ଭୁବନେଶ୍ବର: ରାଜ୍ୟରେ କରୋନା ସଂକ୍ରମଣ ସ୍ଥିତି ଧୀରେ ଧୀରେ ସୁଧୁରୁଛି> ପୁରା ଓଡିଶା ଗ୍ରିନ ଜୋନରେ ଥିବା ବେଳେ କେବେଳ ଖୋର୍ଦ୍ଧା ରେଡ ଜୋନରେ ରହିଛି । କଟକ, କେନ୍ଦ୍ରାପଡା ,ଖୋର୍ଦ୍ଧାରେ ସଂକ୍ରମଣ ହାର ଅଧିକ ରହିଛି। ଏହି ୩ ଜିଲ୍ଲାରେ ପଜିଟିଭ ରେଟ ୫ ପ୍ରତିଶତ ଉପରେ ରହୁଛି । ୪ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ଶହେ ଉପରେ ରହୁଥିବା ବେଳେ ୧୦ ଜିଲ୍ଲାରେ ଦୁଇଅଙ୍କରୁ ବି କମ ରୋଗୀ ଚିହ୍ନଟ ହେଉଛନ୍ତି।
ଦିନକରେ ୭୮ ହଜାର ୭୪୦ ନମୁନା ପରୀକ୍ଷା କରାଯାଇଥିବା ବେଳେ ୧୭୦୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ସଂକ୍ରମଣ ହାର ରହିଛି ୨.୧୬% । ଖୋର୍ଦ୍ଧାରୁ
ସର୍ବାଧିକ ୩୮୬ ସଂକ୍ରମିତ ଚିହ୍ନଟ ହୋଇଛନ୍ତି । କଟକରୁ ୨୪୦, କେନ୍ଦ୍ରାପଡାରୁ ୧୪୯,ପୁରୀରୁ ୧୩୯ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ବାଲେଶ୍ୱରରୁ ୮୮,
ଅନୁଗୁଳରୁ ୫୯,ଭଦ୍ରକରୁ ୭୦.ଢେଙ୍କାନାଳରୁ ୫୨,ଜଗତସିଂହପୁରରୁ ୫୧,ଯାଜପୁରରୁ ୮୫,ମୟୂରଭଂଜରୁ ୬୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୯ ଲକ୍ଷ ୭୨ ହଜାର ୫୧୭ରେ ପହଞ୍ଚିଛି। ଆଉ ୬୯ ମୃତ୍ୟୁର ହିସାବ ଦେଇଛନ୍ତି ସରକାର। ସୁନ୍ଦରଗଡରୁ ସର୍ବାଧିକ ୧୪ ଜଣ, ଖୋର୍ଦ୍ଧାରୁ ୮ ଜଣ, ଅନୁଗୁଳ ଓ କଟକରୁ ୬ ଜଣ ଲେଖାଁଏ, କେନ୍ଦୁଝର ଓ ପୁରୀରୁ ୫ ଜଣ ଲେଖାଁଏ, ବୌଦ୍ଧ ଓ ସମ୍ବଲପୁରରୁ ୪ ଜଣ ଲେଖାଁଏ ଆଖିବୁଜିଛନ୍ତି । ସେହିପରି ଭଦ୍ରକରୁ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ଯାଜପୁର, କୋରାପୁଟ, ଝାରସୁଗୁଡା, କନ୍ଧମାଳ, ନବରଙ୍ଗପୁର ଓ
ନୟାଗଡରୁ ଜଣେ ଲେଖାଁଏ କରୋନାରେ ପ୍ରାଣ ହରାଇଛନ୍ତି। ମୋଟ ମୃତ୍ୟୁ ସଂଖ୍ୟା ୫ ହଜାର ୭୦୩ରେ ପହଞ୍ଚିଛି।