ଭୁବନେଶ୍ୱର: ପୂର୍ବତନ ବିଧାୟକ ଜିତୁ ପଟ୍ଟନାୟକଙ୍କୁ ଇଡି ବା ପ୍ରବର୍ତ୍ତନ ନିର୍ଦେଶାଳୟ ଘେରିଛି। ବୁଧବାର ତାଙ୍କ ଘର ଉପରେ ଚଢାଉ କରି ଇଡି ଅଧିକାରୀମାନେ ୧୩୩ କୋଟି ଟଙ୍କାର ସ୍ଥାୟୀ ଜମା ଓ ୬୯ଲକ୍ଷ ଟଙ୍କାର ନଗଦ ଅର୍ଥରାଶି ଜବତ କରିଛନ୍ତି। ବେଆଇନ ଖଣି କାରବାର ଓ ମନି ଲଣ୍ଡ୍ରିଂ ଏବଂ ଆର୍ଥିକ ଅନିୟମିତତା ଅଭିଯୋଗରେ ଏହି ଚଢଉ କରାଯାଇଥିବା ଖବର ମିଳିଛି। ଇଡି ଆହୁରି ତାଙ୍କ ଆକାଉଣ୍ଟ ଯାଞ୍ଚ କରିବା ସହିତ କାଗଜପତ୍ର ଓ କମ୍ପ୍ୟୁଟର ହାର୍ଡଡିସ୍କ ଯାଞ୍ଚ କରୁଛି।
ଗତକାଲି ସକାଳେ ଶ୍ରୀ ପଟ୍ଟନାୟକଙ୍କ ଭୁବନେଶ୍ବର ସୂର୍ଯ୍ୟନଗର ଓ ଯୋଡାର ସାଇମନ୍ଦିର ସନ୍ନିକଟ ଘର ସମେତ ମୋଟ ୪ଟି ସ୍ଥାନରେ ଇଡି ଚଢାଉ କରିଥିଲା। ୨୦୦୯ ମସିହାରେ ଚମ୍ପୁଆରୁ ଶ୍ରୀ ପଟ୍ଟନାୟକ ନିର୍ବାଚିତ ହୋଇଥିଲେ। ତାଙ୍କ ନାମରେ ଇଡି ନିଜ ଆଡୁ ମାମଲା ରୁଜୁ କରିଥିଲା।