ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ପଦ ନିମନ୍ତେ ହୋଇଥିବା ନିର୍ବାଚନରେ ବିଶିଷ୍ଟ କଂଗ୍ରେସ ନେତା ମଲ୍ଲିକାର୍ଜୁନ ଖଡ଼ଗେ ବିଜୟୀ ହୋଇଛନ୍ତି। ଖଡ଼ଗେ ୭,୮୯୭ ଖଣ୍ଡ ଭୋଟ୍ ପାଇଥିବା ବେଳେ ଶଶୀ ଥରୁର୍ ମାତ୍ର ୧,୦୭୨ ଖଣ୍ଡ ଭୋଟ୍ ପାଇଛନ୍ତି।
ସୂଚନାନୁସାରେ; ଦୀର୍ଘ ୨୪ ପରେ ଜାତୀୟ କଂଗ୍ରେସକୁ ଅଣ ଗାନ୍ଧୀ ପରିବାରରୁ ଅଧ୍ୟକ୍ଷ ମିଳିଛି । ପୂର୍ବତନ କେନ୍ଦ୍ରମନ୍ତ୍ରୀ ମଲ୍ଲିକାର୍ଜୁନ ଖଡଗେ ଦଳର ନୂଆ ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି । ଏନେଇ ଅନୁଷ୍ଠିତ ହୋଇଥିବା ଭୋଟ ଗ୍ରହଣରୁ ଖଡଗେଙ୍କୁ ମୋଟ ୭,୮୯୭ ଖଣ୍ଡ ଭୋଟ ମିଳିଛି । ସେପଟେ ନିର୍ବାଚନରେ ଖଡଗେଙ୍କ ବିରୋଧରେ ପ୍ରାର୍ଥୀ ହୋଇଥିବା ଶଶି ଥରୁରଙ୍କୁ ମାତ୍ର ୧୦୭୨ ଟି ଖଣ୍ଡ ମିଳିଛି । ଏହି ଭୋଟ ଗଣତି ପରେ ଜଣାପଡିଛି କି ମୋଟ ୯୬ ପ୍ରତିଶତ ମତଦାନ ହୋଇଥିବା ବେଳେ ଖଡଗେଙ୍କ ସପକ୍ଷରେ ୯୦ ପ୍ରତିଶତ ଭୋଟ ଯାଇଛି । ଏହି ନିର୍ବାଚନରେ ମୋଟ ୯୫୦୦ ରୁ କିଛି ଅଧିକ ଡେଲିଗେଟ ଭୋଟ ଦେଇଥିଲେ ।
୧୩୭ ବର୍ଷର ପୁରୁଣା ପାର୍ଟିକୁ ଷଷ୍ଠଥର ପାଇଁ ଅଣଗାନ୍ଧୀ ପରିବାରରୁ ଅଧ୍ୟକ୍ଷ ମିଳିଛି । ପାର୍ଟି ମହାସଚିବ ଜୟରାମ ରମେଶଙ୍କ ମୁତାବକ ଦଳର ଅଧ୍ୟକ୍ଷ ପଦ ପାଇଁ ଏପର୍ଯ୍ୟନ୍ତ ୧୯୩୯, ୧୯୫୦, ୧୯୭୭, ଓ ୨୦୦୦ ମସିହା ପରେ ନିର୍ବାଚନ ହୋଇଛି ।