ପ୍ରମୁଖ ଖବର

ଫାର୍ମା କମ୍ପାନୀ ଫ୍ୟାକ୍ଟ୍ରି ବିସ୍ଫୋରଣରେ ମୃତ୍ୟୁ ସଂଖ୍ୟା ୩୪କୁ ବୃଦ୍ଧି
ବିଏମସି କମିଶନର ଆକ୍ରମଣ ଘଟଣାରେ ସଫେଇ କର୍ମଚାରୀଙ୍କ କାର୍ଯ୍ୟ ବନ୍ଦ ଆନ୍ଦୋଳନ
ଶରଧାବାଲି ଅଘଟଣ ପରେ ଆଜି ପୁରୀ ଯିବେ ମୁଖ୍ୟମନ୍ତ୍ରୀ
ଶସ୍ତା ହେଲା ଏଲପିଜି ସିଲିଣ୍ଡର
ମୃତ୍ତିକା ସଂରକ୍ଷଣ ବିଭାଗର ଯୁଗ୍ମ ନିର୍ଦ୍ଦେଶକ ଦୟାନିଧି ବାଗ୍‌ ଗିରଫ
ଅନିର୍ଦ୍ଦିଷ୍ଟ କାଳ ପାଇଁ ଛୁଟିରେ ଗଲେ ୮ ଜିଲ୍ଲାର ଓଏସ ଓ ଓଆରଏସ ଅଫିସର
ବାଣ ତିଆରି କାରଖାନାରେ ବିସ୍ଫୋରଣ; ୫ ମୃତ
୨ ଦିନିଆ ଓଡିଶା ଗସ୍ତରେ ଆସିବେ ରାଷ୍ଟ୍ରପତି
ବିଶ୍ୱ ପୋଲିସ ଏବଂ ଅଗ୍ନିଶମ କ୍ରୀଡାରେ ବାଜିମାରିଲେ ଓଡ଼ିଶା ପୋଲିସ କନଷ୍ଟେବଳ

ପୁଣି ଉଠିଲା ମମିତା ମେହେର ପ୍ରସଙ୍ଗ, କଂଗ୍ରେସ ଟାର୍ଗେଟରେ ଗୃହରାଷ୍ଟ୍ର ମନ୍ତ୍ରୀ

0

ପଞ୍ଚାୟତ ନିର୍ବାଚନ ପୂର୍ବରୁ ପୁଣି ଉଠିଲା ମମିତା ମେହେର ପ୍ରସଙ୍ଗ । କଂଗ୍ରେସ ମମିତା ମେହେର ପ୍ରସଙ୍ଗ ଉଠାଇ ଗୃହରାଷ୍ଟ୍ର ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ଟାର୍ଗେଟ କରିଛି । ମମିତା ହତ୍ୟା ପ୍ରସଙ୍ଗରେ ମନ୍ତ୍ରୀ ସାମିଲ ଥିବା ଅଭିଯୋଗ ଆଣିଛନ୍ତି ବିରୋଧୀ । ରାୟପୁର ଏୟାରପୋର୍ଟରେ ଦିବ୍ୟଶଙ୍କର ମିଶ୍ର ଥିବା ଏକ ଭିଡିଓ ଜାରି କରିଛି କଂଗ୍ରେସ । ମନ୍ତ୍ରୀ ପୂର୍ବରୁ ରାୟପୁର ଯିବା ନେଇ ମନା କରୁଥିଲେ । ହେଲେ ଅକ୍ଟୋବର ୧୫ରେ ମନ୍ତ୍ରୀ ରାୟପୁର ଯାଇଥିବା ଦଳ ଦାବି କରିଛି ।

ଅକ୍ଟୋବର ୧୫ରେ ମନ୍ତ୍ରୀ ଦିବ୍ୟଶଙ୍କର ମିଶ୍ର ରାୟପୁର ଯିବା ସହ ଚଣ୍ଡିଗଡ ଯାଇ ୧୮ ତାରିଖରେ ରାୟପୁର ଦେଇ ଓଡିଶା ଫେରିଛନ୍ତି ବୋଲି କହିଛି କଂଗ୍ରେସ । ଏହି ସମୟରେ ମମିତା ହତ୍ୟାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ସେ ଦେଖାକରିଥିବା କଂଗ୍ରେସ ଦାବି କରିଛି । ଭିଡିଓ ସହିତ ଏ ସମ୍ପର୍କିତ କିଛି କାଗଜପତ୍ର ମଧ୍ୟ ଜାରି କରିଛି ଦଳ । ଏହା ପରେ ୧୯ ତାରିଖରେ ଗୋବିନ୍ଦ ସାହୁ ଗିରଫ ହୋଇଥିଲା । । ଏନେଇ କଂଗ୍ରେସ ୪ଟି ପ୍ରଶ୍ନ କରିଛି । ଅକ୍ଟୋବର ୧୯ରେ ଆଖୁ କିଆରୀରୁ ଗୋବିନ୍ଦ ସାହୁ ଧରାପଡିବା ଘଟଣା ଏକ ସଂଯୋଗ ନା ପ୍ରୟୋଗ ବୋଲି ପ୍ରଶ୍ନ କରିବା ସହ ମନ୍ତ୍ରୀ ଦିବ୍ୟଶଙ୍କରଙ୍କଠୁ ଜବାବ ଚାହୁଁଛି କଂଗ୍ରେସ । ଓଡିଶା ପୁଲିସ ନିରପେକ୍ଷ ଭାବେ ଦାବି କରୁ ବୋଲି କଂଗ୍ରେସ ଦାବି କରିଛି ।

ଅକ୍ଟୋବର ୮ରେ ମମିତା ମେହେରଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ପୁଲିସ ଶୁକ୍ରବାର ଦିନ ଚାର୍ଜସିଟ ଦାଖଲ କରିଛି । ଗତ କିଛି ଦିନ ତଳେ ମମିତା ମେହେର ହତ୍ୟାକାଣ୍ଡକୁ ୪ ମାସ ବିତିଯାଇଥିଲେ ମଧ୍ୟ କୌଣସି କାଯ୍ୟାନୁଷ୍ଠାନ ରାଜ୍ୟ ସରକାର ନେଇନଥିବା ଅଭିଯୋଗରେ ବିଜେପି ରାଲି କରିଥିଲା । ରାଜମହଲ ଛକରେ ବିଜେପି କର୍ମୀ ଓ ପୁଲିସ ଧସ୍ତାଧସ୍ତି ହୋଇଥିଲେ ।

Leave A Reply

Your email address will not be published.