ୠଷ ଓ ୟୁକ୍ରେନ ମଧ୍ୟରେ ବିବାଦ ବଢିବାରେ ଲାଗିଛି । ଗୋଟେ ପଟେ କୌଣସି ଆକ୍ରମଣ ହେବ ନାହିଁ ବୋଲି ଦାବି କରାଯାଉଛି, କିନ୍ତୁ ସ୍ଥିତି ଏହାର ଓଲଟା ଦେଖିବାକୁ ମିଳିଛି । ।ଶୁକ୍ରବାର ପୂର୍ବ ୟୁକ୍ରେନରେ ଏକ ଗାଡିରେ ଜୋରଦାର ବିସ୍ପୋରଣ ହୋଇଛି । ଏହି ଘଟଣା ପୂର୍ବ ୟୁକ୍ରେନର ଡୋନେଷ୍ଟକ ସହରରେ ହେଇଛି,ଯେଉଁଠି ଋଷ ସମର୍ଥିତ ବିଚ୍ଛିନ୍ନତାବାଦୀମାନେ କବଜା କରି ରହିଛନ୍ତି । ବିସ୍ଫୋରଣ ହୋଇଥିବା ଗାଡି ଆଞ୍ଚଳିକ ସୁରକ୍ଷା ଅଧିକାରୀ ଡେନିସ ସିନେକୋଭଙ୍କର ବୋଲି କୁହାଯାଉଛି । ଏହା ସହିତ ପୂର୍ବ ୟୁକ୍ରେନରେ ଗ୍ୟାସ ପାଇପଲାଇନରେ ମଧ୍ୟ କିଛି ଦୁର୍ବୃତ୍ତ ନିଆଁ ଲଗାଇଦେଇଛନ୍ତି ।
ଏବେ ଋଷର ଆକ୍ରମଣ ନେଇ ଅଧିକ ସୂଚନା ମିଳିପାରିନାହିଁ । କିନ୍ତୁ ଆମେରିକା ବାରମ୍ବାର ଦାବି କରୁଛି ଯେ, ଋଷ ଫ୍ଲସ ଫ୍ଲାଗ ଅଭିଯାନରେ ୟୁକ୍ରେନ ଉପରେ ଆକ୍ରମଣ କରିବ । ଫ୍ଲସ ଫ୍ଲାଗ ଅଭିଯାନର ଅର୍ଥ ହେଉଛି, ଏକ ଦେଶ ନିଜ ଅ ଳ ଉପରେ ଆକ୍ରମଣ କରି ଏଥିପାଇଁ ଅନ୍ୟ ଦେଶକୁ ଦାୟୀ କରେ । ତା ପରେ ସେହି ଆକ୍ରମଣ ଆଧାରରେ ପ୍ରତିଶୋଧ ନିଏ । ଶୁକ୍ରବାର ଘଟିଥିବା କାର ବୋମା ବିସ୍ଫୋରଣ ପାଇଁ ଋଷ ୟୁକ୍ରେନକୁ ଦାୟୀ କରିଛି । ସେହିପରି ଯେଉଁ ଅ ଳରେ ବିଚ୍ଚିନ୍ନତାବାଦୀ କବଜା କରି ରହିଛନ୍ତି,ସେହି ଅ ଳରୁ ଶିଶୁ ଓ ମହିଳା ମାନେ ପଳାୟନ ଆରମ୍ଭ କରିଦେଲେଣି । ତେବେ ୟୁକ୍ରେନ,ଋଷର ସମସ୍ତ ଦାବିକୁ ପ୍ରତ୍ୟାଖାନ କରିବା ସହ ଋଷ ଉପରେ ଅଭିଯୋଗ କରିଛି । ଏବେ ପାଇଁ ସ୍ଥିତି ଗୁରୁତ୍ୱପୂର୍ଣ୍ଣ ରହିଛି ।
କାରଣ ଆମେରିକା ରାଷ୍ଟ୍ରପତି ସ୍ପଷ୍ଟ କରିଦେଇଛନ୍ତି ଯେ, ଋଷ କୌଣସି ବି ମୁହୂର୍ତ୍ତରେ ୟୁକ୍ରେନ ଉପରେ ଆକ୍ରମଣ କରିପାରେ । ବାଇଡେନ କହିଛନ୍ତି ଯେ, ଆମେରିକାକୁ ଏଭଳି ସୂଚନା ମିଳିଛି ଯେ, ପୁଟିନ ୟୁକ୍ରେନ ଉପରେ ଆକ୍ରମଣ କରିବା ପାଇଁ ସ୍ଥିର କରିଦେଇଛନ୍ତି । ସେ ୟୁକ୍ରେନର ରାଜଧାନୀ ଉପରେ ଆକ୍ରମଣ କରିପାରନ୍ତି ।