ଭୁବନେଶ୍ୱର ଲିଙ୍ଗିପୁରରୁ ଏଟିଏମ ତାଡି ନେଇ ଲୁଟ ମାମଲାରେ କମିଶନରେଟ ପୁଲିସକୁ ସଫଳତା । ଏଟିଏମ ଲୁଟ୍ରେ ସମ୍ପୃକ୍ତ ୨ ଜଣଙ୍କୁ ଗିରଫ କରିଛି ପୁଲିସ । ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ସ୍ୱାମ୍ବାଦିକ ସମ୍ମିଳନୀ କରି ଏନେଇ ସୂଚନା ଦେଇଛନ୍ତି । ମିଶନ ଇମ୍ପୋସିବୁଲ ଜରିଆରେ ଅଭିଯୁକ୍ତଙ୍କୁ ଧରାଯାଇଥିବା ସିପି କହିଛନ୍ତି । ବାଙ୍ଗାଲୋରରୁ ଅପରାଧୀଙ୍କୁ ଧରିବାରେ ସଫଳ ହୋଇଛି ପୁଲିସ । ଅନ୍ୟ ୪ ଜଣ ଅଭିଯୁକ୍ତଙ୍କୁ ଧରିବାରେ ପୁଲିସ ପ୍ରୟାସ ଚଳାଇଛି । ଏଟିଏମ୍ ତାଡିବା ପରେ ଚୋରା ଟାଟା ଏସିଇ ଗାଡି ବ୍ୟବହୃତ କରାଯାଇଛି ।
ବାଙ୍ଗାଲୋରରେ ଅପରାଧ ଘଟାଇବା ଯୋଜନାରେ ଥିଲେ ଅଭିଯୁକ୍ତ । ଅଭିଯୁକ୍ତଙ୍କୁ ରିମାଣ୍ଡରେ ଆଣି ପୁଲିସ ଅଧିକ ତଦନ୍ତ କରିବ ବୋଲି ପୁଲିସ କମିଶନର କହିଛନ୍ତି । ବାହାରୁ ଆସି ଏହି ଗ୍ୟାଙ୍ଗ ସଦସ୍ୟ ପ୍ରଥମେ ରେକି କରିଥାନ୍ତି । ଏଟିଏମ ଲୁଟ ପରେ ବାଂଲାଦେଶକୁ ଫେରି ଯାଇଥାନ୍ତି ଅଭିଯୁକ୍ତ । ଲୁଟେରା ଗ୍ୟାଙ୍ଗ ସଦସ୍ୟ ନିଜ ନିଜ ସହ ବେଶି ସଂଶ୍ଲିଷ୍ଟ ହୁଅନ୍ତିନି । ଏଟିଏମ ତାଡିବାରେ ଏହି ଗ୍ୟାଙ୍ଗର ସଦସ୍ୟ ଏକ୍ସପର୍ଟ ଥାନ୍ତି ବୋଲି ସାମ୍ବାଦିକ ସମ୍ମିଳନୀରେ କହିଛନ୍ତି ପୁଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।