ପ୍ରମୁଖ ଖବର

ସରକାରୀ ବାସଭବନ ନ ଛାଡିବା ନେଇ ସ୍ପଷ୍ଟିକରଣ ରଖିଲେ ପୂର୍ବତନ ସିଜେଆଇ ଚନ୍ଦ୍ରଚୂଡ
ପ୍ରବଳ ବର୍ଷା ଯୋଗୁଁ ବନ୍ଦ ହେଲା କେଦାରନାଥ ଯାତ୍ରା
ହସ୍ପିଟାଲରୁ ଡିସଚାର୍ଜ ହେଲେ ନବୀନ ପଟ୍ଟନାୟକ
ପ୍ରକାଶ ପାଇଲା ଯୁକ୍ତ ଦୁଇ ପ୍ରଥମ ମେଧା ତାଲିକା, ଆଗରେ ରେଭେନ୍ସା
ବିଜେପି ରାଜ୍ୟ ସଭାପତି ହେବେ ମନମୋହନ, ଭରିଲେ ନାମାଙ୍କନ
ଏନକାଉଣ୍ଟରରେ ଦୁର୍ଦ୍ଦାନ୍ତ ମାଓବାଦୀ ନେତା ସୋଡ଼ି କନ୍ନା ନିହତ

୧୦ ବର୍ଷରେ ୧୫୦୦ ପରମାଣୁ ଅସ୍ତ୍ର ତିଆରି କରିବ ଚୀନ

0

ଚୀନ୍; ପରମାଣୁ ଅସ୍ତ୍ର ସଂଖ୍ୟା ପ୍ରାୟ ୪ ଗୁଣକୁ ବୃଦ୍ଧି କରିବ ଚୀନ । ଏହି ବଡ ଯୋଜନାକୁ ନେଇ ପେଣ୍ଟାଗନ୍‌ ସୂଚନା ଦେଇଛି । ପେଣ୍ଟାଗନ୍ ରିପୋର୍ଟରେ ଦାବି କରାଯାଇଛି ଯେ ଚୀନ୍ ନିଜର ଆଣବିକ ଶକ୍ତିର ଆଧୁନିକୀକରଣକୁ ବିସ୍ତାର କରିବାକୁ ଲକ୍ଷ୍ୟ ରଖିଛି । ୨୦୩୫ ସୁଦ୍ଧା ଚୀନ୍ ପାଖରେ ୧୫୦୦ ପରମାଣୁ ଅସ୍ତ୍ର ନିର୍ମାଣ କରିବ । ୨୦୨୩ ସୁଦ୍ଧା ଜାତୀୟ ପ୍ରତିରକ୍ଷା ଏବଂ ସଶସ୍ତ୍ର ସେନାର ଆଧୁନିକୀକରଣ କରିବା ପାଇଁ ‘ପିପୁଲ୍‌ସ୍‌ ଲିବରେସନ୍‌ ଆର୍ମି’ ଯୋଜନା କରୁଛି ।

‘ପେଣ୍ଟାଗନ୍‌’ ରିପୋର୍ଟରେ ଆହୁରି ମଧ୍ୟ ଉଲ୍ଲେଖ ଅଛି ଯେ, ଚୀନ୍‌ ମହାକାଶ ଯୁଦ୍ଧ ଓ ମହାକାଶ ଯୁଦ୍ଧ ମୁକାବିଲା ନିମନ୍ତେ ଆବଶ୍ୟକ ଅସ୍ତ୍ରଶସ୍ତ୍ର ମଧ୍ୟ ପ୍ରସ୍ତୁତି କରୁଛି । ବିଶ୍ୱର ବୃହତ୍ତମ ଚୀନ୍‌ ସେନାରେ ୧ ନିୟୁତ ସୈନିକ ଅଛନ୍ତି । ଯୁଦ୍ଧପୋତ ସଂଖ୍ୟାରେ ବି ଚୀନ୍‌ର ନୌସେନା ବିଶ୍ୱର ସବୁଠୁ ବଡ଼ । ଚୀନ୍‌ ବାୟୁସେନା ମଧ୍ୟ ବିଶ୍ୱର ତୃତୀୟ ବୃହତ୍‌ ବାୟୁସେନା ।

ଅନ୍ୟପଟେ ଦେଖିବାକୁ ଗଲେ କରୋନା ସ୍ଥିତି ପରେ ଚୀନ ସହ ଆମେରିକାର ସମ୍ପର୍କରେ ଦୂରତା ବଢିବାରେ ଲାଗିଛି । ଗତ ବର୍ଷକ ମଧ୍ୟରେ ଚୀନ ତାର ସାମରିକ ଶକ୍ତି ତୀବ୍ର ଗତିରେ ବୃଦ୍ଧି କରୁଥିବା ରିପୋର୍ଟ ଦେଇଛି ପେଣ୍ଟାଗନ । ଚୀନର ଏଭଳି ଗତିବିଧି ପରେ ଆମେରିକା ପାଇଁ ବିପଦ ବଢ଼ିଛି । ଯଦି ଏହି ଗତିରେ ଚୀନ ତାର ସାମରିକ ଶକ୍ତି ବୃଦ୍ଧି ଜାରି ରଖେ ।

ତେବେ ଚଳିତ ଶତାବ୍ଦୀ ମଧ୍ୟ ସୁଦ୍ଧା ଆମେରିକାର ସାମରିକ ଶକ୍ତିକୁ ଟପିଯିବ ଚୀନ । ଆସନ୍ତା ୬ ବର୍ଷ ମଧ୍ୟରେ ଚୀନ ତାର ପରମାଣୁ ଅସ୍ତ୍ର ସଂଖ୍ୟା ୭ଶହକୁ ବୃଦ୍ଧି କରିବ ବୋଲି ଗତବର୍ଷ ପେଣ୍ଟାଗନ କହିଥିଲା । ୨୦୩୦ ସୁଦ୍ଧା ଏହି ସଂଖ୍ୟା ୧ ହଜାରକୁ ବୃଦ୍ଧି କରିବ ବୋଲି କହିଥିଲା । ତେବେ ଏହି ଢେର ସମୟ ଆଗରୁ ଚୀନ ତାର ଆଣବିକ ଶକ୍ତି ବୃଦ୍ଧି କରିବାକୁ ଯାଉଛି । ଚୀନ ତୁଳନାରେ ଆମେରିକା ପାଖରେ ୩ ହଜାର ୭୫୦ ପରମାଣୁ ଅସ୍ତ୍ର ରହିଛି ।

Leave A Reply

Your email address will not be published.