ପାଉଁରୁଟି ଫ୍ୟାକ୍ଟ୍ରିରେ କାମ କରିବା ସମୟରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ ପୋଡି ହୋଇ ଗୋଟିଏ ପରିବାର ୨ ଜଣ ସ୍ୱାମୀ ଓ ସ୍ତ୍ରୀଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ଗୁରୁତର ହୋଇଛନ୍ତି । କଲ୍ୟାଣସିଂହପୁର ଶିଖରପାଇରେ ଏଭଳି ଅଭାବନୀୟ ଘଟଣା ଘଟିଛି । ଖବର ଅନୁସାରେ, କଲ୍ୟାଣସିଂହପୁର ଶିଖରପାଇ ଗାଁର ଦୟାନିଧି ବେହେରାଙ୍କ ପାଉରୁଟି ଫ୍ୟାକ୍ଟ୍ରି ରହିଛି ।
ଗତକାଲି ସନ୍ଧ୍ୟା ବେଳେ ହଠାତ କିଭଳି ଫ୍ୟାକ୍ଟ୍ରିରେ ନିଆଁ ଲାଗିଯାଇଥିଲା । ଦୟାନିଧି, ତାଙ୍କ ପତ୍ନୀ ,ବଡ଼ ପୁଅ ଓ ବୋହୂ ଥିଲେ । ପାଖ ପଡୋଶୀ କବାଟ ଭାଙ୍ଗି ସମସ୍ତଙ୍କୁ ଉଦ୍ଧାର କରି ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଏହାପରେ ଦୟାନିଧି ଓ ତାଙ୍କ ପତ୍ନୀ ଲକ୍ଷ୍ମୀ ବେହେରାଙ୍କୂ ବ୍ରହ୍ମପୁର ଏମକେସିଜି ମେଡିକାଲ ସ୍ଥାନାନ୍ତର ବେଳେ ଉଭୟ୍ଙ୍କ ମୃତ୍ୟୁ ହୋଇଛି । ଆଉ ୩ ଗୁରୁତରଙ୍କୁ ବ୍ରହ୍ମୁପୁରରୁ ଭୁବନେଶ୍ୱର ଓ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଛି । ତେବେ କେଉଁ କାରଣରୁ ନିଆଁ ଲାଗିଲା ତାହା ଜଣାପଡିନଥିବା ବେଳେ ପୁଲିସ ତଦନ୍ତ ଆରମ୍ଭ କରିଛି ।