କଟକ:ଓଡ଼ିଶା ପୁଲିସ ରିକ୍ରୁଟମେଣ୍ଟ୍ ବୋର୍ଡ ଦ୍ବାରା ପରିଚାଳିତ ମିଳିତ ପୁଲିସ ସେବା ପରୀକ୍ଷା (ସିପିଏସଇ)-୨୦୧୮ ବର୍ଷ ପାଇଁ କମ୍ପ୍ୟୁଟର୍ଭିତ୍ତିକ ଲିଖିତ ପରୀକ୍ଷା ଅନ୍ଲାଇନ୍ରେ ଆସନ୍ତା ଜୁଲାଇ ୨ ତାରିଖରୁ ୯ ତାରିଖ ଓ ଜୁଲାଇ ୧୧ ଓ ୧୨ ତାରିଖ ଦୁଇ ଦିନ ରାଜ୍ୟର ବିଭିନ୍ନ ପରୀକ୍ଷା କେନ୍ଦ୍ରରେ ଅନୁଷ୍ଠିତ ହେବ। ପରୀକ୍ଷା ପାଇଁ ଆଡମିଟ୍ କାର୍ଡ ଆସନ୍ତା ୧୮ ତାରିଖରୁ ଓଡ଼ିଶା ପୁଲିସ ୱେବସାଇଟ୍ରେ ଉପଲବଧ୍ ହେବ ।
ପୁଲିସ୍ ରିକ୍ରୁଟ୍ମେଣ୍ଟ୍ ବୋର୍ଡ ଦ୍ୱାରା ପରୀକ୍ଷା ସମ୍ପର୍କିତ ତଥ୍ୟ ପ୍ରାର୍ଥୀଙ୍କ ପଞ୍ଜିକୃତ ମୋବାଇଲ ନମ୍ୱର ଓ ଇମେଲରେ ଜଣାଇ ଦିଆଯିବ। ଯଦି ୱେବ୍ସାଇଟ୍ରେ ଆଡମିଟ୍ କାର୍ଡ ପାଇବାରେ ସମସ୍ୟା ହୁଏ, ପ୍ରାର୍ଥୀମାନେ ୱେବସାଇଟ୍ରେ ଉଲ୍ଲେଖ ଥିବା ହେଲ୍ପ ଡେକ୍ସ ନମ୍ବରରେ ଯୋଗାଯୋଗ କରିବାକୁ ପରାମର୍ଶ ଦିଆଯାଇଛି।
ସୂଚନାଯୋଗ୍ୟ, ପୁଲିସ ଏସ୍ଆଇ ପଦରେ ନିଯୁକ୍ତି ପାଇଁ ମିଳିତ ପୁଲିସ ସେବା ପରୀକ୍ଷା-୨୦୧୮ ଲାଗି ୨୦୧୭ରେ ବିଜ୍ଞାପନ ବାହାରିଥିଲା ।