ସମ୍ବଲପୁର: ରେଳ ଧାରଣାରୁ ମିଳିଲା ପ୍ରେମୀ ଯୁଗଳଙ୍କ ମୃତଦେହ। ସମ୍ବଲପୁର ବୁର୍ଲା କଟାପାଲି ନିକଟସ୍ଥ ରେଳବାଇ ଓଭରବ୍ରିଜ ତଳେ ଜଣେ ଯୁବକ ଓ ଯୁବତୀଙ୍କ ମୃତଦେହ ପଡିଥିବା ଆଜି ଦେଖିବାକୁ ମିଳିଥିଲା। ଉଭୟ ପ୍ରେମୀ ଯୁଗଳ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ପ୍ରେମୀ ଯୁଗଳଙ୍କ ମୃତଦେହର ପରିଚୟ ମିଳିପାରିନାହିଁ।ତେବେ ମୃତଦେହ ନିକଟରେ ଗୋଟିଏ ହେଲମେଟ ଓ ବାଇକ ରଖାଯାଇଥିବା ଦେଖିବାକୁ ମିଳିଥିଲା। ଜିଆରପି ତଦନ୍ତ ଆରମ୍ଭ କରିଛି।
ଆଜି ସକାଳୁ ସ୍ଥାନୀୟ ଲୋକମାନେ ରେଳଧାରଣା କଡରେ ଦୁଇ ମୃତଦେହ ପଡିଥିବା ଦେଖିବାକୁ ପାଇଥିଲେ। ଏହା ପରେ ଜିଆରପି ପୁଲିସକୁ ଖବର ପଠାଇଥିଲେ। ତେବେ ଉଭୟ ପ୍ରେମୀ ଯୁଗଳ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ କିଏ ଓ କାହିିଁକି ଆତ୍ମହତ୍ୟା କଲେ ଜଣାପଡିନାହିଁ।