ବଲିଉଡ ଅଭିନେତା ସୁନୀଲ ସେଟ୍ଟୀଙ୍କ ଝିଅ ଅଭିନେତ୍ରୀ ଆଥିଆ ସେଟ୍ଟୀ ଏବଂ କ୍ରିକେଟର କେଏଲ ରାହୁଲଙ୍କ ମଧ୍ୟରେ ରିଲେସନସିପ୍କୁ ନେଇ ଅନେକ ସମୟରେ ଚର୍ଚ୍ଚା ହୋଇଥାଏ । କିନ୍ତୁ ଏହି ଚର୍ଚ୍ଚା ଉପରୁ ଏବେ ପରାଦ ଉଠିଛି । ଫିଲ୍ମ ‘ତଡପ’ର ପ୍ରିମିୟରରେ ଉଭୟଙ୍କୁ ପ୍ରଥମ ଥର ପାଇଁ କ୍ୟାମେରା ସାମନାରେ ଏକାଠି ଦେଖିବାକୁ ମିଳିଛି । ଆଥିୟା ଓ କେଏଲ ରାହୁଲଙ୍କୁ ଏକା ସାଙ୍ଗରେ ଷ୍ଟେଜ ଉପରେ ଦେଖି ଫଟୋ ନେବା ପାଇଁ ଲାଇନ ଲାଗିଯାଇଥିଲା ।
ଆଥିୟା, କେଏଲ ରାହୁଲଙ୍କ ହାତ ଧରି ଷ୍ଟେଜରେ ପହଁଞ୍ଚିଥିଲେ । ଉଭୟ ବେଶ ଖୁସି ଥିବା ନଜର ଆସୁଥିଲେ । ପ୍ରିମିୟରରେ ଆଥିୟାଙ୍କ ବାପା ସୁନୀଲ ସେଟ୍ଟୀ ଏବଂ ମାଆ ମାଣା ସେଟ୍ଟୀ ବି ସାମିଲ ଥିଲେ । ଆଥିୟାଙ୍କ ପୁରା ପରିବାର କେଏଲ ରାହୁଲଙ୍କ ସହ ଫଟୋ ଉଠାଉଥିବାର ନଜର ଆସିଥିଲେ । ଆଥିୟାଙ୍କ ଭାଇ ଅହାନ ସେଟ୍ଟୀଙ୍କ ଫିଲ୍ମ ପ୍ରିମିୟରରେ କେଏଲ ରାହୁଲଙ୍କ ଉପସ୍ଥିତି ହେଉଛି ବଡ଼ କଥା
ନିକଟରେ ନଭେମ୍ବର ୫ରେ ଆଥିୟାଙ୍କ ଜନ୍ମିଦନରେ କେଏଲ ରାହୁଲ ଆଥିୟାଙ୍କ ସହ ଏକ କ୍ୟୁଟ ଫଟୋ ସେୟାର କରିଥିଲେ । କେଏଲ ରାହୁଲ ହାର୍ଟର ଇମୋଜି ଦେଇ ହାପି ବାର୍ଥ ଡେ ଲେଖିଥିଲେ । ଏହି ପୋଷ୍ଟ ପରେ ଉଭୟଙ୍କ ମଧ୍ୟରେ ଥିବା ସଂପର୍କ ସମସ୍ତଙ୍କ ସାମନାକୁ ଆସିଥିଲା । ଫ୍ୟାନ୍ସ ଏହି ପୋଷ୍ଟରେ ଆଥିୟାଙ୍କୁ ଜନ୍ମଦିନର ଶୁଭେଚ୍ଛା ବି ଜଣାଇଥିଲେ ଏବଂ କପଲଙ୍କୁ ଅଭିନନ୍ଦନ ମଧ୍ୟ ।
ଆଥିୟା ଓ କେଏଲ ରାହୁଲ ଦୀର୍ଘ ଦିନରୁ ପରସ୍ପରକୁ ଡେଟ୍ କରୁଛନ୍ତି । ଜୁଲାଇରେ ଇଂଲଣ୍ଡରେ ଟେଷ୍ଟ ସିରିଜ ସମୟରେ ଆଥିୟା ବି କେଏଲ ରାହୁଲଙ୍କ ସହ ନଜର ଆସିଥିଲେ । ଜାଣିବାକୁ ମିଳିଥିଲା ଯେ, କେଏଲ ରାହୁଲ ବିସିସିଆଇରେ ଦେଇଥିବା ସମସ୍ତ କାଗଜପତ୍ରରେ ଆଥିୟାଙ୍କୁ ତାଙ୍କ ପାର୍ଟନର ଲେଖିଥିଲେ । ତେବେ ସୁନୀଲ ସେଟ୍ଟୀଙ୍କୁ ଯେତେବେଳେ ଉଭୟଙ୍କର ସଂପର୍କକୁ ନେଇ ପଚରାଯାଇଥିଲା ସେ କିଛି ଉତ୍ତର ଦେଇନଥିଲେ କିନ୍ତୁ ମନା ବି କରିନଥିଲେ ।