ସୀମାରେ ହେଉଥିଲା ଡ୍ରଗ୍ସ ଚାଲାଣ

ଜମ୍ମୁ-କାଶ୍ମୀରରେ ସୁରକ୍ଷାକର୍ମୀଙ୍କୁ ଏକ ବଡ଼ ସଫଳତା ମିଳିଛି । ବର୍ଡର ସିକ୍ୟୁରିଟି ଫୋର୍ସ ଅନ୍ତର୍ଜାତୀୟ ସୀମା ସାମ୍ବା ନିକଟରେ ୩ ଜଣ ପାକିସ୍ତାନୀ ଚୋରାଚାଲାଣକାରୀଙ୍କୁ ନିପାତ କରିଛନ୍ତି । ସେମାନଙ୍କ ନିକଟରୁ ବିପୁଳ ପରିମାଣର ନିଶା ଦ୍ରବ୍ୟ ଜବତ କରାଯାଇଛି । ବିଏସଏଫ ଅନୁସାରେ, ରବିବାର ସକାଳୁ ତଡକେ ବିଏସଏଫ ଯବାନଙ୍କୁ ସାମ୍ବାରେ ଚୋରାଚାଲାଣକାରୀ ମାଦକ ଦ୍ରବ୍ୟ ଚୋରାଚାଲାଣ କରିବା ନେଇ ଖବର ମିଳିଥିଲା। ଏହା ପରେ ଯବାନ ମାନେ ସେମାନଙ୍କ ଅପରେସନ ଆରମ୍ଭ କରିଦେଇଥିଲେ । ଏହା ପରେ ବିଏସଏଫ ୩ ପାକିସ୍ତାନୀ ଚୋରାଚାଲାଣକାରୀଙ୍କୁ ନିପାତ କରିଥିଲେ । ସେମାନଙ୍କ ନିକଟରୁ ୩୬ କେଜି ମାଦକ ଦ୍ରବ୍ୟ ଜବତ କରାଯାଇଛି । ଅନ୍ତର୍ଜାତୀୟ ବଜାରରେ ତାର ମୂଲ୍ୟ ପାଖାପାଖି ୧୮୦ କୋଟି ହେବ । ଏବେ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି ।