ଟୋକିଓ ଅଲିମ୍ପିକ୍ସରେ ବିଜୟ ଆଡକୁ ଅଗ୍ରସର ହୋଇଛନ୍ତି ପି.ଭି ସିନ୍ଧୁ। ଦମଦାର ପ୍ରଦଶର୍ନ କରିଛନ୍ତି ବ୍ୟାଡମିଣ୍ଟନ ଖେଳାଳି ସିନ୍ଧୁ। ଗ୍ରୁପ ଷ୍ଟେଜର ଦ୍ୱିତୀୟ ମ୍ୟାଚ ଜିତି ସହଜ ବିଜୟ ସହ ପ୍ରି କ୍ୱାର୍ଟରରେ ପହଞ୍ଚିଛନ୍ତି। ହଂକଂ ପ୍ରତିଦ୍ୱନ୍ଦ୍ବୀଙ୍କ ବିପକ୍ଷରେ ୨୧-୯, ୨୧-୧୬ରେ ବିଜୟୀ ହୋଇଛନ୍ତି। ପ୍ରି କ୍ୱାର୍ଟର ଫାଇନାଲରେ ଡେନମାର୍କକୁ ସେ ଭେଟିବେ।
ସେପଟେ ଟୋକିଓ ଅଲିମ୍ପିକ୍ସରେ ଭାରତୀୟ ମହିଳା ହକି ଦଳକୁ ନିରାଶ ହେବାକୁ ପଡିଛି। ବ୍ରିଟେନଠାରୁ ୪-୧ ଗୋଲରେ ଭାରତୀୟ ମହିଳା ହକି ଦଳ ପରାସ୍ତ
ହୋଇଛି । ଚଳିତ ଅଲିମ୍ପିକ୍ସରେ ଭାରତୀୟ ମହିଳା ହକି ଦଳର ଏହା ଲଗାତର ତୃତୀୟ ପରାଜୟ।
ସେହିପରି ତୀରନ୍ଦାଜରେ ତରୁଣଦୀପଙ୍କ ଅଲିମ୍ପିକ୍ସ ଅଭିଯାନ ଶେଷ ହୋଇଛି। ବ୍ୟକ୍ତିଗତ ଇଭେଣ୍ଟରେ ପରାସ୍ତ ହୋଇଛନ୍ତି ତରୁଣଦୀପ ରାୟ । ଇଟାଲୀ
ପ୍ରତିଦ୍ୱନ୍ଦ୍ବୀଙ୍କ ଠାରୁ ୬-୫ରେ ପରାସ୍ତ ହୋଇଛନ୍ତି ତରୁଣଦୀପ । ଅନ୍ତିମ ୧୬ରେ ହାରି ଅଭିଯାନ ଶେଷ କରିଛନ୍ତି ତରୁଣଦୀପ।