୩ ମହଲା କୋଠାରେ ଭୟଙ୍କର ବିସ୍ଫୋରଣ, ୮ ମୃତ

ବିହାର ଭାଗଲପୁରରେ ବଡ଼ ଅଘଟଣ ଘଟିଛି । ତିନି ମହଲା କୋଠାରେ ବିସ୍ପୋରଣ ହେବା ଫଳରେ ୮ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଦୁଇ ମହିଳା ଅଛନ୍ତି । ୮ ଜଣ ଗୁରୁତର ଥିବା ମଧ୍ୟ ଜଣାପଡିଛି । ତେବେ ବିସ୍ଫୋରଣ ହେଉଥିବା କୋଠାରେ ବୋମା ତିଆରି ହେଉଥିବା ପଡୋଶୀ କହିଛନ୍ତି । ଭାଗଲପୁର ଜିଲ୍ଲା ତାତାରପୁର ପୁଲିସ ଥାନା ଅଞ୍ଚଳରେ ଏହି ବିସ୍ପୋରଣ ଘଟିଛି । ବିସ୍ଫୋରଣ ଫଳରେ ୨ଟି ୩ଟି ଘର କ୍ଷତିଗ୍ରସ୍ତ ହୋଇଛି । ଯେଉଁ ବିଲ୍ଡିଂରେ ବିସ୍ଫୋରଣ ହୋଇଛି ତାହା କୋତବାଲିଠୁ କେବଳ ୧୦୦ ମିଟର ଦୂରରେ ରହିଛି । ବିସ୍ଫୋରଣ ପରେ ୩ ମହଲା କୋଠା ଭୁଶୁଡିପଡିଛି । ଭାଗଲପୁର ଡିଆଇଜି ସୁଜିତ କୁମାରଙ୍କ କହିବା ଅନୁସାରେ, ପ୍ରାଥମିକ ତଦନ୍ତରୁ ବାରୁଦ, ବେଆଇନ ପଟାଖା, ଓ ଦେଶୀ ବମରୁ ବିସ୍ଫେରଣ ହୋଇଥିବା ଜଣାପଡିଛିା ଏଫଏସଏଲ ଟିମର ଯାଞ୍ଚ ପରେ ବିସ୍ଫାରଣ କାରଣ ଜଣାପଡିବ । ଭୁଶୁଡିପଡିଥିବା ଘରୁ ଲୋକଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଏବେ ବି ସେଠାରେ ଉଦ୍ଧାର କାମ ଚାଲିଛି ।