ପ୍ରମୁଖ ଖବର

ଆଇପିଏସ୍‌ସ୍ତରରେ ଅଦଳବଦଳ: ସୁଶାନ୍ତ କୁମାର ନାଥ ହେଲେ ଜେଲ୍ ଡିଜି
ଦିଲ୍ଲୀରେ ପ୍ରବଳ ବର୍ଷା ଓ ଝଡ଼ତୋଫାନ
ଡାକ୍ତରଙ୍କୁ କେବଳ ଜେନେରିକ ଔଷଧ ଲେଖିବା ପାଇଁ ବାଧ୍ୟତାମୂଳକ କରାଯିବା ଉଚିତ: ସୁପ୍ରିମକୋର୍ଟ
ପ୍ରକାଶ ପାଇଲା ମାଟ୍ରିକ୍ ପରୀକ୍ଷା ଫଳ: ଚଳିତ ମାଟ୍ରିକ୍ ରେଜଲ୍ଟରେ ଛାତ୍ରୀ ବାଜିମାରିନେଇଛନ୍ତି । ପାସ୍ ହାର ୯୪.୯୩ ପ୍ରତିଶତ ଥିବାବେଳେ ଛାତ୍ରୀଙ୍କ ପାସ୍ ହାର ୯୬ ପ୍ରତିଶତ ରହିଛି । ପୁଅଙ୍କ ପାସ୍ ହାର ୯୪ ପ୍ରତିଶତ ରହିଛି
କୋରାପୁଟ: ଲାଞ୍ଚ ନେବା ବେଳେ ଭିଜିଲାନ୍ସ ଜାଲରେ ସିଡିପିଓ ଏବଂ ଅଙ୍ଗନୱାଡି କର୍ମୀ

ବିଶିଷ୍ଟ ଲେଖକ ସଲ୍‌ମାନ୍ ରସିଦ୍‌ଙ୍କୁ ଛୁରାମାଡ଼

0

ନ୍ୟୁୟର୍କ: ବିବାଦରେ ଥିବା ବୁକର ପୁରସ୍କାର ଜିତିଥିବା ବିଶିଷ୍ଟ ଲେଖକ ସଲମାନ ରସିଦ୍‌ଙ୍କୁ କେହି ଦୁର୍ବୃତ୍ତ ଛୁରାମାଡ଼ କରିଛନ୍ତି। ନ୍ୟୁୟର୍କର ବକ୍ତୃତା ମଞ୍ଚ ଉପରେ ତାଙ୍କ ଉପରେ ଆକ୍ରମଣ ହୋଇଛି। ଆହତ ଅବସ୍ଥାରେ ତାଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି। ୧୯୮୦ରେ ରସିଦ୍‌ଙ୍କ ‘ଦ ସାଟାନିକ୍ ଭର୍ସେସ୍’ ବହିକୁ ନେଇ ବିବାଦ ସୃଷ୍ଟି ହୋଇଥିଲା। ୧୯୮୮ରେ ଏହାକୁ ଇରାନ୍ ସରକାର ନିଷିଦ୍ଧ କରିଥିଲେ। ପରେ ଇରାନର ନେତା ଆୟାତୋଲ୍ଲା ତାଙ୍କ ବିରୋଧରେ ଫତଵା ଜାରି କରିଥିଲେ। ପରେ ଘୋଷଣା କରାଯାଇଥିଲା ଯେ ଯିଏ ତାଙ୍କୁ ହତ୍ୟା କରିବ, ତାଙ୍କୁ ୨.୮ ନିୟୁତ ଡଲାର ପୁରସ୍କାର ଦିଆଯିବ। ଏହି ରାଶି ପୁଣି ବଢ଼ି ୩.୩ ନିୟୁତ ଡଲାରକୁ ବୃଦ୍ଧି କରାଯାଇଥିଲା। ଭାରତୀୟ ବଂଶୋଭବ ରସିଦ୍ ବ୍ରିଟେନ୍‌ ନାଗରିକ ହୋଇଥିଲେ ହେଁ ପାଖାପାଖି ଦୁଇ ଦଶନ୍ଧି ଧରି ସେ ଆମେରିକାରେ ରହି ଆସୁଛନ୍ତି।

ଆଜି ଅନୁଷ୍ଠିତ ସ୍ବତନ୍ତ୍ର କାର୍ଯ୍ୟକ୍ରମରେ ରସିଦ୍ ନିଜର ବକ୍ତୃତା ପ୍ରଦାନ କରୁଥିବା ସମୟରେ କେହି ଜଣେ ଦୁର୍ବୃତ୍ତ ମଞ୍ଚକୁ ଚଢି ତାଙ୍କୁ ଅତର୍କିତ ଆକ୍ରମଣ କରିଥିଲା। ଫଳରେ ସେ ଗୁରୁତର ହୋଇପଡ଼ିଛନ୍ତି। ସଂପୃକ୍ତ ଦୁର୍ବୃତ୍ତକୁ ଲୋକେ ଧରି ପୁଲିସ ଜିମା ଦେଇଥିଲେ ହେଁ, କାହିଁକି ଓ କେଉଁ କାରଣ ପାଇଁ ସେ ଆକ୍ରମଣ କଲା ତାହା ଜଣାପଡ଼ିନାହିଁ। ଦୁର୍ବୃତ୍ତକୁ ଅଟକ ରଖାଯାଇଛି।

Leave A Reply

Your email address will not be published.