ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଆଜିଠୁ ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଋଷ ବୈଦେଶିକ ମନ୍ତ୍ରୀ ସର୍ଗି ଲାଭ୍ରୋଭ । ୟୁକ୍ରେନରେ ଯୁଦ୍ଧ ଆରମ୍ଭ ହେବା ପରେ ଋଷର ଭାରତ ସହ ପ୍ରଥମ ଉଚ୍ଚସ୍ତରୀୟ ବୈଠକ ହେବାକୁ ଯାଉଛି ।ଆଜି ଓ ଆସନ୍ତାକାଲି ଦୁଇ ଦିନ ଭାରତରେ ରହିବେ ସର୍ଗି ଲାଭ୍ରୋଭ । ଚୀନ ଗସ୍ତ ପରେ ସେ ଆଜି ଭାରତରେ ପହଞ୍ଚିବେ । ଯୁଦ୍ଧ ସ୍ଥିତି ସମ୍ପର୍କରେ ଆଲୋଚନା ହେବାର ସମ୍ଭାବନା ରହିଛି ।
ଋଷ-ୟୁକ୍ରେନ ଯୁଦ୍ଧକୁ ନେଇ ଜାତିସଂଘରେ ହୋଇଥିବା ଭୋଟିଂରୁ ଦୂରେଇ ରହିଛି ଭାରତ । ଭାରତ ସମଦୂରତା ନୀତି ଅବଲମ୍ବନ କରିଛି ।ଯୁ୍ଦ୍ଧ ପ୍ରସଙ୍ଗକୁ ନେଇ ସାରା ବିଶ୍ୱର ନଜର ଋଷ ଉପରେ ଥିବା ବେଳେ ଋଷ ବୈଦେଶିକ ମନ୍ତ୍ରୀଙ୍କ ଭାରତ ଗସ୍ତ ବେଶ ଗୁରୁତ୍ୱପୂର୍ଣ୍ଣ ବହନ କରୁଛି । ଋଷ ବୈଦେଶିକ ମନ୍ତ୍ରୀଙ୍କ ସହିତ ଡେପୁଟି ଜାତୀୟ ସୁରକ୍ଷା ପରାମର୍ଶଦାତା ଡାଲିପ ସିଂ ଓ ବୈଦେଶିକ ସଚିବ ଲିଜ ଟ୍ରସ ମଧ୍ୟ ଭାରତ ଆସୁଛନ୍ତି । ସେହିପରି ଆମେରିକାର ଉପଜାତୀୟ ସୁରକ୍ଷା ଉପଦେଷ୍ଟା ଭାରତ ଗସ୍ତରେ ଅଛନ୍ତି । ଏହା ସହ ବ୍ରିଟେନ ବିଦେଶ ସଚିବ ମଧ୍ୟ ଭାରତ ଗସ୍ତରେ ଆସୁଛନ୍ତି ।