ବିଧାନସଭାରେ ଚାଲିଲା ହାଇଡ୍ରାମା…

0

ବିଧାନସଭା ଗୃ୍ହରେ ବାଜିଲା ଘଣ୍ଟ,ପଡିଲା ଗଙ୍ଗା ଜଳ । ବିରୋଧୀଙ୍କ ହଟ୍ଟଗୋଳ କାରଣରୁ ଆଜିକୁ ଚାରିଦିନ ହେବ ଚାଲିପାରୁନି ଗୃହ । ଆଜି ଗୃହରେ କଂଗ୍ରେସ ପକ୍ଷରୁ ଅଭିନବ ପ୍ରତିବାଦ କରାଯାଇଛି । ଘଣ୍ଟ ବଜାଇ ପ୍ରତିବାଦ କରାଯାଇଛି । କଂଗ୍ରେସ ସଦସ୍ୟ ଗୃହରେ ପୋଡିୟମ ଚାରିପଟେ ଗଙ୍ଗାଜଳ ଛିଞ୍ଚିଲେ। ତେବେ ବିରୋଧୀଙ୍କ ଏଭଳି ହଙ୍ଗାମା ଯୋଗୁଁ ପ୍ରତିଦିନ ଗୃହକୁ ମୁଲତବି କରିବାକୁ ପଡୁଛି । ଆଜି ବି ଦିନ ୪ଟା ଯାଏ ଗୃହକୁ ମୁଲତବି କରିଛନ୍ତି ବାଚସ୍ପତି ସୂର୍ଯ୍ୟନାରାୟଣ ପାତ୍ର ।

ଚାରି ଦିନ ହେବ ବିରୋଧୀ ମାନେ ନିଜ ନିଜ ଜିଦରେ ଅଡି ବସିଛନ୍ତି । ମମିତା ମେହେର ହତ୍ୟା ପ୍ରସଙ୍ଗରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବି ଜିଦରେ ଅଟଳ ରହିଛନ୍ତି ବିରୋଧୀ । ଫଳରେ ବିଧାସନଭସଭାରେ ଅଚଳାବସ୍ଥାରେ ଜାରି ରହିଛି । ଆଜ ଗୃହ ଆରମ୍ଭ ହେବା ମାତ୍ରେ ମନ୍ତ୍ରୀ ଦିବ୍ୟଶଙ୍କର ବହିଷ୍କାର ଦାବି କରି ହଟ୍ଟଗୋଳ କରିଥିଲେ ବିରୋଧୀ । ଗୃହର ମଧ୍ୟଭାଗକୁ ଆସି କଂଗ୍ରେସ ବିଧାୟକ ହୋହାଲ୍ଳା କରିଥିଲେ । କଂଗ୍ରେସ ବିଧାୟକ ତାରାବାହିନୀ ପତି ପୂଜକ ବେଶରେ ଆସି ଗୃହରେ ପୋଡିୟମ ଚାରିପଟେ ଗଙ୍ଗାଜଳ ଛିଞ୍ଚିଲେ । ଆଉ ପଛରେ ଅନ୍ୟ ବିଧାୟକ ମାନେ ଘଣ୍ଟ ବଜାଇଥିଲେ ।

ମନ୍ତ୍ରୀ ଦିବ୍ୟଶଙ୍କରଙ୍କ ଆସନରେ ଗଙ୍ଗାଜଳ ଛିଞ୍ଚି ଶୋଧନ କରିଥିବା କହିଛନ୍ତି ତାରା ବାହିନୀପତି । ମନ୍ତ୍ରୀ ଗୃହକୁ ଆସିବା ପରେ ପବିତ୍ର ଗୃହ ଅପବିତ୍ର ହୋଇଛି । ତେଣୁ ଗୃହରେ ଗଙ୍ଗାଜଳ,ଗୋବର ପାଣି ଛିଞ୍ଚି ପବିତ୍ର କରାଯାଇଥିବା କହିଛନ୍ତି । ସେହିପରି ବିଜେପି ବିଧାୟକ ମାନେ ମଧ୍ୟ ହାତରେ ପ୍ଲାକାର୍ଡ ଧରି ନାରାବାଜି ଦେଇଥିଲେ । ଗତ ତିନି ଦିନ ହେବ ମଧ୍ୟ ସମାନ ଚିତ୍ର ଦେଖିବାକୁ ମିଳିଥିଲା । ଗତକାଲି ମଧ୍ୟ ଗୃହ ବାହାରେ ବିଜେପି ବିଧାୟକ ଗୋବର ପାଣି ଓ ଗଙ୍ଗା ଜଳ ଛିଞ୍ଚିଲେ । ମମିତା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିବୃତ୍ତି ରଖିବା ପରେ ମଧ୍ୟ ବିରୋଧୀ ହଟ୍ଟଗୋଳ ଜାରି ରଖିଛନ୍ତି ।

ଗତକାଲି ମୁଖ୍ୟମନ୍ତ୍ରୀ ବିରୋଧୀଙ୍କୁ ଅନୁରୋଧ କରିଥିଲେ । ମମିତା ପ୍ରସଙ୍ଗରେ ରାଜନୀତିକରଣ କରାନଯାଉ । ଏବଂ ଯିଏ ଦୋଷୀ ତା ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ମଧ୍ୟ କହିଥିଲେ । ଏପରିକି ଯଦି କାହା ପାଖରେ କିଛି ପ୍ରମାଣ ଅଛି କୋର୍ଟରେ ଦେବାକୁ କହିଥିଲେ ମୁଖ୍ୟମନ୍ତ୍ରୀ । କିନ୍ତୁ ଏହା ପରେ ବି ବିରୋଧୀ ମାନେ ଆଜି ଗୃହ ଆରମ୍ଭ ହେବା ମାତ୍ରେ ସମାନ ପ୍ରସଙ୍ଗରେ ହଟ୍ଟଗୋଳ ଓ ନାରାବାଜି ଦେଇଛନ୍ତି ।

Leave A Reply

Your email address will not be published.