ଝାରଖଣ୍ଡ: ଝାରଖଣ୍ଡର ବିବାଦୀୟ ଆଇଏଏସ ପୂଜା ସିଙ୍ଘଲ ସସପେଣ୍ଡ ହୋଇଛନ୍ତି । ସରକାର ତାଙ୍କୁ ନିଲମ୍ବନ କରିଥିବା କାର୍ମିକ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ମନରେଗା ସହ ବିଭିନ୍ନ ଦୁର୍ନୀତି ଅଭିଯୋଗରେ ବୁଧବାର ପୂଜାଙ୍କୁ ଇଡି ଗିରଫ କରିଥିଲା । ଖଣି ସହ ଉଦ୍ଦ୍ୟୋଗ ବିଭାଗର ସଚିବ ଥିବା ପୂଜାଙ୍କ ଘରୁ ବ୍ୟାପକ ଟଙ୍କା ଜବତ କରାଯାଇଥିଲା । ଏହା ପରେ ଇଡି ତାଙ୍କୁ ଏବଂ ତାଙ୍କର ସିଏଙ୍କୁ ଗିରଫ କରିଛି ।
ବୁଧବାର ସନ୍ଧ୍ୟାରେ ଗିରଫ ପରେ ପୂଜାଙ୍କୁ ରାଞ୍ଚିର ବିର୍ସାମୁଣ୍ଡା ଜେଲକୁ ପଠାଇଦିଆଯାଇଛି । ଇଡି ତାଙ୍କୁ ୫ ଦିନିଆ ରିମାଣ୍ଡରେ ନେଇ ଅଧିକ ପଚରା ଉଚରା କରିବ ବୋଲି ସୂଚନା ମିଳିଛି । ତେବେ ପଚରାଉଚରା ବେଳେ ତାଙ୍କ ରକ୍ତ ଚାପ ବଢିବା ପରେ ଡାକ୍ତର ତାଙ୍କର ପରୀକ୍ଷା କରିଛନ୍ତି।