ପ୍ରମୁଖ ଖବର

ସହଦେବ ନାୟକ ହତ୍ୟା ମାମଲାରେ ଗିରଫ ସଂଖ୍ୟା ୫କୁ ବୃଦ୍ଧି
ରାଉରକେଲାରେ ଜଣେ ସିଆରପିଏଫ ଯବାନ ନିଜକୁ ନିଜେ ଗୁଳି କରିଥିବା ସୂଚନା
ଚୀନର ଜିଆଙ୍ଗରେ ଭୂକମ୍ପର ଝଟକା: ତୀବ୍ରତା ୪.୩
କେନ୍ଦ୍ର ଆଇଟି ମନ୍ତ୍ରୀଙ୍କ ପ୍ରତିଶ୍ରୁତି: ମେଗା ଆଇଟି ହବ୍ ହେବ ଓଡ଼ିଶା
ପ୍ରବାସୀ ଭାରତୀୟ ଦିବସ ପାଇଁ ଓଡିଶାରେ ପହଁଞ୍ଚିଲେ ରାଷ୍ଟ୍ରପତି
ପ୍ରବାସୀ ଭାରତୀୟ ଦିବସ ଉଦ୍‌ଘାଟନ କଲେ ପ୍ରଧାନମନ୍ତ୍ରୀ
ଜାନୁଆରୀ ୨୦ରୁ ଶ୍ରୀମନ୍ଦିରରେ ଧାଡି ଦର୍ଶନ ପାଇଁ ଟ୍ରାଏଲ୍ ରନ୍
କୁମ୍ଭ ମେଳା ପାଇଁ ଓଡ଼ିଶାରୁ ଅଯୋଧ୍ୟାକୁ ଗଡ଼ିବ ସ୍ୱତନ୍ତ୍ର ବସ

ବିଷାକ୍ତ ହେଲା ଦିଲ୍ଲୀର ବାୟୁ

0

ନୂଆଦିଲ୍ଲୀ: ଦୀପାବଳି ପରେ ଦିଲ୍ଲୀରେ ସ୍ଥିତି ସଙ୍ଗୀନ ହୋଇପଡିଛି। ପ୍ରଦୂଷଣ ସ୍ତର ଅତି ଖରାପ ଶ୍ରେଣୀକୁ ଚାଲିଯାଇଛି। ଲୋକଙ୍କୁ ନିଶ୍ୱାସ ନେବା ମଧ୍ୟ କଷ୍ଟକର ହୋଇପଡିଛି। ଏହି ସମୟରେ ବଲିଉଡ଼ ଅଭିନେତା ସହିଦ କପୁରଙ୍କ ପତ୍ନୀ ମୀରା ରାଜପୁତ ନିଜର ଦୁଃଖ ପ୍ରକାଶ କରିଛନ୍ତି। ପ୍ରଦୂଷଣରେ ପରିପୂର୍ଣ୍ଣ ଦିଲ୍ଲୀର ବାୟୁ ଦେଖି ମୀରା ରାଜପୁତ ସୋସିଆଲ ମିଡିଆରେ ନିଜ ଘରର ଏକ ଫଟୋ ସେୟାର କରିଛନ୍ତି। ଫଟୋ ସେୟାର କରି ମୀରା ଲେଖିଛନ୍ତି, ‘ଏହା ମୋ ଘର ହୋଇପାରିବ ନାହିଁ’।

ମୀରା ରାଜପୁତ ସୋସିଆଲ ମିଡିଆରେ ସବୁବେଳେ ଆକ୍ଟିଭ ରହିଥାନ୍ତି ଏବଂ ଫ୍ୟାନ୍ସଙ୍କ ସହ ନିଜ ଫଟୋ ସେୟାର କରିଥାନ୍ତି। ମୀରା ଦିଲ୍ଲୀରେ ଜନ୍ମଗ୍ରହଣ କରିଥିଲେ। ସେ ଦିଲ୍ଲୀରେ ବଡ଼ ହୋଇ ସେଠାରେ ମଧ୍ୟ ଶିକ୍ଷା ଗ୍ରହଣ କରିଛନ୍ତି । କିନ୍ତୁ ଗତ କିଛି ବର୍ଷ ଧରି ଦିଲ୍ଲୀରେ ବାୟୁର ପ୍ରଦୂଷଣ ସ୍ତର ଯେପରି ଭାବେ ବୃଦ୍ଧି ପାଇଛି, ଏହା ସମସ୍ତଙ୍କ ପାଇଁ ସତର୍କ ଘଣ୍ଟି ପାଲଟିଛି। ଦୀପାବଳିରେ ଲୋକମାନେ କଟକଣା ନମାନି ବାଣ ଫୁଟାଇଥିବା ବେଳେ ପ୍ରଦୂଷଣ ଆହୁରି ବଢିଯାଇଛି।

ମୀରା ରାଜପୁତି ଇନଷ୍ଟା ଷ୍ଟୋରିରେ ଧୂଆଁରେ ଆଚ୍ଛାଦିତ ଦିଲ୍ଲୀର ଏକ ଫଟୋ ସେୟାର କରି ଏହା ତାଙ୍କ ଘର ହୋଇପାରିବ ନାହିଁ ବୋଲି ଲେଖିବା ସହ ଲୋକମାନଙ୍କୁ ଏପରି ନକରିବାକୁ ନିବେଦନ କରିଛନ୍ତି। ବାଣ ନଫୁଟାଇବା, ବର୍ଜ୍ୟବସ୍ତୁକୁ ନଜଳାଇ ଅଲଗା କରି ରଖିବା ପାଇଁ ଲୋକଙ୍କୁ ନିବେଦନ କରିଛନ୍ତି।
ଦୀପାବଳି ପରେ ଦିଲ୍ଲୀରେ ପ୍ରଦୂଷଣ ହଠାତ ବୃଦ୍ଧି ଘଟିଛି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଯାୟୀ, ଏଥର ଦିଲ୍ଲୀର ପ୍ରଦୂଷଣ ରେକର୍ଡ ଭାଙ୍ଗିଛି। ଦୀପାବଳିରେ ଦିଲ୍ଲୀରେ ଗତ ୫ବର୍ଷ ହେବ ସର୍ବାଧିକ ପ୍ରଦୂଷଣ ରହିଛି। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁଯାୟୀ, ଦିଲ୍ଲୀରେ ହାରାହାରି ଏକ୍ୟୁଆଇ ଅର୍ଥାତ ବାୟୁ ଗୁଣବତ୍ତା ପ୍ରାୟ ୪୬୨ ରହିଛି। ଯାହାର ମୁଖ୍ୟକାରଣ ହେଉଛି ଦୀପାବଳିରେ ପ୍ରବଳ ବାଣ ଫୁଟାଇବା ବୋଲି କୁହାଯାଉଛି।

Leave A Reply

Your email address will not be published.