ମୈନପୁରୀ; ମୈନପୁରୀ ଲୋକସଭା ଉପନିର୍ବାଚନ ପାଇଁ ପ୍ରାର୍ଥୀଙ୍କ ନାମ ଘୋଷଣା କଲା ସମାଜବାଦୀ ପାର୍ଟି । ଏଠାରୁ ନିର୍ବାଚନ ଲଢିବେ ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ପତ୍ନୀ ତଥା ପୂର୍ବତନ ସାଂସଦ ଡିମ୍ପଲ ଯାଦବ । ସମାଜବାଦୀ ଦଳର ପ୍ରତିଷ୍ଠାତା ମୁଲାୟମ ସିଂହ ଯାଦବଙ୍କ ମୃତ୍ୟୁ ପରେ ମୌନପୁରୀ ଲୋକସଭା ଆସନ ଖାଲି ପଡିଛି । ଏବେ ଡିମ୍ପଲଙ୍କ ଦ୍ବାରା ନିର୍ବାଚନ ଲଢି ମୈନପୁରୀକୁ ନିଜ କବଜାରେ ରଖିବାକୁ ପ୍ରୟାସ କରିବ ଯାଦବ ପରିବାର ।
ଆସନ୍ତା ଡିସେମ୍ବର ୫ ତାରିଖରେ ଏହି ଆସନରେ ଭୋଟ ଗ୍ରହଣ ହେବ। ୮ ତାରିରେ ଫଳାଫଳ ଆସିବ । ସୂଚନା ଅନୁଯାୟୀ ୨୦୦୯ରେ ଯେତେବେଳେ ଅଖିଳେଶ ଫିରୋଜାବାଦ ସିଟ ଛାଡିଥିଲେ ସେତେବେଳେ ନିର୍ବାଚନ ମଇଦାନକୁ ଓହ୍ଲାଇଥିଲେ ପତ୍ନୀ ଡିମ୍ପଲ । ଏହି ଉପନିର୍ବାଚନରେ ଲୋକପ୍ରିୟ ଅଭିନେତା ରାଜ ବବରଙ୍କୁ ହରାଇଥିଲେ ଡିମ୍ପଲ । ଏହାପରେ ୨୦୧୨ରେ ଲୋକସଭା ଉପ ନିର୍ବାଚନରେ ବିଜୟ ହାସଲ କରିଥିଲେ । ଏହାପରେ ୨୦୧୯ରେ ସେ କନ୍ନୌଜ ଲୋକସଭା ଆସନରୁ ନିର୍ବାଚନ ଲଢ଼ିଥିଲେ । ଏହି ଆସନରୁ ସେ ବିଜେପିର ସୁବ୍ରତ ପାଠକଙ୍କ ଠାରୁ ହାରି ଯାଇଥିଲେ । ୪୪ ବର୍ଷୀୟ ଡିମ୍ପଲ ଏବେ ଦୀର୍ଘ ତିନି ବର୍ଷ ପରେ ରାଜନୈତିକ ମଇଦାନକୁ ଓହ୍ଲାଇଛନ୍ତି । ଶ୍ୱଶୁରଙ୍କ ଆସନ ମୌନପୁରୀରୁ ସେ ଲୋକସଭା ଉପ-ନିର୍ବାଚନ ଲଢ଼ିବେ ।