ଶିରିଡି: ମହାରାଷ୍ଟ୍ର ଶିରିଡିରେ ଥିବା ସାଇବାବାଙ୍କୁ ଆନ୍ଧ୍ରପ୍ରଦେଶର ଜଣେ ବ୍ୟକ୍ତି ଗୋଟିଏ ସୁନା ମୁକୁଟ ପ୍ରଦାନ କରିଛନ୍ତି। ସତୀଶ ପ୍ରଭାକର ନାମକ ୫୭ବର୍ଷୀୟ ଏହି ବ୍ୟକ୍ତି ୩୬ଲକ୍ଷ ୯୮ ହଜାର ଟଙ୍କା ମୂଲ୍ୟରେ ଏହି ମୁକୁଟ ଦେଇଛନ୍ତି। ଏହାର ଓଜନ ୭୭୦ ଗ୍ରାମ୍ ଓଜନ ହେବ ବୋଲି କୁହାଯାଉଛି।
କେବଳ ସେତିକି ନୁହେଁ, ସଂପୃକ୍ତ ବ୍ୟକ୍ତି ୩୩ ହଜାର ଟଙ୍କାର ଗୋଟିଏ ରୂପା ଥାଳି ମଧ୍ୟ ଦାନ କରିଥିବା ଶିରିଡି ସାଇବାବା ମନ୍ଦିରର ପରିଚାଳନା ଟ୍ରଷ୍ଟର ଜଣେ ବରିଷ୍ଠ ଅଧିକାରୀ ଶୁକ୍ରବାର କହିଛନ୍ତି।ଗୁରୁବାର ଦିନ ପ୍ରଭାକର ବାବାଙ୍କୁ ଉଭୟ ମୁକୁଟ ଓ ଥାଳି ପ୍ରଦାନ କରିଥିଲେ। ଗତ ମାସରେ ହାଇଦ୍ରାବାଦର ଜଣେ ୮୦ ବର୍ଷୀୟ ଡାକ୍ତର ମନ୍ଦିର ଟ୍ରଷ୍ଟକୁ ୩୩ ଲକ୍ଷ ଟଙ୍କା ମୂଲ୍ୟର ଏକ ସୁନା ମୁକୁଟ ଦାନ କରିଥିଲେ।