ଖୁବ ଶୀଘ୍ର ୧୨ରୁ ୧୮ ବର୍ଷ ବୟସ୍କ ପିଲାଙ୍କୁ କରାଯାଇପାରେ ଟିକାକରଣ । ଭାରତକୁ ମିଳିବାକୁ ଯାଉଛି ଆଉ ଏକ କରୋନା ଭ୍ୟାକସିନ । କୋର୍ବେଭାକ୍ସ ଟିକାକୁ ଜରୁରୀକାଳୀନ ବ୍ୟବହାର ପାଇଁ ବିଶେଷଜ୍ଞ କମିଟିର ସୁପାରିଶ । ଆସନ୍ତା କିଛି ସପ୍ତାହ ମଧ୍ୟରେ ଡିସିଜିଆଇ ଏହାର ଜରୁରୀକାଳୀନ ବ୍ୟବହାର ପାଇଁ ଅନୁମତି ପ୍ରଦାନ କରିପାରେ ।
ବାୟୋଲୋଜିକାଲ ଇ ଦ୍ୱାରା ପ୍ରସ୍ତୁତ ୫ କୋଟି କୋର୍ବେଭାକ୍ସ ଟିକାର ଅର୍ଡର ଦେଇଛନ୍ତି କେନ୍ଦ୍ର ସରକାର । ଆଜି କେନ୍ଦ୍ର ସରକାର କୋର୍ବେଭାକ୍ସର ୩ କୋଟି ଡୋଜ ଗ୍ରହଣ କରିବେ । ଡିସିଜିଆଇ କୋର୍ବେଭାକ୍ସ ଟିକା ୧୨ରୁ୧୮ ବର୍ଷ ପିଲାଙ୍କୁ ଦେବାକୁ ସୁପାରିଶ କରିଛି । ଏହି ଟିକାର ଦୁଇଟି ଡୋଜ ରହିଥିବା ବେଳେ ପ୍ରଥମ ଟିକା ଦେବାର ୨୮ ଦିନର ବ୍ୟବଧାନରେ ଦ୍ୱିତୀୟ ଟିକା ଦିଆଯିବ । ସରକାରୀ ସୂତ୍ର ଅନୁଯାୟୀ, କୋର୍ବେଭାକ୍ସ ମୂଲ୍ୟ ପ୍ରାୟ ୧୪୫ ଟଙ୍କା ରହିଛି ।
ଜୁନ ୨୦୨୧ରେ ଭାରତ ୧୫ ଶହ କୋଟି ଟଙ୍କାର ଟିକା ପାଇଁ ଅର୍ଡର କରିଥିଲେ ।ଏହି ଟିକା ଫେବୃଆରୀ ସୁଦ୍ଧା ଆସିବ ବୋଲି ସୂଚନା ରହିଛି । ଗତ ବର୍ଷ ଡିସେମ୍ବରରେ ଡିସିଜିଆଇ କୋର୍ବେଭାକ୍ସର ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ଦେଇଥିଲା । ଏହା ପୂର୍ବରୁ ୧୮ ବର୍ଷରୁ କମ ବୟସର ପିଲାଙ୍କ ପାଇଁ କୋଭାକ୍ସିନକୁ ଜରୁରୀକାଳୀନ ମଞ୍ଜୁରୀ ମିଳିସାରିଛି । ଏବେ ୧୫ ବୟସରୁ ଅଧିକପିଲାଙ୍କୁ ଟିକା ଦିଆଯାଉଛି ।