ଜେଲରେ ବନ୍ଦୀ ଥିବା ବାବା ଆଶାରାମଙ୍କ ଉତ୍ତରପ୍ରଦେଶ ଗୋଣ୍ଡା ସ୍ଥିତ ଆଶ୍ରମକୁ ଜଣେ ନାବାଳିକାର ମୃତଦେହ ମିଳିଛି ।ନାବାଳିକାର ବୟସ ୧୩ରୁ ୧୪ ବର୍ଷ ହେବ ବୋଲି କୁହାଯାଉଛି । ଘଟଣା ସ୍ଥଳରେ ପୁଲିସ ପହଞ୍ଚି ମୃତହେଦକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ପଠାଇଛି ।
ମିଳିଥିବ ସୂଚନା ଅନୁସାରେ, ଏହି ମାମଲା କୋଟୱାଲୀ ଅଂଚଳ ଅନ୍ତର୍ଗତ ଭିମାଉରର । ଏଠାରେ ଆଶାରାମଙ୍କ ଆଶ୍ରମ ଅଛି । ନାବାଳିକାଟି ଏପ୍ରିଲ ୫ରୁ ନିଖୋଜ ଥିଲା। କୌଣସି ପତ୍ତା ମିଳୁନଥିବା ବେଳେ ଆଜି ଏଠାରେ ରହିଥିବା ଏକ କାର ଭିତରୁ ନାବାଳିକା ର ମୃତଦେହ ଉଦ୍ଧାର କରାଯାଇଛି । କାର ଭିତରୁ ଦୁର୍ଗନ୍ଧ ବାହାରୁଥିବା ଦେଖି ଆଶ୍ରମ କର୍ମଚାରୀ ଗାଡି ଖୋଲି ଦେଖିଥିଲେ । ଏହା ପରେ ଗାଡି ଭିତରେ ନାବାଳିକାର ମୃତଦେହ ଦେଖି ପୁଲିସକୁ ଖବର ଦେଇଥିଲେ । ମୃତଦେହ ଉଦ୍ଧାର ପରେ କାରକୁ ସିଜ୍ କରାଯିବା ସହ ଆଶ୍ରମକୁ ସିଲ୍ କରିଦିଆଯାଇଛି ।
୨୦୧୩ରେ ଆଶ୍ରମରେ ଏକ ନାବାଳିକାକୁ ଦୁଷ୍କର୍ମ ଅଭିଯୋଗରେ ବାବା ଆଶାରାମ କୋର୍ଟରେ ଦୋଷୀ ସାବ୍ୟସ୍ତ ହୋଇଥିଲେ । ନାବାଳିକାର ଅଭିଯୋଗ ଥିଲା ଯେ, ଆଶରାମ ତାକୁ ଯୋଧପୁର ପାଖରେ ଥିବା ମଣାଇ ଅଂଚଳର ଆଶ୍ରମକୁ ଡାକିଥିଲେ । ଏବଂ ୨୦୧୩ ,ଅଗ୍ଷ୍ଟ ୧୫ ତାରିଖ ରାତିରେ ନାବାଳିକାକୁ ଦୁଷ୍କର୍ମ କରିଥିଲେ । ୨୦୧୩ରୁ ହିଁ ଯୋଧପୁର ସେଣ୍ଟ୍ରାଲ ଜେଲରେ ଆଶାରାମ ବାପୁ ଅଛନ୍ତି । ୨୦୧୮ରେ ତାଙ୍କୁ ଆଜୀବନ କାରାଦଣ୍ଡ ଶୁଣାଇଥିଲେ କୋର୍ଟ ।