ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

ମନ୍ତ୍ରିମଣ୍ଡଳ ପୁର୍ନଗଠନ ହେଲା, ତଥାପି ସରିନି କନ୍ଦଳ!

0

ଜୟପୁର: ରାଜସ୍ଥାନରେ ମନ୍ତ୍ରିମଣ୍ଡଳ ପୁର୍ନଗଠନ ପରେ ଆଶା କରାଯାଉଥିଲା କନ୍ଦଳ ବି ପରିସମାପ୍ତି ଘଟିଲା। ଦଳର ଯୁବ ଚେହେରା ସଚିନ୍ ପାଇଲଟ୍ ବି ଅନୁରୂପ ମନ୍ତବ୍ୟ ଦେଇଥିଲେ। ହେଲେ ଏବେ ଜଣାପଡ଼ିଲାଣି ଯେ କଂଗ୍ରେସ ଦଳ ମଧ୍ୟରେ କନ୍ଦଳ ସମାପ୍ତ ହୋଇଥିବା ନଜର ଆସୁନାହିଁ। ଶପଥ ଗ୍ରହଣ ଉତ୍ସବର କିଛି ଘଣ୍ଟା ପରେ ହିଁ ରାଜସ୍ଥାନ କଂଗ୍ରେସରେ ଅସନ୍ତୋଷର ସ୍ୱର ଉଠିଛି। ଉଦୟପୁର ବିଧାୟକ ତଥା ଦଳର ବରିଷ୍ଠ ନେତା ଦୟାରାମ ପରମାର ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଚିଠି ଲେଖି ଅସନ୍ତୋଷ ବ୍ୟକ୍ତ କରିଛନ୍ତି।

ପରମାର ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ପ୍ରଶ୍ନ କରିଛନ୍ତି ଯେ,ଏମିତି କେଉଁ ଦକ୍ଷତା ହାସଲ କରିବା ଉଚିତ,ଯାହା ଫଳରେ ମନ୍ତ୍ରିମଣ୍ଡଳରେ ସ୍ଥାନ ମିଳିପାରିବ। ଦୟାକରି ଆମକୁ ସେ ବିଶେଷ ଦକ୍ଷତା କଣ କହୁନ୍ତୁ? ତାହା ହାସଲ କରି ଭବିଷ୍ୟତରେ ମନ୍ତ୍ରୀ ହେବା ପାଇଁ ପ୍ରୟାସ କରିବୁ। ଦୟାରାମ ପରମାର ଦୁଇ ବାର ମନ୍ତ୍ରୀ ରହିସାରିଛନ୍ତି ଓ ୬ ଥର ବିଧାୟକ ହୋଇଛନ୍ତି। ସେ କହିଛନ୍ତି ଯେ, ଅନ୍ୟ ଆଦିବାସୀ ଜିଲ୍ଲା ଅନ୍ୟ ବି ରହିଛି। କିନ୍ତୁ କେବଳ ବାଶଁବଡ଼ାରୁ ଦୁଇ ଜଣଙ୍କୁ ମନ୍ତ୍ରୀ କରାଯାଇଛି। ଏହା ପୂର୍ବରୁ ଦୁଇ ଜଣ କଂଗ୍ରେସ ବିଧାୟକ ଜୋହରୀ ଲାଲ ମୀନା ଓ ସାଫିଆ ଜୁବେର ମଧ୍ୟ ମନ୍ତ୍ରିମଣ୍ଡଳ ପୁର୍ନଗଠନକୁ ବିରୋଧ କରି
ଶପଥ ଗ୍ରହଣ ଉତ୍ସବରେ ଯୋଗ ଦେଇନଥିଲେ। ସାଫିଆ କହିଛନ୍ତି ଯେ, ଦଳରେ ମହିଳାଙ୍କୁ ଉପଯୁକ୍ତ ପ୍ରତିନିଧିତ୍ୱ ମିଳୁନାହିଁ। ଅନ୍ୟପଟେ ଜୋହରୀ ଲାଲ ମୀନା ମନ୍ତ୍ରିମଣ୍ଡଳରେ ଟିକାରାମ ଜୁଲ୍ଲିଙ୍କ ପଦୋନ୍ନତିକୁ ବିରୋଧ କରିଛନ୍ତିଷ

୬ ବରିଷ୍ଠ କଂଗ୍ରେସ ବିଧାୟକଙ୍କୁ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ପରାମର୍ଶଦାତା କରାଯାଇଛି। ଏଥିରେ ଡକ୍ଟର ଜିତେନ୍ଦ୍ର ସିଂହ, ବାବୁଲାଲ ନାଗର, ରାଜକୁମାର ଶର୍ମା, ସଂୟମ ଲୋଢା, ରାମକେଶ ମୀନା ଓ ଦାନିଶ ଅବରାର ସାମିଲ ଅଛନ୍ତି। ଏମାନଙ୍କ ମଧ୍ୟରୁ ଦୁଇ ବିଧାୟକ ବାବୁଲାଲ ନାଗର ଓ ସୟଂମ ଲୋଢା ସ୍ୱାଧୀନ ବିଧାୟକ ଅଟନ୍ତି। ଦାନିଶ ଅବରାର ସଚିନ ପାଇଲଟଙ୍କ ସାଙ୍ଗ ଥିଲେ ଯିଏ ଦିଲ୍ଲୀରେ ତାଙ୍କ ସାଥ ଛାଡିକି ଗେହଲଟ କ୍ୟାମ୍ପରେ ଯୋଗଦେଇଥିଲେ।

ଋବିବାର ଶପଥ ନେଇଥିବା ୧୫ ଜଣଙ୍କ ମନ୍ତ୍ରୀଙ୍କ ମଧ୍ୟରେ ୧୧ ଜଣ କ୍ୟାବିନେଟ ଓ ୪ ଜଣ ରାଷ୍ଟ୍ରମନ୍ତ୍ରୀ ଅଛନ୍ତି। କେବେଳ ୩ ଜଣ ମନ୍ତ୍ରୀ ,ଗୋବିନ୍ଦଓ ସିଂ ଦୋତ୍ରା, ହରିଶ ଚୌଧୁରୀ ଓ ରଘୁ ଶର୍ମାଙ୍କୁ ବରଖାସ୍ତ କରାଯାଇଥିବା ବେଳେ ଅନ୍ୟମାନଙ୍କୁ ରଖାଯାଇଛି । ବିଶଭେନ୍ଦ୍ର ସିଂ,ରମେଶ ମୀନା କ୍ୟାବନେଟକୁ ଫେରିଛନ୍ତି।।

Leave A Reply

Your email address will not be published.