ଗ୍ରାହକଙ୍କୁ ବଡ ଝଟକା ଦେଲା ଦୁଗ୍ଧଜାତ ଦ୍ରବ୍ୟ ଉତ୍ପାଦନ କରୁଥିବା ଅମୁଲ କମ୍ପାନୀ । ଆଜି ଠାରୁ ଅମୁଲ କ୍ଷୀରର ଦାମ ଲିଟର ପ୍ରତି ୨ ଟଙ୍କା ବୃଦ୍ଧି ହୋଇଛି । ତେବେ ନିର୍ବାଚନ ପାଇଁ ଗୁଜରାଟରେ ଦରବୃଦ୍ଧି ନିୟମ ଲାଗୁ ହେବ ନାହିଁ । ଗୁଜରାଟକୁ ଛାଡ଼ି ବାକି ସବୁ ସ୍ଥାନରେ ବର୍ଦ୍ଧିତ ଦାମ ଦେଇ ଲୋକମାନେ ଅମୁଲ କ୍ଷୀର କିଣିବେ ।
ବର୍ଦ୍ଧିତ ନିୟମ ଲାଗୁ ହୋଇଥିବାରୁ ଏଣିକି ଲୋକମାନେ ପୁରା ଲହୁଣି ଥିବା କ୍ଷୀରର ଦାମ ଲିଟର ପ୍ରତି ୬୧ ଟଙ୍କାରୁ ବୃଦ୍ଧି କରାଯାଇ ୬୩ ଟଙ୍କା କରାଯାଇଛି । ଏହାବାଦ ଅମୁଲ ତା’ର ଗୋଲ୍ଡ ଓ ମଇଁଷି କ୍ଷୀରର ଦାମ ମଧ୍ୟ ଲିଟର ପିଛା ୨ ଟଙ୍କା ବୃଦ୍ଧି କରିଛି । ଏହାର କାରଣ ଭାବେ ଅମୁଲ ଡାଏରୀର ପରିଚାଳନା ନିର୍ଦ୍ଦେଶକ ଆରଏସ ସୋଢୀ କହିଛନ୍ତି କି କ୍ଷୀର ଉତ୍ପାଦନ ପାଇଁ ଆବଶ୍ୟକ ବିଭିନ୍ନ କଞ୍ଚା ମାଲ ଓ ଗୋ-ଖାଦ୍ୟ ଦାମ ବୃଦ୍ଧି ପାଇଛି। ଏଥିପାଇଁ କମ୍ପାନୀ ବାଧ୍ୟ ହୋଇ ଦର ବୃଦ୍ଧି କରିଛି ।
ଏହାପୂର୍ବରୁ ଅଗଷ୍ଟ ମାସାରେ ଅମୁଲ ତା’ର ଗୋଲ୍ଡ, ଶକ୍ତି ଓ ତାଜା କ୍ଷୀରର ଲିଟର ପିଛା ଦାମ ୨ ଟଙ୍କା ଲେଖାଏ ବଢ଼ାଇଥିଲା। ସୂଚନା ଅନୁଯାୟୀ, ଦେଶରେ ପ୍ରଥମରୁ ଖୁଚୁରା ମହଙ୍ଗା ଦର ୭ ପ୍ରତିଶତରୁ ଅଧିକ ଥିବା ବେଳେ ଏବେ ଅମୁଲ ପୁଣି ଦାମ ବଢାଇ ଲୋକଙ୍କ ଉପରେ ବୋଝ ଲଦି ଦେଇଛି ।