ବକ୍ସର ସତୀଶ କୁମାର ବି କ୍ବାର୍ଟର ଫାଇନାଲରେ
ଟୋକିଓ ଅଲିମ୍ପିକ୍ସରେ ଦ୍ୱିତୀୟ ପଦକ ଆଶାରେ ଭାରତ ଥିବା ବେଳେ ଆସିଛି ଭଲ ଖବର। ଦମଦାର ପ୍ରଦର୍ଶନ କରିଛନ୍ତି ପିଭି ସିନ୍ଧୁ। ବ୍ୟାଡମିଣ୍ଟନରେ ସିନ୍ଧୁଙ୍କ ବିଜୟ ଧାରା ଜାରି ରହିଛି। କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି ସିନ୍ଧୁ। ଆଜି ଖେଳାଯାଇଥିବା ରାଉଣ୍ଡ ୧୬ ମୁକାବିଲାରେ ପିଭି ସିନ୍ଧୁ ଡେନମାର୍କର ମିଆ ବ୍ଲିଚଫେଲ୍ଟ୍କୁ ପରାସ୍ତ କରିଛନ୍ତି।
ପ୍ରି କ୍ୱାର୍ଟରରେ ୨୧-୧୫,୨୧-୧୩ ସେଟରେ ପରାସ୍ତ କରି ସିନ୍ଧୁ କ୍ୱାର୍ଟର ଫାଇନାଲରେ ଏଣ୍ଟ୍ରି କରିଛନ୍ତି । ୪୧ ମିନିଟରେ ସିନ୍ଧୁ ଏହି ମୁକାବିଲା ନିଜ ନାଁରେ କରିଥିଲେ। ପ୍ରଥମେ ଗେମ ଆରମ୍ଭରୁ ସିନ୍ଧୁ ଭଲ ପ୍ରଦର୍ଶନ କରିଥିଲେ । ୨୨ ମିନିଟରେ ଜିତିନେଇଥିଲେ ସିନ୍ଧୁ। ଦ୍ୱିତୀୟ ଗେମରେ ସିନ୍ଧୁ ଆରମ୍ଭରୁ ୫-୦ରେ ଆଗୁଆ ରହିଥିଲେ। ୧୯ ମିନିଟରେ ସିନ୍ଧୁ ଦ୍ୱିତୀୟ ଗେମରେ ବିଜୟ ହୋଇଥିଲେ। ପୂର୍ବରୁ ଡେନମାର୍କ ଖେଳାଳି ମିଆ ବ୍ଲିଚଫେଲ୍ଟଙ୍କ ଠାରୁ ୪ ଥର ବିଜୟ ହୋଇଛନ୍ତି ସିନ୍ଧୁ। କ୍ୱାର୍ଟର ଫାଇନାଲରେ ସିନ୍ଧୁଙ୍କ ମୁକାବିଲା ଜାପାନ ଓ ଦକ୍ଷିଣ କୋରିଆର ଖେଳାଳିଙ୍କ ସହ ହେବ।
ସେହିପରି ପୁରୁଷ ହକିରେ ଭାରତର ଦମଦାର ବିଜୟ ହୋଇଛି । ଚାମ୍ପିଅନ ଆର୍ଜେଣ୍ଟିନାକୁ ପରାସ୍ତ କରିଛି । ୩-୧ ଗୋଲରେ ଭାରତୀୟ ଦଳ ପରାସ୍ତ
କରିଛି । ଭାରତ ପକ୍ଷରୁ ବରୁଣ, ବିବେକ,ହରମନପ୍ରୀତ ଗୋଲ ଦେଇଛନ୍ତି । ତୃତୀୟ କ୍ୱାର୍ଟରରେ ପ୍ରଥମ ଗୋଲ ଦେଇଥିଲା ଭାରତ। ଦଳ ପକ୍ଷରୁ ବରୁଣ କୁମାର ପ୍ରଥମ ଗୋଲ ଦେଇଥିଲେ।ଏହା ପରେ ଏକ ପେନାଲ୍ଟି କର୍ଣ୍ଣରକୁ ଗୋଲରେ ପରିବର୍ତନ କରିଥିଲେ ଆର୍ଜେଣ୍ଟିନା ଖେଳାଳି । ଭାରତ ପକ୍ଷରୁ ଦ୍ୱିତୀୟ ଗୋଲ ବିବେକ ପ୍ରସାଦ ଓ ତୃତୀୟ ଗୋଲ ହରମନପ୍ରୀତ ଦେଇଥିଲେ।
ସେହିପରି ତୀରନ୍ଦାଜରେ ଅତନୁ ଦାସ ପ୍ରଦର୍ଶନ ଆକର୍ଷଣୀୟ ଥିଲା। କଡା ଟକ୍କର ଦେଇ ରାଉଣ୍ଡ ୧୬କୁ ଉନ୍ନୀତ ହୋଇଛନ୍ତି। ଦକ୍ଷିଣ କୋରିଆ ଖେଳାଳି ଜିନ
ହାଇକଙ୍କୁ ୬-୫ରେ ପରାସ୍ତ କରି ପ୍ରି କ୍ୱାର୍ଟର ଫାଇନାଲକୁ ପ୍ରବେଶ କରିଛନ୍ତି । ଜିନ ହାଇକ ୨୦୧୨ରେ ଲଣ୍ଡନ ଅଲିମ୍ପିକ୍ଟରେ ସ୍ୱର୍ଣ୍ଣ ପଦକ ଜିତିଥିଲେ । ଆଜି ପ୍ରଥମ ମୁକାବିଲାରେ ଚାଇନଜ ତାଇପେଇର ଡେଂଗ ୟୁ ଚେଂଗକୁ ସେ ପରାସ୍ତ କରିଥିଲେ। ଏହା ପରେ ପରବର୍ତୀ ମ୍ୟାଚରେ ଦକ୍ଷିଣ କୋରିଆ ଖେଳାଳି ଜିନ ହାଇକଙ୍କୁ ପରାସ୍ତ ଭେଟି ରାଉଣ୍ଡ ୧୬କୁ ଉନ୍ନୀତ ହୋଇଛନ୍ତି।
ସର୍ବଶେଷ ଖବର ଅନୁସାରେ, ଇଣ୍ଡିଆନ୍ ବକ୍ସର ସତୀଶ କୁମାର (୯୧ କେଜି) କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି। ସେ ଜାମାଇକାର ରିକାଡୋ ବ୍ରାଉନ୍ସଙ୍କୁ ୪-୧ରେ ପରାସ୍ତ କରିଛନ୍ତି।