ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ଯେବେ କ୍ରିକେଟ୍ ଖେଳାଳିଙ୍କ ପ୍ରେମରେ ପଡ଼ନ୍ତି…

0

ନୂଆଦିଲ୍ଲୀ: ଭାରତରେ ଚଳଚ୍ଚିତ୍ର ତାରକା ଯେମିତି ଲୋକପ୍ରିୟ,ଠିକ୍ ସେମିତି କ୍ରିକେଟ୍ ଖେଳାଳି। ଅମିତାଭ ବଚ୍ଚନ, ଅମିର ଖାଁଙ୍କ ଠାରୁ ଆରମ୍ଭ କରି ଶ୍ରୀଦେବୀ, କାଜଲ, ମାଧୁରୀଙ୍କୁ ଘରେ ଘରେ ଜାଣିଥିବେ। ସୁନୀଲ ଗାଭାସ୍କର, ସଚ୍ଚିନ୍ ତେନ୍ଦୁଲକର, ମହେନ୍ଦ୍ର ସିଂହ ଧୋନୀ, ବିରାଟ କୋହଲିଙ୍କୁ ବି। କିନ୍ତୁ କାହିଁକି କେଜାଣି, ଏମିିତି କିଛି ଚଳଚ୍ଚିତ୍ର ତାରକା ଅଛନ୍ତି, ଯିଏ ନିଜେ ଲୋକପ୍ରିୟତାର ଶୀର୍ଷରେ ଥାଇ ବି ଆଉ ଜଣେ ଲୋକପ୍ରିୟ ତାରକାଙ୍କ ସହିତ ଘନିଷ୍ଠତା ବଢାଇଥାନ୍ତି। ଚଳଚ୍ଚିତ୍ରରେ ଏହାର ଅନେକ ଉଦାହରଣ ରହିଛି। କିନ୍ତୁ ସମୟ କ୍ରମେ ଏକଥା ବି ଦେଖାଯାଇଛି ଯେ ବହୁ ପ୍ରତିଷ୍ଠିତ ଚଳଚ୍ଚିତ୍ର ତାରକାଙ୍କୁ କ୍ରିକେଟ୍ ଅପେକ୍ଷା କ୍ରିକେଟ୍ ତାରକା ଅଧିକ ପସନ୍ଦ ହୋଇଥାନ୍ତି। ଏପରିକି ସେମାନେ ତାଙ୍କୁ ଜୀବନ ସାଥୀ ଭାବେ ବାଛୁଥିବା ନଜିର ବଢିବାରେ ଲାଗିଛି। ଉଭୟଙ୍କ ଯୋଡି ବି ବେଶ୍ ଜମିଛି।

ଶର୍ମିଲା ଏବଂ ନବାବ ପଟୌଦିଙ୍କ ବିବାହ ବଲିଉଡ ଏବଂ କ୍ରିକେଟ୍ ଇତିହାସରେ ସବୁଠାରୁ ସ୍ମରଣୀୟ ବିବାହ ଥିଲା। ଶର୍ମିଲା ବଲିଉଡର ଜଣେ ପ୍ରମୁଖ ଅଭିନେତ୍ରୀ ହୋଇଥିବାବେଳେ ନବାବ ଭାରତର ସବୁଠାରୁ କନିଷ୍ଠ ତଥା ସଫଳ ଅଧିନାୟକ ଥିଲେ।

ହେଜେଲ କିଚ ଏବଂ ଯୁବରାଜ ସିଂଙ୍କ ବିବାହ ୨୦୧୬ରେ ଚର୍ଚ୍ଚିତ ବିବାହ ମଧ୍ୟରୁ ଅନ୍ୟତମ। କର୍କଟ ରୋଗକୁ ପରାସ୍ତ କରିବା ପରେ ହେଜେଲ ସୁଖ ଏବଂ ଆଶାର କିରଣ ଭାବରେ ଯୁବରାଜଙ୍କ ଜୀବନକୁ ଫେରି ଆସିଥିଲେ। ଫିଲ୍ମ ‘ବଡିଗାର୍ଡ’ରେ କରୀନାଙ୍କ ବନ୍ଧୁ ଭୂମିକାରେ ଅଭିନୟ କରିଥିଲେ ହେଜେଲ।

ବିରାଟ-ଅନୁଷ୍କାଙ୍କ ବିବାହ ମଧ୍ୟ ଏକ ସ୍ୱପ୍ନ ପରି ଥିଲା। ଦୁହେଁ ପ୍ରାୟ ଚାରି ବର୍ଷ ପରସ୍ପରକୁ ଡେଟ କରିଥିଲେ, ଯାହାକୁ ନେଇ ସାରା ବିଶ୍ବରେ ଚର୍ଚ୍ଚା ହୋଇଥିଲା। ପରେ ଦୁହେଁ ଇଟାଲୀରେ ଆୟୋଜିତ ଏକ ବହୁତ ସ୍ବତନ୍ତ୍ର ଉତ୍ସବରେ ବିବାହ କରିଥିଲେ |

୨୦୧୫ରେ ହରଭଜନ ସିଂହ ଏବଂ ଗ୍ଲାମରସ୍ ଅଭିନେତ୍ରୀ ଗୀତା ବସ୍‌ରାଙ୍କ ବିବାହ ମଧ୍ୟ ପ୍ରସିଦ୍ଧ ବିବାହ ମଧ୍ୟରୁ ଅନ୍ୟତମ। ଭାରତୀୟ ଦଳରେ ହରଭଜନ ସର୍ବାଧିକ ଉତ୍ସାହୀ ସ୍ପିନର ହୋଇଥିବାବେଳେ ଗୀତାଙ୍କ ଗ୍ଲାମର ବି ଚାରିଆଡେ ଚର୍ଚ୍ଚାରେ ଥିଲା। ହେଲେ କୌତୂହଳର କଥା ଥିଲା ଏୟା କି ଗୀତା ଏବଂ ହରଭଜନ ବିବାହ ପୂର୍ବରୁ ସେମାନଙ୍କ ସମ୍ପର୍କକୁ ସର୍ବସାଧାରଣରେ ପ୍ରକାଶ କରିନଥିଲେ।

କ୍ରିକେଟ୍ ଜଗତର ଅନ୍ୟ ଜଣେ ଦ୍ରୁତ ବୋଲର ଜହିର ଖାନ୍ ଅଭିନେତ୍ରୀ ସାଗାରିକା ଘାଟକେଙ୍କୁ ତାଙ୍କ ଜୀବନ ସାଥୀ ଭାବରେ ମନୋନୀତ କରିଥିଲେ। ୨୦୧୭ରେ ଦୁହେଁ ବିବାହ କରିଥିଲେ। ସାଗରିକା ବଲିଉଡର ପ୍ରସିଦ୍ଧ ଚଳଚ୍ଚିତ୍ର ‘ଚକ ଦେ ଇଣ୍ଡିଆ’ରେ ତାଙ୍କର ଦୃଢ ଭୂମିକା ପାଇଁ ଜଣାଶୁଣା।

ଏହାବ୍ୟତୀତ ଭାରତର ପୂର୍ବତନ କ୍ୟାପଟେନ୍ ମହମ୍ମଦ ଆଝାରୁଦ୍ଦିନ୍ ଓ ସଙ୍ଗୀତା ବିଜଲାନିଙ୍କ ସଂପର୍କ ବି ବେଶ୍ ଚର୍ଚ୍ଚାରେ ଥିଲା। ଆଝାର ୧୯୮୭ରେ ନୌରିନ୍‌ଙ୍କୁ ବିବାହ କରିଥିଲେ ଏବଂ ତାଙ୍କ ସହିତ ଦୁଇଟି ପୁତ୍ର ଥିଲେ ହେ ପରେ ତାଙ୍କର ସଙ୍ଗୀତାଙ୍କ ସହ ସଂପର୍କ ବଢିଥିଲା। ୧୯୯୬ରେ ସେ ନୌରିନଙ୍କୁ ଛାଡପତ୍ର ଦେଇଥିଲେ ଏବଂ ଅଭିନେତ୍ରୀ ସଙ୍ଗୀତା ବିଜଲାନିଙ୍କୁ ବିବାହ କରିଥିଲେ। ହେଲେ ବ୍ୟାଡମିଣ୍ଟନ ଖେଳାଳି ଜ୍ବାଲା ଗୁଟ୍ଟାଙ୍କ ସହ ଆଝାରଙ୍କ ସମ୍ପର୍କ ହେତୁ ୨୦୧୦ରେ ଛାଡପତ୍ରରେ ଏହି ବିବାହ ସମାପ୍ତ ହୋଇଥିଲା।

Leave A Reply

Your email address will not be published.