ଜନ୍ମଦିନ ପାଳିଲେ ବିଶ୍ୱର ସବୁଠୁ ବୟସ୍କ ମହିଳା । ଜାପାନ ମହିଳା କେନ୍ ତନାକା ହେଉଛନ୍ତି ବିଶ୍ୱର ସବୁଠୁ ବୟସ୍କ ମହିଳା । ସେ ବୟସ୍କ ମହିଳା ଭାବେ ଗିନିଜ୍ ବୁକ୍ ଅଫ ରେକର୍ଡର ଟାଇଟଲ ମଧ୍ୟ ଜିତିଛନ୍ତି ।ନିକଟରେ କେନ୍ ତନାକା ତାଙ୍କ ଜନ୍ମଦିନ ପାଳିଛନ୍ତି । ଜାନୁଆରୀ ୨ ତାରିଖରେ କେନ୍ ତାନାକା ୧୧୯ ତମ ଜନ୍ମଦିନ ପାଳନ କରିଛନ୍ତି ।
କେନ୍ ତନାକା ଏବେ ଫୁକୁଓକା ସହରର ଏକ ନସିଂ ହୋମରେ ରହନ୍ତି । ଆସନ୍ତା ବର୍ଷ ତାଙ୍କର ୧୨୦ ତମ ଜନ୍ମଦିନ ପାଳନ କରିବାକୁ ପରିବାର ଲୋକ ଆଶା ରଖିଛନ୍ତି । କେନ ତନାକା କହିଛନ୍ତି ଯେ, ସେ ଏତେ ଦିନ ବଞ୍ଚିବାର କାରଣ ହେଉଛି ଭଲ ଖାଇବା ଓ ପଢିବା । ସେ କାର୍ବୋନେଟେଡ ପାନୀୟ ପିଇବାକୁ ଓ ଚକଲେଟ ଖାଇବାକୁ ପସନ୍ଦ କରନ୍ତି । ନର୍ସିଂହୋମରେ ସେ ଇସାରା ମାଧ୍ୟମରେ ଅନ୍ୟ କର୍ମଚାରୀଙ୍କ ସହ କଥା ହୁଅନ୍ତି ।
ସେ କର୍କଟ ଭଳି ରୋଗକୁ ମଧ୍ୟ ପରାସ୍ତ କରିସାରିଛନ୍ତି । ତନାକାଙ୍କ କହିବା ଅନୁସାରେ ସେ ଦୀର୍ଘୀୟୁ ହେବାର ମୁଖ୍ୟ କାରଣ ହେଲା ଭଲ ଖାଦ୍ୟ ଖାଇବା ଏହାପୂର୍ବରୁ ଏହି ରେକର୍ଡ ଜାପାନର ଚିୟୋ ମିୟାକୋଙ୍କ ନାମରେ ଥିଲା ସେ ୧୧୭ ବର୍ଷରେ ମୃତ୍ୟୁବରଣ କରିଥିଲେ । ଜାପାନର ଅଧିକାଂଶ ଲୋକ ୧୦୦ ବର୍ଷରୁ ଅଧିକ ସମୟ ବଞ୍ଚିଥାନ୍ତି । ଏବଂ ଜାପାନୀମାନେ ଅନ୍ୟ ଦେଶ ତୁଳନାରେ କମ ରୋଗାଗ୍ରସ୍ତ ହୁଅନ୍ତି । ଅଧିକ ବର୍ଷ ଧରି ବଞ୍ଚୁଥିବା ଲୋକଙ୍କ ମଧ୍ୟରେ ଅଧିକାଂଶ ଜାପାନର ରହିଥାନ୍ତି ।