ଆମେରିକାରେ ୫-ଜି ସେବା ଆରମ୍ଭ ହେବା ପରେ ଏୟାର ଇଣ୍ଡିଆ ତାର ୧୪ ଟି ବିମାନ ଉଡାଣ ରଦ୍ଦ କରିଦେଇଛି । ଏୟାର ଇଣ୍ଡିଆ ବ୍ୟତୀତ ଜାପାନ,ଦୁବାଇ,ବ୍ରିଟେନ ସମେତ ଅନେକ ଦେଶର ଏୟାରଲାଇନ୍ସ କମ୍ପାନୀ ଆମେରିକାର ଯିବା ,ଆସିବା ପାଇଁ ବିମାନ ଉଡାଣ ବାତିଲ କରିଦେଇଛନ୍ତି । ଟେଲି କମ୍ପାନୀ ‘ଏଟି ଆଣ୍ଡ ଟି’ ଓ ଭେରଜିନ ପକ୍ଷରୁ ଆମେରିକାରେ ୫ ଜି ସେବା ଆରମ୍ଭ ହୋଇଛି । ଯାହାକୁ ନେଇ ବିମାନଗୁଡିକ ମଧ୍ୟରେ ଭୟ ସୃଷ୍ଟି ହୋଇଛି ।
ଏୟାର ଇଣ୍ଡିଆ ୧୪ଟି ବିମାନର ଉଡାଣ ବାତିଲ କରିଛି । ସେଗୁଡିକ ମଧ୍ୟରେ ଦିଲ୍ଲୀ- ନ୍ୟୁୟର୍କ,ନ୍ୟୁୟର୍କ-ଦିଲ୍ଲୀ, ଦିଲ୍ଲୀ-ଚିକାଗୋ,ଚିକାଗୋ-ଦିଲ୍ଲୀ, ଦିଲ୍ଲୀ-ସ୍ପେନ ଫ୍ରାନ୍ସିକୋ, ,ସ୍ପେନ ଫ୍ରିନ୍ସିକୋ-ଦିଲ୍ଲୀ, ଦିଲ୍ଲୀ-ନେୱାର୍କ ଓ ନେୱାର୍କ-ଦିଲ୍ଲୀ ବିମାନ ରହିଛି । ଗୁରୁବାର ବି ୬ ବିମାନ ଉଡାଣ ରଦ୍ଦ କରାଯାଇଛି । ସେଥିରେ ଦିଲ୍ଲୀ-ଚିକାଗୋ,ଚିକାଗୋ-ଦିଲ୍ଲୀ, ଦିଲ୍ଲୀ-ସ୍ପେନ ଫ୍ରାନ୍ସିକୋ, ,ସ୍ପେନ ଫ୍ରିନ୍ସିକୋ-ଦିଲ୍ଲୀ, ଦିଲ୍ଲୀ-ନେୱାର୍କ ଓ ନେୱାର୍କ-ଦିଲ୍ଲୀ ଅଛି ।
୫-ଜି ସେବା ଆରମ୍ଭ ହେବା ପରେ ଭୟଭୀତ ହେବାର କାରଣ ହେଉଛି, ବିମାନରେ ଲାଗିଥିବା ରେଡିଓ ଅଲଟିମିଟରକୁ ୫ ଜି ପ୍ରଭାବିତ କରିପାରେ । ଅଲଟିମିଟର ଜରିଆରେ ଭୃପୃଷ୍ଠରୁ ବିମାନ କେତେ ଉଚ୍ଚରେ ରହିଛି ମପାଯାଏ । ଯେଉଁ ବ୍ୟାଣ୍ଡରେ ଅଲଟିମିଟର କାମ କରୁଛି ତାହା ୫ଜି ବ୍ୟାଣ୍ଡ ପାଖାପାଖି ରହିଛି । ୫ ଜି ବିମାନର ଇଞ୍ଜିନ ଓ ବ୍ରେକ ବ୍ୟବସ୍ଥାକୁ ଅଚଳ କରିପାରେ । ବିମାନ ଅବତରଣ ଉପରେ ୫ଜିର ପ୍ରଭାବ ପଡିବ । ଏପରିକି ବିମାନ ରନୱେରେ ଅଟକି ନପାରିବା ଭଳି ସ୍ଥିତି ମଧ୍ୟ ସୃଷ୍ଟି ହୋଇପାରେ । ଜାନୁଆରୀ ୧୪ରେ ଆମେରିକାର ଫେଡେରାଲ ଆଭିଏସନ ଆଡମିନିଷ୍ଟ୍ରେସନ (ଏଫଏଏ) କହିଥିଲା ଯେ, ୫ଜି କାରଣରୁ ବିମାନର ରେଡିଓ ଅଲଟିମିଟର ଉପରେ ପ୍ରଭାବ ପଡି ପାରେ । ଯେଉଁଥିପାଇଁ ଇଞ୍ଜିନ ଓ ବ୍ରେକିଙ୍ଗ ସିଷ୍ଟମ ଜାମ ହୋଇପାରେ ।