମଧ୍ୟ କିଛି ପାଣିପାଗବିତ୍ କହୁଛନ୍ତି। ଯଦି ଏହି କ୍ଷେତ୍ରଟି ସମୁଦ୍ରରୁ ବଳ ନପାଏ, ତେବେ ଏହା ଉପକୂଳ ଆସିବା ବେଳକୁ ପ୍ରଭାବ ରଖିନପାରେ। ଏହା ଯଦିବାତ୍ୟା ରୂପ ନେବ, ତେବେ ଏହାର