ରାଜସ୍ଥାନ; ରାଜସ୍ଥାନ ସରକାର ଆସନ୍ତା ମାସ ଅର୍ଥାତ ଏପ୍ରିଲ ୧ରୁ ମହିଳାଙ୍କ ପାଇଁ ବସ୍ ଭଡ଼ା ଅଧା କରିବାକୁ ନିଷ୍ପତ୍ତି ନେଇଛନ୍ତି। ରାଜସ୍ଥାନର ସମସ୍ତ ସରକାରୀ ବସରେ ଯାତ୍ରା କରୁଥିବା ମହିଳା, ଧାର୍ଯ୍ୟ ବସ ଭଡ଼ାର ଅଧା ଭଡ଼ା ଦେଇ ଯାତ୍ରା କରିପାରିବେ। ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଟୁଇଟ୍ କରି ଏ ବିଷୟରେ ସୂଚନା ଦେଇଛନ୍ତି। ଏପ୍ରିଲ ୧ ତାରିଖରୁ ରାଜ୍ୟରେ ସରକାରୀ ବସ୍ ଗୁଡିକରେ ମହିଳାମାନଙ୍କୁ ଅଧା ଭଡା ଦେବାକୁ ପଡ଼ିବ।
ସୂଚନାଯୋଗ୍ୟ; ମୁଖ୍ୟମନ୍ତ୍ରୀ କରିଥିବା ଟ୍ବିଟରେ ଲେଖାଯାଇଛି ଯେ ମହିଳାମାନଙ୍କୁ ସମ୍ମାନ ଦେବା ଏବଂ ସେମାନଙ୍କ ଜୀବନକୁ ସହଜ କରିବାକୁ ସରକାର ପ୍ରତିବଦ୍ଧ। ଏପ୍ରିଲ ୧ରୁ ରାଜସ୍ଥାନର ମହିଳାମାନଙ୍କ ପାଇଁ ବସ୍ ଭଡା ଅଧା ହୋଇଯିବ ଏବଂ ସ୍ୱତନ୍ତ୍ର ବର୍ଗ ପାଇଁ ବସରେ ଦିଆଯାଇଥିବା ଭଡା ଉପରେ ୩୦% ରିହାତି ମଧ୍ୟ ଜାରି ରହିବ। ଏହି ନିଷ୍ପତ୍ତି ରାଜ୍ୟର ଝିଅ, ଭଉଣୀ ଏବଂ ମା’ମାନଙ୍କ ପାଇଁ ଉତ୍ସର୍ଗୀକୃତ। ସାଧାରଣ ସଡ଼କପଥ ବସ୍ ଭଡାରେ ମହିଳାମାନଙ୍କୁ ୫୦ପ୍ରତିଶତ ରିହାତି ଦେବାକୁ ନିଷ୍ପତ୍ତି ନିଆଯାଇଛି। ମହିଳାମାନେ ୧ ଏପ୍ରିଲ ୨୦୨୩ ରୁ ଏହି ରିହାତିର ଲାଭ ପାଇବେ | ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ, ଏପ୍ରିଲ 1 ତାରିଖରୁ ମହିଳାମାନଙ୍କୁ ବସ୍ରେ ଯାତ୍ରା କରିବା ପାଇଁ କେବଳ ୫୦ ପ୍ରତିଶତ ଭଡା ଦେବାକୁ ପଡ଼ିବ |
ଏଠାରେ ଉଲ୍ଲେଖ କରାଯାଇପାରେ ଯେ ପୂର୍ବରୁ ରାଜସ୍ଥାନ ରୋଡୱେର ସାଧାରଣ ବସ୍ରେ ମହିଳାମାନଙ୍କୁ ୩୦ପ୍ରତିଶତ ରିହାତି ଦିଆଯାଇଥିଲା, ଯାହା ବର୍ତ୍ତମାନ ୫୦ ପ୍ରତିଶତକୁ ବୃଦ୍ଧି କରାଯାଇଛି।