ପ୍ରମୁଖ ଖବର

ବିଜେପିରେ ଯୋଗ ଦେଲେ ଭର୍ତ୍ତୃହରି ମହତାବ
ଶିବସେନା ସିନ୍ଦେ ଗୋଷ୍ଠୀରେ ସାମିଲ ହେଲେ ବଲିଉଡ୍ ତାରକା ଗୋବିନ୍ଦା
ପଦ୍ମ ଧରିଲେ ଅଭିନେତା ତଥା ବ୍ରହ୍ମପୁରର ପୂର୍ବତନ ସାଂସଦ ସିଦ୍ଧାନ୍ତ ମହାପାତ୍ର

ଜୁଲାଇ ୩୧ ସୁଦ୍ଧା ଗୋଟିଏ ଦେଶ, ଗୋଟିଏ ରାସନ୍ କାର୍ଡ

0
  • କୌଣସି ସରକାର ଭୁଲିବା ଉଚିତ୍ ନୁହେଁ ଯେ ଖାଦ୍ୟ ଅଧିକାର ଏକ ମୌଳିକ ଅଧିକାର: ସୁପ୍ରିମକୋର୍ଟ
  • କୌଣସି ଲୋକ ଭୋକରେ ରହିପାରିବେ ନାହିଁ, ଶୁଖିଲା ଖାଦ୍ୟ ଦିଅ, ନହେଲେ ରୋଷେଇ କର

ନୂଆଦିଲ୍ଲୀ: ଗୋଟିଏ ଦେଶରେ ଗୋଟିଏ ରାସନ୍ କାର୍ଡ ପ୍ରସଙ୍ଗରେ ଆଜି ସୁପ୍ରିମକୋର୍ଟ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। କୋର୍ଟ କହିଛନ୍ତି, ଜୁଲାଇ ୩୧ ତାରିଖ ସୁଦ୍ଧା ପ୍ରବାସୀ ତଥା ଅସଂଗଠିତ ଶ୍ରମିକମାନଙ୍କୁ ପଞ୍ଜୀକୃତ କରିବା ସହିତ ସେମାନଙ୍କର ନାମ ଜାତୀୟ ପୋର୍ଟାଲ ରଖିବାକୁ ହେବ। ପ୍ରବାସୀ ଶ୍ରମିକମାନଙ୍କୁ ଦେଶର ଯେକୌଣସି ସ୍ଥାନରୁ ସବ୍ସି‌ଡିଯୁକ୍ତ ଖାଦ୍ୟ ପାଇବାକୁ ଅନୁମତି ଦେବା ପାଇଁ ସୁପ୍ରିମକୋର୍ଟ ମଙ୍ଗଳବାର ଦିନ ତାଗିଦ୍ ବି କରିଛନ୍ତି।

ଜଷ୍ଟିସ୍ ଅଶୋକ ଭୂଷଣଙ୍କ ନେତୃତ୍ୱରେ ଏକ ବେଞ୍ଚ ଆଜି ରାୟ ଶୁଣାଇ କହିଛନ୍ତି ଯେ ରାଜ୍ୟ ସରକାରମାନେ ଜୁଲାଇ ୩୧ ସୁଦ୍ଧା ପ୍ରବାସୀ ଶ୍ରମିକମାନଙ୍କୁ ଶୁଖିଲା ଖାଦ୍ୟ ଯୋଗାଇବା ସହିତ ରୋଷେଇ କରି ଲୋକମାନଙ୍କୁ ଖାଇବାକୁ ଦେବାକୁ ହେବ। କୌଣସି ଲୋକ ଯେଭଳି ଭୋକିଲା ନ ରୁହନ୍ତି, ତାହାକୁ ନିଶ୍ଚିତ କରାଯିବା ଦରକାର। କେହି ଏକଥା ବି ଭୁଲିବା ଉଚିତ୍ ନୁହେଁ ଯେ ଖାଦ୍ୟ ଅଧିକାର ଏକ ମୌଳିକ ଅଧିକାର। ଆଡଭୋକେଟ ପ୍ରଶାନ୍ତ ଭୂଷଣଙ୍କ ଦ୍ବାରା ଦାଖଲ କରାଯାଇଥିବା ଏକ ଯାଚିକାରେ କୁହାଯାଇଥିଲା ଯେ ଦିଲ୍ଲୀରେ ଗୋଷ୍ଠୀଗତ ଭାବେ ରୋଷେଇ କାର୍ଯ୍ୟ ଚଳିତବର୍ଷ ହ୍ରାସ ପାଇଛି। ଶ୍ରୀ ଭୂଷଣ ଏହା ମଧ୍ୟ କହିଛନ୍ତି ଯେ ସାରା ଦେଶରେ ସେ କେନ୍ଦ୍ର ହେଉ କି ରାଜ୍ୟ ଆତ୍ମ ନିର୍ଭର ଯୋଜନା ଅଧୀନରେ ବଞ୍ଚିତ ପ୍ରବାସୀ ଶ୍ରମିକମାନଙ୍କୁ ଶୁଖିଲା ଖାଦ୍ୟ ଯୋଗାଇ ନାହାଁନ୍ତି।

ଅତିରିକ୍ତ ସଲିସିଟର ଜେନେରାଲ ଐଶ୍ୱର୍ଯ୍ୟା ଭାଟିଙ୍କ ମାଧ୍ୟମରେ କେନ୍ଦ୍ର ଦେଇଥିବା ରିପୋର୍ଟରେ କୋର୍ଟ ଏକମତ ହୋଇଥିବା ପରି ମନେ ହେଉଛି ଯେ ଏକ ଦେଶ ଏବଂ ଏକ ରାସନ୍ କାର୍ଡ ଯୋଜନା ଖାଦ୍ୟ ସୁରକ୍ଷା ପାଇଁ ଉଦ୍ଦିଷ୍ଟ ଏବଂ ଏହା ପ୍ରବାସୀ ଶ୍ରମିକଙ୍କ ପାଇଁ ପ୍ରସ୍ତୁତ। ଏହାଦ୍ବାରା ସମସ୍ତ ଜାତୀୟ ଖାଦ୍ୟ ସୁରକ୍ଷା ଅଧିନିୟମ ପ୍ରବାସୀ ହିତାଧିକାରୀ ବାୟୋମେଟ୍ରିକ୍ ପ୍ରାମାଣୀକରଣ ମାଧ୍ୟମରେ ଦେଶର ଯେ କୌଣସି ସୁଲଭ ଦୋକାନରୁ ଖାଦ୍ୟ ଶସ୍ୟ ପାଇପାରିବେ।

କେନ୍ଦ୍ର କହିଛି ଯେ ଦେଶର ସାଧାରଣ ବଣ୍ଟନ ବ୍ୟବସ୍ଥା ବୈଷୟିକ ସଂସ୍କାରର ଏକ ଅଂଶ ବିଶେଷ। ଗ୍ରାମ ଏବଂ ଗ୍ରାମାଞ୍ଚଳରୁ ବଡ ସହରକୁ ଆନ୍ତଃ ରାଜ୍ୟ ସ୍ଥାନାନ୍ତରଣ ସହିତ, ଖାଦ୍ୟ ସୁରକ୍ଷା ଅଧିନିୟମ ଅନୁଯାୟୀ ରାସନ କାର୍ଡର ଜାତୀୟ ପୋର୍ଟେବିଲିଟି ମାଧ୍ୟମରେ ପ୍ରବାସୀ ଶ୍ରମିକ ଏବଂ ସେମାନଙ୍କ ପରିବାର ପୁଷ୍ଟିକର ଖାଦ୍ୟ ପାଇବାକୁ ନିଶ୍ଚିତ ହେବା ପାଇଁ ପ୍ରୟାସ କରାଯାଇଥିଲା। ହିତାଧିକାରୀମାନେ ସେମାନଙ୍କର ଅଧିକାରଯୁକ୍ତ ଖାଦ୍ୟ ଶସ୍ୟକୁ ଯେ କୌଣସି ଇଲେକ୍ଟ୍ରୋନିକ୍ ବିକ୍ରୟ ସ୍ଥାନରୁ (ePoS) ପୋର୍ଟେବିଲିଟି ମାଧ୍ୟମରେ ଦେଶରେ ନେଇପାରିବେ। ରାସନ କାର୍ଡର ଦେଶବ୍ୟାପୀ ପୋର୍ଟେବିଲିଟି ମେ ୨୦୧୯ ରେ କାର୍ଯ୍ୟକାରୀ କରାଯାଇଥିଲା। ଅଗଷ୍ଟ ୨୦୧୯ରେ, ଚାରିଟି ରାଜ୍ୟରେ ରାସନ କାର୍ଡର ଆନ୍ତଃ ରାଜ୍ୟ ପୋର୍ଟେବିଲିଟି ଆରମ୍ଭ ହୋଇଥିଲା।

ଜାନୁୟାରୀ ୨୦୨୦ ସୁଦ୍ଧା, ସମୁଦାୟ ୧୨ ଟି ରାଜ୍ୟ ଜାତୀୟ ସ୍ତରରେ ଗୋଟିଏ କ୍ଲଷ୍ଟର ଅଧୀନରେ ନିରବଚ୍ଛିନ୍ନ ଭାବରେ ସଂଯୁକ୍ତ ହୋଇଥିଲେ।

Leave A Reply

Your email address will not be published.