ନୂଆଦିଲ୍ଲୀ: ଭାରତ ଆସିବେ ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ। ୟୁକ୍ରେନ ଓ ଋଷ ମଧ୍ୟରେ ଯୁଦ୍ଧ ଚାଲିଥିବା ବେଳେ ଏବେ ବ୍ରିଟେନ ପ୍ରଧାନମନ୍ତ୍ରୀଙ୍କ ଦୁଇ ଦିନିଆ ଭାରତ ଗସ୍ତ ବେଶ ଗୁରୁତ୍ୱ ରଖୁଛି। ଆସନ୍ତା ୨୧ ତାରିଖରେ ଗୁଜୁରାଟ ଯିବେ ବୋରିସ ଜନସନ। ୨୨ ତାରିଖରେ ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଦ୍ୱିପାକ୍ଷିକ ଆଲୋଚନା ହେବ। ଅର୍ଥନୈତିକ,ସୁରକ୍ଷା ଓ ପ୍ରତିରକ୍ଷା କ୍ଷେତ୍ରରେ ଆଲୋଚନା ହେବ।
ପୂର୍ବରୁ କରୋନା କାରଣରୁ ବୋରିସ ଜନସନ ଦୁଇ ଥର ଭାରତ ଗସ୍ତ ଆସିବାର କାର୍ଯ୍ୟକ୍ରମକୁ ବାତିଲ କରାଯାଇଥିଲା । ଗତବର୍ଷ ଜାନୁଆରୀ ୨୬ ତାରିଖରେ ମୁଖ୍ୟ ଅତିଥି ଭାବେ ଭାରତ ଆସିବାର କାର୍ଯ୍ୟକ୍ରମ ଥିଲା। କିନ୍ତୁ କରୋନା ଯୋଗୁଁ ଯାତ୍ରା ରଦ୍ଦ ହୋଇଥିଲା। ଏହାପରେ ଏପ୍ରିଲରେ ମଧ୍ୟ କରୋନା ପାଇଁ ଯାତ୍ରା ବାତିଲ ହୋଇଥିଲା।
ଗତ ମାସରେ ଦୁଇ ଦେଶର ନେତା ଫୋନରେ କିଛି ସମୟରେ କଥା ହୋଇଥିଲେ। ୟୁକ୍ରେନର ସ୍ଥିତି ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା। ଏହା ସହ ଦ୍ୱିପାକ୍ଷିକ ପ୍ରସଙ୍ଗ ଉପରେ ମଧ୍ୟ ଚର୍ଚ୍ଚା ହୋଇଥିଲା ।