ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

କେରଳରେ ଜଳପ୍ରଳୟ

0

କେରଳରେ ପ୍ରବଳ ବର୍ଷା ଯୋଗୁଁ ସ୍ଥିତି ସଙ୍ଗୀନ ହୋଇପଡିଛି। ପ୍ରବଳ ବର୍ଷା ନେଇ ପାଣିପାଗ ବିଭାଗ ୬ ଜିଲ୍ଲାରେ ରେଡ ଆଲର୍ଟ ଜାରି କରିଛି।ସାତ ଜିଲ୍ଲାରେ ଅରେଞ୍ଜ ଏବଂ ଦୁଇ ଜିଲ୍ଲାରେ ୟେଲୋ ଆଲର୍ଟ ଜାରି କରାଯାଇଛି। ଲଗାଣ ବର୍ଷା ଯୋଗୁଁ ଭୂସ୍ଖଳନ ସହ ବନ୍ୟା ସ୍ଥିତି ଉପୁଜିଛି। କୋଟାୟମ ଓ ଉଡୁକି ଜିଲ୍ଲାରେ ଭୂସ୍ଖଳନ ହୋଇ ଗୋଟିଏ ପରିବାର ନିଶ୍ଚିହ୍ନ ହୋଇଯାଇଛି। ଏଯାଏ ୭ ଲୋକଙ୍କ ମୃତ୍ୟୁ ହୋଇଥିବା ବେଳେ ୧୨ରୁ ଅଧିକ ଲୋକ ନିଖୋଜ ଅଛନ୍ତି।

ଲଗାଣ ବର୍ଷା ଫଳରେ ରାସ୍ତା ଉପରେ କାର, ବାଇକ ଭାସିଯିବା ସହ ଅନେକ ଅଞ୍ଚଳରେ ଘର ମଧ୍ୟ ବୁଡିଯାଇଛି। ପରିସ୍ଥିତି ବିଗୁଡୁଥିବାରୁ ଉଦ୍ଧାର କାମ ପାଇଁ
ରାଜ୍ୟ ସରକାର ସହାୟତା ଲୋଡିଛନ୍ତି। ଉଦ୍ଧାର କାର୍ଯ୍ୟରେ ୧୧ ଏନଡିଆରଏଫ ଟିମ,ଏୟାରଫୋର୍ସ ,ହେଲିକପ୍ଟର ଓ ନୌସେନା ବାହିନୀଙ୍କୁ ନିୟୋଜିତ କରାଯାଇଛି। ଲୋକଙ୍କୁ ସୁରକ୍ଷିତ ସ୍ଥାନରେ ରହିବା ପାଇଁ ପରାମର୍ଶ ଦେଇଛନ୍ତି କେରଳ ମୁଖ୍ୟମନ୍ତ୍ରୀ ପିନାରାୟ ବିଜୟନ।

ଭାରତୀୟ ପାଣିପାଗ ବିଭାଗ ଅନୁମାନ କରିଛି ଯେ, କେରଳ ୬ ଜିଲ୍ଲା ପୃଥ୍ୱୀମତା,କୋଟାୟାମ, ଏର୍ନାକୁଲମ,ଇଡୁକି, ଥ୍ରୁସର ପ୍ରବଳ ବର୍ଷା ହେବ। ଦକ୍ଷିଣ ରାଜ୍ୟରେ ବର୍ଷାରେ ଅନେକ ଲୋକ ଆହତ ହୋଇଛନ୍ତି ଓ ବିସ୍ଥାପିତ ହୋଇଛନ୍ତି। କେରଳର ପ୍ରାୟ ସବୁ ଡ୍ୟାମ ପୂରିବା ସ୍ଥିତିରେ ଅଛି। ଅନେକ ଜିଲ୍ଲାରେ ପାହାଡ଼ ଅଞ୍ଚଳରେ ଥିବା ଛୋଟ ସହର ଓ ଗାଁ ଗୁଡିକ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଇଛି।

ଆଇଏମଡି ଏକ ବିବୃତିରେ କହିଛି, କେରଳ ଉପକୂଳରୁ ଦକ୍ଷିଣ ପୂର୍ବ ଆରବ ସାଗର ଉପରେ କମ ଚାପ ଥିବାରୁ ଆଜି କେରଳର କିଛି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ। ୧୯ ଅକ୍ଟୋବର ସକାଳୁ ବର୍ଷା କମିବ ବୋଲି ଅନୁମାନ କରାଯାଇଛି। କେରଳ ମୁଖ୍ୟମନ୍ତ୍ରୀ ପିନାରାୟ ବିଜୟନ ଆସନ୍ତା ୨୪ ଘଣ୍ଟା ଯାଏ ଲୋକଙ୍କୁ ଘରୁ ନବାହାରିବା ସହ ସତର୍କ ରହିବାକୁ କହିଛନ୍ତି। ବର୍ଷା ଯୋଗୁଁ ସ୍କୁଲ କଲେଜ ବନ୍ଦ କରିଦିଆଯାଇଛି। ସାବରିମାଳା ମନ୍ଦିର ମଧ୍ୟ ଏବେ ନ ଖୋଲିବାକୁ ନିଷ୍ପତ୍ତି ନିଆଯାଇଛି।

Leave A Reply

Your email address will not be published.