ହାତ ଗୋଡ଼ ବାନ୍ଧି ଲୁଟ । ହାତ ଗୋଡ ବାନ୍ଧି ୨୫ ଭରି ସୁନା ଅଳଙ୍କାର ସମେତ ୩୦ ହଜାର ଟଙ୍କା ଓ ୪ଟି ମୋବାଇଲ ଫୋନ ଲୁଟିନେଲେ ଦୁର୍ବୃତ୍ତ । ରାୟଗଡ଼ା ସହରର ସାଇପ୍ରିୟା ନଗରରେ ଏଭଳି ବଡ଼ ଧରଣର ଲୁଟ ହୋଇଛି । ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବା ବେଳେ ସ୍ଥାନୀୟ ଅଂଚଳରେ ଭୟର ବାତାବରଣ ଖେଳିଯାଇଛି ।
ସୂଚନା ଅନୁସାରେ ସାଇପ୍ରିୟା ନଗରର ଏମ ଭେଙ୍କେଟ ରାବନାଙ୍କ ଘରେ ଝରକା ବାନ୍ଧି ପଶିଥିଲେ ଦୁର୍ବୃତ୍ତ । ପାଖାପାଖି ୧୦ ଜଣ ଦୁର୍ବୃତ୍ତ ଲୁଟ ପାଇଁ ଘରେ ପଶିଥିଲେ। ୮ ଜଣ ଘର ଭିତରେ ଥିବା ବେଳେ ଅନ୍ୟମାନେ ବାହାରେ ଜଗିଥିଲେ । ଘରେ ପଶିଥିବା ଦୁର୍ବୃତ୍ତମାନେ ମାରଣାସ୍ତ୍ର ଦେଖାଇ ପରିବାର ସଦସ୍ୟଙ୍କ ହାତ ଗୋଡ଼ ବାନ୍ଧିଦେଇଥିଲେ । ଏହା ପରେ ସୁନା ଅଳଙ୍କାର ଓ ଟଙ୍କା ଲୁଟ କରି ସେଠାରୁ ଛୁ ମାରିଥିଲେ । ଏହି ଘଟଣା ପରେ ସ୍ଥାନୀୟ ଅଂଚଳରେ ଲୋକ ଆତଙ୍କିତ ହୋଇପଡିଛନ୍ତି । ଘରେ ବି ରହିବାକୁ ସୁରକ୍ଷିତ ମନେ କରୁନାହାନ୍ତି । ତେବେ ଦୁର୍ବୃତ୍ତ ଙ୍କୁ ଧରିବାକୁ ପୁଲିସ ପକ୍ଷରୁ ଧରପଗଡ଼ ଆରମ୍ଭ ହୋଇଛି ।