ନୂଆଦିଲ୍ଲୀ: ପାଞ୍ଚ ସେକେଣ୍ଡେ ପାଇଁ ଭୂକମ୍ପ ଝଟକାରେ ଥରିଲା ରାଜଧାନୀ । ଏହି ଭୁମିକମ୍ପ ଅପରାହ୍ନ ୨.୩୦ରେ ଅନୁଭୁତ ହୋଇଥିଲା। ଦିଲ୍ଲୀ ସମେତ ପାଖାପାଖି ଅଞ୍ଚଳରେ ମଧ୍ୟ ଭୂକମ୍ପ ଝଟ୍କା ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ରହିଛି ୫.୪ ।
ଏହା ପୂର୍ବରୁ ଗତ ୫ ତାରିଖରେ ବି ରାଜଧାନୀ ଦିଲ୍ଲୀ ସମେତ ସମ୍ପୂର୍ଣ୍ଣ ଏନସିଆରରେ ଭୂକମ୍ପର ତୀବ୍ର ଝଟକା ଅନୁଭୂତ ହୋଇଥିଲା । ଏହା ଦିଲ୍ଲୀ ବ୍ୟତୀତ କେନ୍ଦ୍ର ଶାସିତ ଅଞ୍ଚଳ ଜମ୍ମୁ କାଶ୍ମୀରରେ ବି ଅନୁଭୂତ ହୋଇଥିଲା । ଲୋକମାନେ ଝଟକା ଅନୁଭୂତ କରିବା କ୍ଷଣି ଘରୁ ବାହାରକୁ ଚାଲି ଆସିଥିଲେ । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ଥିଲା ୫.୯ ।