ଭୁବନେଶ୍ବର: ରାଜଧାନୀରେ ପେଟ୍ରୋଲ ପମ୍ପରେ ଗୁଳିମାଡ଼ । ଭୁବନେଶ୍ୱର ଲକ୍ଷ୍ମୀସାଗରରେ ଥିବା ପେଟ୍ରୋଲ ପମ୍ପରେ ଗୁଳିମାଡ଼ ହୋଇଛି । ଗୁଳିମାଡ଼ରେ ଜଣେ ଯୁବକ ଗୁରୁତର ହୋଇଛନ୍ତି । ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁସାରେ ଆଜି ଭାରତ ବନ୍ଦ ଥିବାରୁ ପେଟ୍ରୋଲ ପମ୍ପରେ ଗହଳି ଦେଖିବାକୁ ମିଳିଥିଲା । ରବିବାର ରାତିରେ ଲକ୍ଷ୍ମୀସାଗର ପେଟ୍ରୋଲ ପମ୍ପରେ ତେଲ ପକାଇବାକୁ ଲମ୍ବା ଲାଇନ ଲାଗିଥିଲା । ହେଲେ ୨ ଜଣ ଯୁବକ ଏକ କାରରେ ଆସି ତାଙ୍କ ଗାଡିରେ ଆଗରେ ତେଲ ପକାଇବାକୁ କହିଥିଲେ । ଏହାକୁ ନେଇ ଅନ୍ୟ ଜଣେ ଯୁବକ ଓ ପେଟ୍ରୋଲ ପମ୍ପ କର୍ମଚାରୀଙ୍କ ସହ ସେମାନଙ୍କ ଯୁକ୍ତିତର୍କ ହୋଇଥିଲା । ପେଟ୍ରୋଲ ପମ୍ପ କର୍ମଚାରୀ ସେମାନଙ୍କ ଗାଡିରେ ତେଲ ପକାଇଦେଇଥିଲେ ମଧ୍ୟ ସେମାନେ ଶାନ୍ତ ପଡିନଥିଲେ । ସେମାନଙ୍କର କିଛି ସହଯୋଗୀଙ୍କୁ ପେଟ୍ରୋଲ ପମ୍ପ ନିକଟକୁ ଡକାଇଥିଲେ । ଶେଷରେ କାରରୁ ବାହାରି ଜଣେ ଯୁବକ ଗୁଳିମାଡ କରିଥିଲେ । ଗୁଳିଟି ନୂଆପଲ୍ଲୀ ଅଂଚଳର ବିଶ୍ୱଜିତ ବେହେରାଙ୍କ ଗୋଡରେ ବାଜିଥିଲା । ଗୁଳିମାଡ ପରେ ଦୁର୍ବୃତ୍ତମାନେ ଫେରାର ଥିବା ବେଳେ ଲକ୍ଷ୍ମୀସାଗର ଓ ବରଗଡ଼ ଥାନା ପୁଲିସ ସେମାନଙ୍କୁ ଧରିବାକୁ ଉଦ୍ୟମ ଚଳାଇଛନ୍ତି ।
ପ୍ରମୁଖ ଖବର
ସବସିଡି ଦରରେ ଚାଉଳ ଗହମ ଚିନି ପାଇବେ ମଧ୍ୟବିତ୍ତ: ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର
କୁନିକୁନି ପିଲାଙ୍କୁ ଖଡ଼ି ଛୁଆଁଇ ବ୍ରହ୍ମାବିଷ୍ଣୁ ଲେଖାଇଲେ ମୁଖ୍ୟମନ୍ତ୍ରୀ
ପୁଣି ଏକ ଟ୍ରେନ୍ ଦୁର୍ଘଟଣା: ନାନ୍ଦେଡ-ସମ୍ବଲପୁର ଏକ୍ସପ୍ରେସ୍ ଲାଇନଚ୍ୟୁତ