ମହଙ୍ଗା ମାଡ଼ରୁ ଲେମ୍ବୁ ବି ବର୍ତ୍ତି ନାହିଁ । ଦିଲ୍ଲୀରେ ଗୋଟିଏ ଲେମ୍ବୁର ଦାମ ୧୦ ଟଙ୍କା ହୋଇଯାଇଛି । ଗୁଜୁରାଟ ରାଜକୋଟରେ ଲେମ୍ବୁ ଦାମ ୨୦୦ ଟଙ୍କା ପ୍ରତି କିଲୋ ହୋଇଯାଇଛି । ଗୁଜୁରାଟରେ କିଛି ଦିନ ପୂର୍ବରୁ ଲେମ୍ବୁ କିଲୋ ୫୦ କି ୬୦ ଟଙ୍କାରେ ବିକ୍ରି ହେଉଥିଲା । ସେହିପରି ଦିଲ୍ଲୀରେ ସପ୍ତାହେ ପୂର୍ବରୁ ୧୦ ଟଙ୍କାରେ ୩ଟି ଲେମ୍ବୁ ମିଳୁଥିଲା । ଗୁଜୁରାଟ ଦୁଇ ସପ୍ତାହ ପୂର୍ବରୁ ଲେମ୍ବୁ କିଲୋ ୮୦ ଟଙ୍କାର ବଢିକି ୨୦୦ ଟଙ୍କା ହୋଇଯାଇଥିଲା । ସେହିପରି ଲଙ୍କା,ଅଦା ,ରସୁଣ,ଫୁଲକୋବିର ଦାମ ମଧ୍ୟ ବଢିଯାଇଥିଲା । ଫେବୃଆରୀରେ ଧନିଆର କିଲୋ ବି ୬୦ ଟଙ୍କା ଥିଲା । ଯାହା ୧୦୦ ଟଙ୍କାକୁ ବୃଦ୍ଧି ପାଇଥିଲା ।ଏହା ସହ ଲଙ୍କା କିଲୋ ବି ୬୦ ଟଙ୍କାରୁ ବଢି ୧୬୦ ଟଙ୍କା ହୋଇଯାଇଥିଲା । ସେହିପରି ଫୁଲକୋବିର ଦାମ ୪୦ ଟଙ୍କାରୁ ବଢି ୮୦ ଟଙ୍କା ହୋଇଯାଇଥିଲା । କୃଷି
ବିଶେଷଜ୍ଞ ଅନୁସାରେ,ଏମିତିରେ ଗରମରେ ଲେମ୍ବୁର ଦାମ ବଢିଥାଏ । କିନ୍ତୁ ଏତେ ମହଙ୍ଗା ହେବାର ସବୁଠୁ ବଡ଼ କାରଣ ହେଉଛି ପାଣିପାଗ । ଅଦିନିଆ ବର୍ଷା ଓ ପାଣିପାଗ ପରିବର୍ତ୍ତନ ଯୋଗୁଁ ଲେମ୍ବୁ ଫସଲ ପ୍ରଭାବିତ ହୋଇଛି । ଯେଉଁଥିପାଇଁ ଭଲ ଉତ୍ପାଦନ ହୋଇପାରିନାହିଁ । ଗତ ବର୍ଷ ମାର୍ଚ୍ଚ ତୁଳନାରେ ଚଳିତ ବର୍ଷ ଲେମ୍ବୁର ବଜାର ମୂଲ୍ୟ ଦୁଇ ଗୁଣା ଅଧିକ ଥିବାରୁ କେବଳ ଖାଉଟି ନୁହଁନ୍ତି ବେପାରୀଙ୍କ ଉପରେ ମଧ୍ୟ ଏହା ପ୍ରଭାବ ପକାଇଛି ।